Génesis 37:27 - Kashibo-Kakataibo Biblia

²⁷ Usakin ꞌakë ꞌimainun kananuna ismaelita unikama rikuatsinkë ënë maruti ꞌain, usa ꞌain kananuna rëtima ꞌain, ax ka nun xukë́n ꞌibu ꞌikën. Usakian kakëx ka aín xukë́nkama asábi ka kiax kanankëxa.

Nukën 'Ibu Diosan ain unikama 'inan ain bana

²⁷ Usakin 'akë 'imainun kananuna ismaelita unikama rikuatsinkë ënë maruti 'ain, usa 'ain kananuna rëtima 'ain, ax ka nun xukë́n 'ibu 'ikën. Usakian kakëx ka aín xukë́nkama asábi ka kiax kanankëxa.

Génesis 37:27 ပူးပေါင်းရင်းမြစ်များ

Génesis 29:14

Usakin ñuixuntankëxa sënënia ka Labánnëribi unánmikin kakëxa: Mix kamina asérabi ꞌën aintsi ꞌibu ꞌain, usa ꞌaish kamina ꞌën imibi ꞌain. Usa ꞌain ka Jacob ax aín kuku Labánën ꞌikënu achúshi ꞌuxë ꞌi bërúakëxa.

Génesis 37:22

Kananuna aín imi ꞌapamikin ꞌatima ꞌain. ꞌAkinma kananuna kini anu uni ꞌikëma menu ꞌikë ënu nipati ꞌain, usa ꞌixun kananuna nun xukë́n ꞌatima ꞌain. Ësokin ka Rubénnën Aín xukë́n José ꞌati kuëënkinma kakëxa, an ka aín papanubi ubantëkëntisa tankëxa;

Génesis 42:21

ꞌaínbi ka atúxbi bëtsibë bëtsibë kanankëxa: —Asérabi kananuna nun xukë́nbë ꞌatimonankën, nun kananuna nua uisabi oxuma ꞌanun kakëxun kuakin nuibama ꞌain, axa tëmëraia iskinbi. Usa ꞌain kananuna nuxribi bërí tëmërain.

Génesis 50:20

Mikaman kamina ꞌë ꞌatima oti sinánkën, usakin mitsun ꞌaiabi ka Nukën ꞌIbu Diosan ꞌatima okin ꞌakë a upíokin bërínu iskë ñukama ënë mëníoxa: usa ꞌain kana ꞌën ꞌitsaira uni bamati ꞌikëbi ꞌakian.

2 Samuel 12:9

¿Uisa ꞌixun kaina ꞌën kakësabiokin ꞌakinma ꞌën kuëënkëma ñu ꞌan? Min kamina hitita uni Urías a amonita suntárukama këmëxun ꞌamiakën, ꞌaxun kamina aín xanu ꞌikëbi min xanu ꞌinun biakën.

Mateo 16:26

Unix ca ënë nëtënuax ꞌitsaira ñuñu ꞌiti ꞌicën, ꞌaíshbi ca Nucën Papa Diosmi sináncëma ꞌaish abë upíma ꞌianan aín nëtënu abë ꞌitima ꞌicën. Usa ꞌain ca axa bamacëbë aín ñucama ax ñancábia bicë ꞌicën. ¿Nucën Papa Diosbë bamatimoi tsónuxun cara unin añu ñun cupíoti ꞌic? Anun cupíoti ñu ca ꞌaíma ꞌicën.

Mateo 26:15

Cuanxun ca cacëxa: —¿ꞌËn Jesús mitsu ꞌinánun caramina uiti curíqui ꞌë ꞌinánti ꞌain? Cacëxun ca atun Judas treinta curíqui ꞌináncëxa.

1 Timoteo 1:10

aín xanuma ꞌaínbi xanubë ꞌicë unicama, aín bënëma ꞌaínbi unibë ꞌicë xanucama, xanúxmabi unibë ꞌicë unicama, an ñu mëcamacë unicama, cëmëcë unicama, axa anun Nucën Papa Diosbë upí ꞌiti bana, ënë́xa quicë ñucama cuëëncëma unicama. Ësa ñu ꞌacë unicaman —usai ꞌiti ca ꞌaisama ꞌicë —quixun ꞌunánun ca Nucën Papa Diosan uni aín bana ꞌináncëxa.

Apocalipsis 18:13

ꞌimainun sanu ro, i baca sanuira oquin ꞌacë, tsëpasa ꞌaíshbi nëëncëx sanuira ñu, vino, xëni, trigo, trigo rëncë, acama ꞌimainun a ñu papimiti ꞌaracacë ñuina ꞌimainun carnero, caballo, caballonëan niquincë auto, ꞌimainun uni, an uni itsi ñu ꞌaxúnun maruti, a ñucama bëia —an biti ca bërí ꞌaíma ꞌicë —quixun sinani ca an usa ñu marunuxun bëcë unicamax rarumati inti ꞌicën.

1 Samuel 18:17

Achúshi nëtën ka Saúlnën David kakëxa: —ꞌËn ꞌini bëchikë apan Merab kakë a kana min xanu ꞌinun mi ꞌinánti ꞌain, usa ꞌain kamina mix ꞌakanantimi rakuë́tima Nukën ꞌIbu mi ꞌakinkëx ꞌakánanti ꞌai kixun kakëxa. ꞌAínbi ka Saúlnën anbi ꞌakinma, këmëxun filisteo suntárukama ꞌamiti sinánxun usakin kakëxa.