Génesis 37:2 - Kashibo-Kakataibo Biblia

² Ënëx ka usaía Jacobnën ꞌaintsikama ꞌia ñuikë bana ꞌikën. Usa ꞌain ka José ax bëná ꞌaish diecisiete baritiañu ꞌixun, ꞌain papan ꞌarakakë ovejakama ain xukë́antu, Bilhá ꞌimainun Zilpá an ñu ꞌaxunkë xanumia aín papan bëchia akamabëtan bërúankëxa. Usa ꞌain ka Josénën ami nishkian aín xukë́nkama ꞌatima okëxun ꞌunáni aín papami manankëxa.

Nukën 'Ibu Diosan ain unikama 'inan ain bana

² Ënëx ka usaía Jacobnën 'aintsikama 'ia ñuikë bana 'ikën. Usa 'ain ka José ax bëná 'aish diecisiete baritiañu 'ixun, 'ain papan 'arakakë ovejakama ain xukë́antu, Bilhá 'imainun Zilpá an ñu 'axunkë xanumia aín papan bëchia akamabëtan bërúankëxa. Usa 'ain ka Josénën ami nishkian aín xukë́nkama 'atima okëxun 'unáni aín papami manankëxa.

Génesis 37:2 ပူးပေါင်းရင်းမြစ်များ

Génesis 10:1

Ënë kamax ka Noénën bëchikë Sem, Cam ꞌimainun Jafet, akaman rëbúnki ꞌikën, atux ka bakan tita chaiira ꞌikuatsian ꞌain, atunbi bëchipati tsóa a kama ꞌiakëxa.

Génesis 2:4

Ënë banax ka usakin ka Nukën ꞌIbu Diosan naí ꞌimainun me uniokëxa kixun ñuikë bana ꞌikën. Usakin Nukën ꞌIbu Diosan naíkamë ꞌëo këñun me uniokin sënë́onkë ꞌaínbi ka,

Génesis 30:4

Ësai abë banatankëxun ka Raquelnën Jacob an ñu ꞌaxunkë xanu Bilhá, aín xanusa ꞌikëa ꞌikinun ꞌinánkëxa. ꞌInánkëx ka Jacob Bilhá abë ꞌiakëxa,

Génesis 30:9

Usa ꞌaish ka Lía ax aín tuati sënë́nkë ꞌixun tuakima, an ñu ꞌaxunkë xanu Zilpánën aín bënë Jacob aín xanusa ꞌikëa ꞌikinun ꞌimiakëxa.

Génesis 35:22

Usai kuantankëx ka anu ꞌitsa baritia Israel tsóakëxa, usai anu tsókëbëbi ka achúshi nëtën Rubén anuax abë ꞌinuxun xanu bari kuankëxa kuanxunbi ka Bilhá mërax abë ꞌiakëxa, ax ka aín papa an ñu ꞌaxunkë xanu ꞌikëbi aín xanu ꞌiti raiokin bia ꞌiakëxa. Usai ꞌikë kuatankëx ka aín papa ꞌitsaira nishakëxa. Jacobnën bëchikëkama ka ꞌiakëxa mapai rabë́ ꞌimainun rabë́.

Génesis 41:46

Anua ꞌapu ꞌimikë anu ka José treinta baritiañu ꞌiakëxa, usa ꞌain ka José anua faraón ꞌikë anuax chikítankëx Egipto me kamaoi kuainbëkini niakëxa.

Génesis 42:8

ꞌAínbi ka an ꞌunánkëxunbi aín xukë́nkaman José ꞌunánma ꞌikën.

Génesis 45:6

Bërí ka rabë́ baritia numi ënë menu ꞌinutia, usa ꞌaínbi ka mapai achúshi baritia pain pishianxa, usa ꞌain ka unin ꞌapákëxbi añu ñubi ꞌirutima ꞌikën.

Génesis 46:34

mitsun kati ꞌain, nun ñu mëëti ka ovejakama ꞌarakati ꞌimainun vaca ꞌarakati ꞌikën nun, chaitiokë kaman ꞌasaribiokin. Usakinmi kakëxun ka Gosen kakë me ënë anumi ꞌinun mitsu ꞌinánti ꞌikën, egipcio unikamax ka an oveja bërúankë uni ꞌimainun an vaca bërúankë unikamabë timë́ax ꞌiti kuëënma unibu ꞌikën.

Génesis 5:1

Ënëx ka Adánnën rëbúnkinën anëkama kuënëokë ꞌikën. Uni uniokin ka Nukën ꞌIbu Diosan, asaribi ꞌitánun ꞌakëxa;

Génesis 6:9

Ënëx ka uisai kara Noé ꞌiakëxa, kixun ñuikë bana ꞌikën. Noé ax ka achúshi uni upí ꞌiakëxa, usa ꞌixun ka Diosan kakësabiokin ꞌakëxa. A uníxëshi ka raíri unikama ꞌikësama anúan tsóa nëtëkaman Diosan kuëënkësabi oi tsóakëxa.

Juan 7:7

Axa Nucën Papa Diosmi sináncëma unix ca mitsumi nishima, ꞌëmi cuni ca nishia. ꞌËn —ñu ꞌatima camina ꞌai —quixun cacë cupí ca atux ꞌëmi nishia.

1 Corintios 1:11

ꞌËn xucë́antu, cana mitsu cain, Cloénën aintsi ꞌibun ca mitsux ismina bëtsibë bëtsibë ubíonan ubíonani bucui quixun ë caxa.

1 Corintios 5:1

ꞌËn cana ësoquian chanioia cuan, micama achúshinëx ismina min papan xanubë ꞌin. Usai ꞌiti ca ꞌaisama ꞌicën. An Nucën Papa Diosan bana ꞌunáncëma uníxbi ca usai ꞌima.