Génesis 37:29 - Kashibo-Kakataibo Biblia

²⁹ Usa ꞌain ka Rubén ax aín xukë́n José chikínti sinanx ꞌuxunbi kini ꞌukëmëuküa ꞌaíma okëxa, ꞌaíma oika ratuti sinánkasmai nitë́xëti bëríkarana uisai ꞌiti ꞌai kixun sinani aín chupa tukai masá nuituakëxa.

Nukën 'Ibu Diosan ain unikama 'inan ain bana

²⁹ Usa 'ain ka Rubén ax aín xukë́n José chikínti sinanx 'uxunbi kini 'ukëmëuküa 'aíma okëxa, 'aíma oika ratuti sinánkasmai nitë́xëti bëríkarana uisai 'iti 'ai kixun sinani aín chupa tukai masá nuituakëxa.

Génesis 37:29 ပူးပေါင်းရင်းမြစ်များ

Génesis 34:13

Ësokin kakëxunbi ka Siquemnën aín chirabakë Dina a nënën mëëkë a sinánkin aín papa Hamor akëñun paránti sinánxun,

Génesis 37:34

Usakin atu kai ka Jacob aín chupa tukai nitë́xëti ꞌitsaira iankëxa, aín bëchikë bamakësa sinani.

Génesis 44:13

Usakian mërakëbë ka atun chupa tukai nishi paëakëxa. Usai ꞌitankëxun ka amiribishi atua anun ñu nikinkë aín ñuinakaman kaxunu puruakëxa. Purubiani ka a ëmanubi kuantëkëankëxa.

2 Samuel 1:11

Usokin kakëxun kuati ka David ꞌimainun abë ꞌikë unikama atun chupa anun paëkin tukai,

2 Reyes 19:1

Usakian kakëxun kuabianxun atun ñuixunkëxun kuakin ka ꞌapu Ezequíasnën ain chupa tukai nishkin bëtsi chupa xëni pañuakëxa, usakin pañubiani ka anuxun Dios rabiti xubunu kuankëxa.

2 Reyes 5:7

Ësokin ꞌaxuan ꞌinánkëx Samarianu bëbax ka anua ꞌapu ꞌikë aín xubunu kuanxun ꞌIsraelnën ꞌapu kirika kuënëokë buánkë a ꞌinánkëxa, ꞌinánkëxun istánkëx ka Israel unikaman ꞌapu aín chupa tukai nishi kiakëxa: —¿ꞌËx karana an uni tsónun ꞌimianan bamanun ꞌimikë a ꞌain, ꞌapu ꞌitsían uni achúshi an nami chëkimikë ꞌinsin ꞌën pëxkunun ꞌënu xunun karana ꞌëx Dios ꞌain? ¡ꞌËn sinánkëxun sapi ka nubë ꞌakánanti barikin ësokin ꞌaia usa ꞌain kananuna upiti bërúankati ꞌain!

Job 1:20

Usakian kakëx ka Job anua ꞌikë anuax ratuti ꞌitsaira a bana kuati anun paëi niruakëxa, niruxun ka aín tari nitë́xëkin tukakëxa, usokin ꞌanan ka ain bu tëai maxkutankëx Dios rabia ꞌikësabi masá nuituti memi bëtiki ꞌiakëxa.

Jeremías 36:24

Usokin kamabi kirika iskin ꞌaia kuatíbi ka ꞌapu ꞌimainun aín unikamax rakuëanan masánuituti anun paëama ꞌikën.

Joel 2:13

¡Amiribishi kamina mitsun ꞌIbu Diosmi sinanatëkënti ꞌain, usai ꞌikin kamina mitsun nuitu mëníokati ꞌain, chupa mëníokë usamaira ꞌikën! Usa ꞌaish ka Nukën ꞌIbu ax munu ñu ꞌai bënëtishi nishkëma ꞌianan nuibanankë ꞌikën, usa ꞌain ka ꞌitsaira ax nuibanania, usa ꞌixun ka ꞌatima oisa tankinbi tënëkin uni nuibatia.

Números 14:6

usaía ꞌikëbë ka Josué ꞌimainun Caleb, an me ñachai kuankë a rabëtax aín sinan xuamatani nishkin aín pañukë chupa tukakin

Hechos 14:14

Usaquian ꞌaisa tancëxunbi ꞌunani ca Pablobë Bernabé ratúacëxa. Ratuti atu nëbë́tsi cuanquin ca aín chupabi tucai munuma banaquin cacëxa: