Génesis 37:28 - Kashibo-Kakataibo Biblia

²⁸ Usakin kininu nipakë basimashika an ñumarukë unikama uakëxa, ꞌaia iskin ka José kininua bitankëxun, aín xukë́nkaman an ñu marukë unikama veinte kuríki manë ꞌakë kupín maruakëxa. Usokin marukëxun ka José Egipto kakë menu buánkëxa.

Nukën 'Ibu Diosan ain unikama 'inan ain bana

²⁸ Usakin kininu nipakë basimashika an ñumarukë unikama uakëxa, 'aia iskin ka José kininua bitankëxun, aín xukë́nkaman an ñu marukë unikama veinte kuríki manë 'akë kupín maruakëxa. Usokin marukëxun ka José Egipto kakë menu buánkëxa.

Génesis 37:28 ပူးပေါင်းရင်းမြစ်များ

Génesis 25:2

Bitankëxun ka amiribi bëchipakëxa aín anë ka ꞌiakëxa Zimrán, Jocsán, Medán, Madián, Isbac ꞌimainun Súa.

Génesis 37:25

Usokin ꞌatankëx ka anuxuan ꞌakë anubi pi. Buküakëxa bukuxun iskëxbi ka an ñu marukë ismaelita unikama Galaab kakë me anuax uakëxa. Ukin ka aín camellonën bëakëxa ꞌinínti ro sanuira ꞌimainun sanu ro i baka ꞌakë tsëpasa akama Egipto menu maruti ubani kuani uakëxa.

Génesis 37:36

An ñu marukë madianita unikaman ka José marubiankin Egipto kakë menu buánkëxa, buánxun ka suntárunën kushi Potifar kakë a maruakëxa, ax ka Egiptonu ꞌikë ꞌapu aín suntárunën kushi Capitán ꞌiakëxa.

Génesis 39:1

An ñu marukë unikaman ka José marubiankin Egipto kakë menu buánkëxa. Buánxun ka egipcio uni achúshi Potifar kakë a ismaelita unibunën maruakëxa. Potifar ax ka ꞌapu aín suntárunën kushi capitán ꞌimainun an bërúankë aín kushiribi ꞌiakëxa.

Génesis 40:15

ꞌËx kana mëkama bëtsinkin hebreo unikama anu ꞌikë menua bëa ꞌain. Usa ꞌaish kana ꞌëx ñu ꞌatima ꞌakëma ꞌaish sipunu ꞌiti kuëënima.

Génesis 50:15

Aín papa Jacob ñukë ꞌain ka Josénën xukë́nkaman ësokin sinánkëxa: Bërí sapika Josénën nun painu ꞌatimo a sinánkin nuribi ꞌatima oti ꞌikën.

Salmos 105:17

ꞌAínbi ka Diosanbi an atu ꞌakinun José, aín xukë́nkama ami nishkin marua ꞌixunbia atu ꞌakinun ꞌimiakëxa.

Éxodo 2:16

Anu ka Reuel kakë Madiánu ꞌikë sacerdote ꞌiakëxa, ax ka mapai achúshi ꞌimainun rabë́ bëchikë xanu chipashñu ꞌiakëxa. A nëtën ka xanu chipashkama atux anua ꞌumpax biti kininua ꞌumpax bixun anua ñuinakaman ꞌumpax xëakëkama a uakaxun aín papan ovejakama ꞌumpax xëami kuankëxa,

Isaías 60:6

Usa ꞌain kamina atúxa ꞌitsaira ꞌaish atun camellonën ëma tsitsibëtsini Madián ꞌimainun Efá amiax ꞌaia isti ꞌain; usai ukin ka Sabánu ꞌikë unikama an kuri ꞌimainun sanuira ñu aín camellonën bëi ukin an upíokin ñu ꞌaia kixun Dios a rabiti ꞌikën.

Jeremías 38:13

Usai ꞌikëbëtan ka unikaman itsi sarakapakin nanpakëbëa anun tëkërëkia itsinbi bërúakëxa. Usokin ꞌakëx kuanx ka anua suntárukama ꞌikë me mëníokë anu Jeremías bërúakëxa.

Mateo 26:15

Cuanxun ca cacëxa: —¿ꞌËn Jesús mitsu ꞌinánun caramina uiti curíqui ꞌë ꞌinánti ꞌain? Cacëxun ca atun Judas treinta curíqui ꞌináncëxa.

Mateo 27:9

Usai ca ꞌiti ꞌicë quixuan Nucën Papa Diosan cacësabi oquin ca Jeremíasnën ësaquin cuënëocëxa: “Treinta curíqui judíos unibunëan Jesús atu ꞌinánun uni itsi ꞌináncë, a curíqui bitëcënquin ca anua mapú ꞌicë me a maruaxa. Usoquin Nucën ꞌIbu Diosan ꞌë cacësabi oquin cana cuënëoin”.

Hechos 7:9

Jacobnën bëchicë achúshi ca José cacë ꞌiacëxa. ꞌIcëbi ca ami nutsi nishquin aín xucë́antun Egipto menu buántanun uni maruacëxa.

Jueces 8:22

Usokin ꞌakë ka israel unibunën kakëxa: —Min kamina madianita unikaman ꞌatimoiabi nu ꞌakian, usa ꞌain kananuna mi ꞌimainun min rëbúnkinëx nun ꞌapu ꞌiti kuëënin.

Jueces 8:24

Usa ꞌain kana ꞌën abë ꞌakanankin ñatankë bikë unikama atun mëñusuti ꞌë ꞌinánti kuëënin. A mëñusuti kuri ꞌakë ax ka anu uni ꞌikëma menu ꞌikë unikama suntárunën mëñukë a ꞌiakëxa.