Génesis 37:11 - Kashibo-Kakataibo Biblia

¹¹ Usa ꞌain ka aín xukë́n apankama ꞌaisamairai ami xuamati nishakëxa, usai atux ꞌia iskin ka aín papan aín nuitu mëushi ënë ñukama manukima sinánkëxa.

Nukën 'Ibu Diosan ain unikama 'inan ain bana

¹¹ Usa 'ain ka aín xukë́n apankama 'aisamairai ami xuamati nishakëxa, usai atux 'ia iskin ka aín papan aín nuitu mëushi ënë ñukama manukima sinánkëxa.

Génesis 37:11 ပူးပေါင်းရင်းမြစ်များ

Génesis 24:31

kakëxa: —Ka ut, min ꞌIbu Diosan ka mi ënu bërúanxun bëaxa. ¡Mix kamina ëman ënu bërútima ꞌain, ꞌën kana anumi nukúti mitsu mëníoxuan ꞌimainun kana anumi min camellokamaribi tantimiti aribi mënion usa ꞌain kamina ꞌën xubunu ꞌi kuanti ꞌain!

Génesis 37:12

Achúshi nëtën ka Josénën xukë́nkama Siquem kakë menu kuankëxa, aín papan ꞌarakakë ovejakama ꞌimainun cabrakama pimiti pasto bari.

Génesis 42:9

Usa ꞌain ka atux usai ꞌitia namá a sinánkin aín xukë́nkama Josénën kakëxa: —Mitsux kamina këmëkuatsini ꞌutunanishi uan. Usa ꞌain kamina uisaxun ꞌaisa kara ënë ëma ꞌikë kixun isi ukan.

Daniel 7:28

Ënëx ka anu sënë́nkin namákësa okin iskë ñuikë a ꞌikën. ꞌËx Daniel ꞌaish kana ꞌitsaira anun masá nuitukin sinani, ꞌën bëmánanbi pëki ꞌian; usai ꞌikinbi kana uibi a ñukama ñuixunkëma ꞌain.”

Lucas 2:19

Ratúquinbi ca Maríanën aín nuitu mëúishi ënë ñucama manuquinma sináncëxa.

Lucas 2:51

Usa ꞌain ca José ꞌimainun Maríabë Jesús Nazaretnu cuantëcëancëxa. Cuanx anuax caniquin ca aín ꞌunan papa ꞌimainun aín tita quicësabi oquin ñu ꞌacëxa. Usaía canimainun ca Maríanën Jerusalénuaxa Jesús ꞌicëcama a manuquinma sináncëxa.

Hechos 13:45

Usaía ꞌitsaira uni timë́cë isi ca judíos unicamax pishui Pablomi nishacëxa. Ami nishi ca —cëmëi ca quia —quiax ꞌatimati Pablomi banacëxa.

Hechos 7:9

Jacobnën bëchicë achúshi ca José cacë ꞌiacëxa. ꞌIcëbi ca ami nutsi nishquin aín xucë́antun Egipto menu buántanun uni maruacëxa.

Gálatas 5:21

ꞌImainunribi ca ꞌaia, bëtsi unin ñu cuëënti, uni ꞌati, paë́nti, picë́ntapun ꞌiti, acama. Usa ñucama ca unin aín cuëëncësa oquin ñu ꞌaquin ꞌaia. Usa ꞌain cana ën mitsu cacësaribi oquin mitsu catëcënin, usa ñua an ꞌacë unicamax ca aín unima ꞌaish Nucën Papa Diosan nëtënu abë ꞌitima ꞌicën.

Tito 3:3

Nuxribi cananuna sinánñuma ꞌaish Nucën Papa Diosan bana quicësabi oi ꞌiáma ꞌain. Usa ꞌaish cananuna ñu ꞌatimaishi ꞌanúan bëtsi unin sinánmicëxun ꞌanan nunbi sinani nux cuëëncësabi oi ñunshini ꞌiacën. ꞌAisama ñuishi ꞌanan cananuna bëtsi unimi nutsianan numia uni nishcëx abë nishanancën.

Santiago 4:5

Nucën Papa Diosan bana cuënëo ax ca ësai quia: “Nucën Papa Diosan ca ainan ꞌicë nu ñuñaia. Usa ꞌain ca an nubë ꞌinun nu ꞌináncë aín Bëru Ñunshin Upí ax bëtsi ñu ꞌaquinmanu ax cuëëncësa oquinshi ꞌati cuëënia”. A banax ca asérabi ꞌicën. Usa ca ax ꞌicë quixunu ꞌunánti oquin ca Nucën Papa Diosan aín uni usoquin cuënëomiacëxa.

1 Samuel 18:8

Ësai kia kuatankëx ka Saúl, ꞌitsaira nishi kiakëxa: —Davidnën ka diez mil uni ꞌaxa kiax ka kikania, ꞌën karana mil uniratsushi rëtëan. ¡Usa ꞌaish ka ꞌapu ꞌimikanti ꞌuramashi ꞌikën!