Génesis 37:8 - Kashibo-Kakataibo Biblia

⁸ Ësokian ñuixunkëxun ka aín xukën apan achúshinën kakëxa: —¿Usa ꞌain karamina mix nukaman ꞌapuira ꞌianan an nu ñumëmikë uni ꞌiti ꞌain? Usakian ain namákë ñuixunkëx ka atiaira ami xuamati aín xukë́nkama nishakëxa.

Nukën 'Ibu Diosan ain unikama 'inan ain bana

⁸ Ësokian ñuixunkëxun ka aín xukën apan achúshinën kakëxa: —¿Usa 'ain karamina mix nukaman 'apuira 'ianan an nu ñumëmikë uni 'iti 'ain? Usakian ain namákë ñuixunkëx ka atiaira ami xuamati aín xukë́nkama nishakëxa.

Génesis 37:8 ပူးပေါင်းရင်းမြစ်များ

Génesis 27:41

Usakian ꞌakë ꞌain ka Esaúnën ami xuamati nishkin Jacob istisama tankëxa aín papan upíokin sinánxunkin kakë kupín, ꞌimainun ka sinánkëxa: “Ënuax basiramashi kana ꞌën papa ñukëbë ꞌitsaira masá nuituti nitë́xëti ꞌain, usai ꞌikin kana ꞌën xukë́n Jacob rëti ꞌain.”

Génesis 37:4

Aín papan atu ꞌakësamaira okin kuëënia ꞌunani ka aín xukë́n apankamax Josémi xuamati nishi nutsi a istisama tani abëbi banatisama tankëxa.

Génesis 37:9

Usokin namátankëxun ka basikëbëtan Josénën amirbishi namátëkënxun aín xukë́nkama ñuixuankëxa. Ñuixunkin ka ësokin kakëxa: —¿ꞌËn kana namátëkënkin bari, ꞌuxë, mapai rabë́ ꞌimainun achúshi ꞌispa akamaxa ꞌëmi ñanati shaíkia isan kixun kaina ꞌunánkaniman?

Génesis 42:10

—Usama ka nun ꞌIbu —kixun ka atun kakëxa—. An mi ñu mëëxunti nukamax kananuna trigo maruishi uan.

Génesis 44:18

Usa ꞌain ka Judánën José ꞌurama okin kakëxa: —ꞌËn kana mi ësokin kaisatanin, usa ꞌain kana ꞌën uínbi kuanuma mi kain. Kamina ꞌën kakëx ꞌëmi nishtima ꞌain, mix kamina ꞌapu faraón asaribi ꞌikë kana mi kain.

Génesis 49:26

Min papan ka upiokin mi sinánxunkin aín papan ꞌasaribiokin mi upíokin sinánxuanxa. Ax ka bashikama këñúkëbëbi këñutima ꞌikën, upíokin sinánxunkë ax ka Josénën maxkánubi ꞌiti ꞌikën, akana aín xukë́nkama ꞌakima ꞌën kaísan.

Génesis 50:18

Usai ꞌian ka aín xukë́n ꞌibukama ami bëbai aín bëmáno nirakëti rantipuruni aín bëmánanën me tikai tsóbukin kakëxa: —Ënu kananuna nukamax uan. Nukamax kananuna min ñu mëmikë uni ꞌiti ꞌain.

Salmos 118:22

An xubu ꞌakë unikaman timakin rakan maxá ax ka bërí maxá upí ami xubu ꞌakin uarukin nankë a ꞌikën.

Éxodo 2:14

Usakian kakëxunbi ka an bëtsi mëkë hebreo unin kakëxa: —¿Uin kara mi nun ꞌapu ꞌianan nun kushi ꞌinun mi ꞌimiax? ¿Min kaina egipcio unimi ꞌakësokin ꞌë ribi ꞌati sinanin? Ësokian kakëxun kuati ka Moisés rakuë́akëxa, rakuë́kin ka ꞌën egipcio uni rëonkë a ka ꞌunánxa kixun sinánkëxa.

Lucas 19:14

Usaquin catancëxa cuanbi ca a menu ꞌicë unicama ami nishcë ꞌixun, —a uni cananuna nun ꞌapu ꞌiti cuëënima —quixuan ꞌapu catánun quixun uni xuquin camiaxa.

Lucas 20:17

Quia ca Jesusan atumi bësuquin isquin cacëxa: —¿Usai ꞌitima ꞌain cara uisai quicë ënë cuënëo bana ꞌic?, ësai quicë: An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti.

Hechos 7:35

A aín aintsin titicaquin —¿uin cara nun ꞌapu ꞌixunmi nun ꞌacë ñucama mëníonuxun isnun mi cax? —quixun cacë, a Moisésbi ca Nucën Papa Diosan atun cushi ꞌixuan aín aintsicama tëmëraiabi ië́minun xuacëxa. Usoquin ca imaxunuax abë banaquian Moisés canun aín ángel camiacëxa.

Deuteronomio 33:16

usa ꞌain ka ain menu ꞌapákëxun a piti ñun ꞌaisamaira ꞌitánun upíokin tuati ꞌikën, ꞌimainun ka axa tsi rëkirukësari i pëñanakëkënu mërakin aín unikama ꞌakinun ꞌë ká anbi ka aín xukë́nkama kaiskima José aín xukë́antun ꞌapu ꞌiti kaisakëxa.

Hebreos 10:29

A unia usoquin ꞌásamaira oquin ca axa aín Bëchicë ꞌimainun aín Bëru Ñunshin Upími ꞌatimati banacë uni a Nucën Papa Diosan castícanti ꞌicën. Nucën Papa Diosan Bëchicë, axa unicama ꞌuchañu ꞌicëbi ië́minux aín imi ꞌapati bama, a ami ꞌatimati bananan Nucën Papa Diosan Bëru Ñunshin Upí an uni nuibaquin ꞌaquincë ami ꞌatimati banacë, a unicamax ca an Moisésnën cuënëo bana ꞌacëma unia ꞌacësamaira oquian Nucën Papa Diosan castícancë ꞌiti ꞌicën.

1 Samuel 10:27

ꞌAínbi ka Israel uni aín patsan axa ñu upí kuëënkëma ax ami ꞌatimati banai ësai kikankëxa: —“¿Ënëx kara an nu ië́miti a ꞌik? Ësai kanankin a timai ka ax ka nun ꞌapu ꞌikë kisama tankankëxa; usai kikaniabi ka Saúlnën atu kuakëmasa okëxa.

1 Samuel 17:28

ꞌAínbi ka Eliab aín xukë́n apan ax atubëa banaia kuati ami nishkin aín xukë́n ꞌanáka David a kakëxa: —¿Añu ꞌakatsikiax kaina mix ënu utëkëan? ¿Uimi kaina ñuinakama ꞌitsamara ꞌikëbi anu uni ꞌikëma menu ëbëtsian? ꞌËn kana mi ꞌunan mix kamina këmëax niti ꞌunan ꞌain, usa ꞌaish kamina uisai kara ꞌakanania iskatsikiax uan.

1 Samuel 18:8

Ësai kia kuatankëx ka Saúl, ꞌitsaira nishi kiakëxa: —Davidnën ka diez mil uni ꞌaxa kiax ka kikania, ꞌën karana mil uniratsushi rëtëan. ¡Usa ꞌaish ka ꞌapu ꞌimikanti ꞌuramashi ꞌikën!