Génesis 36:31 - Kashibo-Kakataibo Biblia

³¹ Ënë unikamax ka Edom kakë me anu ꞌapu ꞌiakëxa, israel unikamaxa atun ꞌapuñu ꞌisama pain ꞌain.

Nukën 'Ibu Diosan ain unikama 'inan ain bana

³¹ Ënë unikamax ka Edom kakë me anu 'apu 'iakëxa, israel unikamaxa atun 'apuñu 'isama pain 'ain.

Génesis 36:31 ပူးပေါင်းရင်းမြစ်များ

Génesis 17:16

ꞌËn kana upíokin sinánxunin, usa ꞌain kana achúshi tuá mi ꞌaxúnun ꞌimiti ꞌain. ꞌËn upíokin sinánxunkëx ka kamabi menu ꞌikë unikama aín rëbúnki ꞌiti ꞌikën. ꞌImainun ka aín rëbúnkinëx kamabi menu ꞌikë unikaman ꞌapu ꞌinuxun ꞌaia, kixun ka Nukën ꞌIbu Diosan kakëxa.

Génesis 17:6

ꞌËn kana min rëbúnkinëxa ꞌaisamaira ꞌinun ꞌiminuxun ꞌain; min rëbúnki raírinëx ka ꞌapu bëtsi bëtsi ëmanu ꞌinuxun ꞌaia.

Génesis 25:23

usakian ñukákëxun an kakëxa: “Min pukumëu ka tuá rabë́ ꞌikën, ax ka rabë́ ëma ꞌiti ꞌikën, usa ꞌaish bakënkëma ꞌaíshbi ubionania. Achúshinëx ka kushiira ꞌaish bëtsisama ꞌiti ꞌikën, aín apan ax ka aín ꞌanáka meu ꞌiti ꞌikën, usa ꞌain ka ꞌanáka ax kushiira ꞌinuxun ꞌaia.”

Génesis 35:11

anëkin ka ësokin kakëxa: ꞌËx kana Dios kamabi kushiñuira a ꞌain; usa ꞌain kamina bëchipati mebi tsitsirui ꞌuakamë ꞌëoi bukuti ꞌain, min rëbúnkikamaribi ka bëtsi bëtsi ëma ꞌai aín ꞌapuñu ꞌapuñu bukuti ꞌikën.

Génesis 36:30

Disón, Éser ꞌimainun Disán. Ënë kamax ka ꞌakánanti ꞌunaira unikaman ꞌapu Seír menu tsókë unikama ain ꞌapu ꞌiakëxa.

Números 20:14

Usa ꞌain ka Moisésnën Cadés, kakë me anuxun Edom kakë menu ꞌikë ꞌapu ësokin katánun uni xuakëxa: “Min aintsi israel unikaman ka ësokin mi kanunkixun nu xuaxa: Minbi kamina upíokin ꞌunan nukamax kananuna ꞌaisamaira tëmërai kixun.

Deuteronomio 33:29

Israel unikama mitsux kamina Nukën ꞌIbun ka nu ꞌakinia kixun sinani kuëënti ꞌain, ¿uinu ꞌikë ëmakamax kara mitsun ëmabë sënë́nti ꞌik? Nukën ꞌIbu Diosanbi ka mi ië́miaxa usa ꞌixun ka bërúanan mi ꞌakinia; ¡an ka ax numi nishkë unikamabë ꞌakanania nu ꞌakinti ꞌikën! Usakin ꞌakinkëxun ñusmokin mitsun ꞌakëx ka atun rabiakakë a mitsumi rakuë́ti nëtë́ti ꞌikën.

Deuteronomio 33:5

ꞌinánkin ka anua Israelkaman kushibu timë́kë anuxun atun ꞌapu ꞌixun, israel unikama ñakaitsi ñakaitsi timë́kë akamaribi ꞌinánkëxa.