Génesis 38:15 - Kashibo-Kakataibo Biblia

¹⁵ Usaia anu aín chupan bëpamëax tsókë iskin ka Judánën sinánkëxa ax isa achúshi xanu bëtsi bëtsi unin aín nami ꞌakë a ꞌikë kixun.

Nukën 'Ibu Diosan ain unikama 'inan ain bana

¹⁵ Usaia anu aín chupan bëpamëax tsókë iskin ka Judánën sinánkëxa ax isa achúshi xanu bëtsi bëtsi unin aín nami 'akë a 'ikë kixun.

Génesis 38:15 ပူးပေါင်းရင်းမြစ်များ

Génesis 38:14

usai a ëmanu kuankë kuakin ka Tamarnën kasunamëkë xanun pañukë chupa pañukë a pëtankëx ka bëtsi chupan rakútankëx amo chupan bëpamëti unin ꞌunántimaisa kiax ꞌitankëx, anun Enaim kakë ëmanu atsínti anu tsóakëxa, ax ka anun Timnat kakë ëmanu kuanti bai anu ꞌiakëxa. Usa ꞌain ka ësokin sinánkëxa Selá ax ka bërí kanikë ꞌaish cha ꞌikën, ꞌaínbi kana abë biranankëma pain ꞌai kixun ka sinánkëxa.

Génesis 38:16

Usai ꞌikë ukinbi mërai ka Judá anúan ukë bai a ëni amo nirakëti abë banakëxa, banakinbi ka ꞌunánma ꞌikën ax ka aín bëchikënën kasunankë xanu aín piaka a ꞌikë kixun ꞌunánima abë banakin ka kakëxa: —¿ꞌËbë kaina ꞌitima ꞌain? Kixuan kakëxun ka xanunribi ñukákin kakëxa: —¿Añu ñu kaina ꞌëbë ꞌinuxun min ꞌë ꞌinánti ꞌain? Ësokin ka xanunribi kakëxa.

Proverbios 7:10

Usaia ꞌikëbëa xanu aín ꞌikënuax chikitia uni an iskëxbi ka bëtsi bëtsi unibë ꞌikë xanu ꞌikësaibi upiti mëníokakin upí chupa pañuxunbi aín nami bërúankëma ꞌiakëxa,

1 Corintios 6:16

¿Axa xanu ꞌatimabë ꞌicë uni ax ca abë achúshisa ꞌicë quixun caramina ꞌunaniman? Nucën Papa Diosan bana cuënëo quicësabi oi ca uni xanubë rabë́ ꞌaíshbi achúshisa ꞌicën.