Génesis 35:5 - Kashibo-Kakataibo Biblia

⁵ Uínsaran kara atux chikitia anun ka Diosan atu ꞌurama ꞌikë ëmakama ꞌitsaira rakuënun ꞌimiakëxa, usokëx rakuë́kin ka Jacob ꞌimainun aín bëchikëkama nuiama ꞌikën.

Nukën 'Ibu Diosan ain unikama 'inan ain bana

⁵ Uínsaran kara atux chikitia anun ka Diosan atu 'urama 'ikë ëmakama 'itsaira rakuënun 'imiakëxa, usokëx rakuë́kin ka Jacob 'imainun aín bëchikëkama nuiama 'ikën.

Génesis 35:5 ပူးပေါင်းရင်းမြစ်များ

Génesis 34:30

Usokin ꞌabiani kuania ka aín papa Jacobnën Simeón ꞌimainun Leví kakëxa: —Mitsun mi usa ñu ꞌakë kupín kana ꞌëx ꞌaisama bërútin. Bërí ka ënë menu tsókë unikamax ꞌëmi nishti ꞌikën, ax ka cananeo ꞌimainun ferezeos unikamax timë́ax kananxun nu ꞌakánti ꞌikën, nux kananuna ꞌitsamashi nun aintsikamabëbi ꞌain.

Génesis 35:4

Ësokin kakëxun ka Jacob atun diosmabia ꞌarakakë akama ꞌimainun aín pabinu nankë ñu akama këñunbi bëtsi ñukamaribi ꞌinánkëxa, ꞌinánkëxun ka Jacobnën i chaiira encina kakë a tëmú maíankëxa, ax ka Siquem kakë ëma ꞌurama ꞌiakëxa.

Salmos 105:14

Usai ꞌikëbëtan ka uínbi atu ubionun Diosan ꞌamiama ꞌikën ꞌianan ka ꞌapukamanribia uisabi atu oxuma ꞌanun ꞌamiama ꞌikën:

Salmos 14:5

Usakin ꞌaínbi ka atux rakuëtan bamai bërëkinuxun ꞌaia, usai ꞌimainun ka Diosan, an kakësabiokin ꞌakë unikama ꞌakinia.

Éxodo 34:24

ꞌËn kana mitsun ismainunbi anumi kuankanti menu ꞌikë bëtsi unikama chikínti ꞌain, chikínxun kana a me mitsunan ꞌinun ꞌinánti ꞌain. Usa ꞌain ka uinu ꞌikë unínbi mitsun me bikatsi ꞌitima ꞌikën, anuxun kamina achúshi baritia ꞌikëtibi ꞌë rabë́ ꞌimainun achúshi okin rabiti ꞌain.

Josué 5:1

Kamabi amorreo unibunën ꞌapukaman ka amia bari kuabúkë Jordán kakë baka a ꞌurama ꞌikë ꞌimainun kamabi cananeo unikaman ꞌapu axa parúmpapa Mediterráneo kakë a ꞌurama ꞌikë, akamanbi ka Nukën ꞌIbun Jordán kakë baka anúan Israelkama sikarakënun ëskinun ꞌimikë kuakëxa, kuati ka ꞌaisamaira israel unibumi rakuë́ti abë ꞌakánanti sinánma ꞌikën.

1 Samuel 11:7

Usai nishkin ka vaca bënë rabë́ ꞌatankëxun tukapaxun, uni raíri an kamabi menu ꞌikë Israel kama nami paná ꞌinantanun xuakëxa. Xukin ka a xukë unikama a kakëxa: Ësokin kana Israel kama axa ꞌë ꞌimainun Samuel ꞌakanani kuania nuibiankëma ain vaca bënëkama ꞌati ꞌai kixun katánun kakëxa.” Usakin kamikëxun kuati ꞌitsaira rakuë́ti ka uixi bërútima Saúl ꞌimainun Samuelbëtan amia nishkë uni a ꞌanux timë́ti rikuatsiankëxa.

1 Samuel 14:15

Usakin ꞌan ka aín xubunu ꞌikë unikama ꞌimainun suntáru ëmanu ꞌikë filisteokama rakuë́akëxa. Rakuë́mainun ka aín patsan axa ꞌakanani mëkó unikama a kamaxribi rakuë́akëxa. ꞌAínbi ka Diosan ꞌimikëx ꞌaisamairai me shaíkikëbë ꞌitsaira unikama rakuëaxa.