Génesis 35:24 - Kashibo-Kakataibo Biblia

²⁴ ꞌImainun ka Raquelmia bëchikë ꞌiakëxa José ꞌimainun Benjamín.

Nukën 'Ibu Diosan ain unikama 'inan ain bana

²⁴ 'Imainun ka Raquelmia bëchikë 'iakëxa José 'imainun Benjamín.

Génesis 35:24 ပူးပေါင်းရင်းမြစ်များ

Génesis 42:4

ꞌaínbi ka Jacobnën aín bëchikë Benjamín, Josénën xukë́n a atubë kuantanun xuama ꞌikën, anu kuaníbi ka ñu ꞌaisama inuti ꞌikë kixun sinánkin.

Génesis 43:29

Usakian kakëxun a rapasunua israkinbi ka Josénën aín xukë́n Benjamín ꞌain papan akëñun aín titami bëchia a mërakëxa mërai ka kiakëxa: —¿Ënëx kara mitsun xukë́n ꞌanáka a ñuikinmi ꞌë bëráma kakë a ꞌik? ¡Nukën ꞌIbu Diosan ka mi ꞌakinti ꞌikën ꞌën bakën! Ësakin kaíshi,

Génesis 43:34

Usa ꞌain ka Josénën an anuxun pikë mesa anuxunbi raíri pikianan, ka aín xukë́n Benjamín raíri ꞌinánkësamaira okin aín piti cha ꞌinánkëxa. Usakin ꞌai ka José ꞌimainun aín xukë́nkamax pianan xëai ꞌitsaira kuëëankëxa.

Jueces 5:14

Raíri Efraínnën unikamaxa anuax ꞌakánanti me anu ukëbë ka atu kaxú Benjamínën suntárukamaribi uaxa. Ukëbë ka Maquir aín ꞌapukamabë umainun Zabulón axribi aín ꞌapukamabë uaxa.

Rut 4:11

Ësai kia ka anu ꞌikë ꞌapukama ꞌimainun anua timë́kë unikama atúnribi kakëxa: —Usa ka nunbi kananuna ꞌunanin. ¡Usa ꞌain ka min xanu ꞌiti Rut a Nukën ꞌIbun Raquel ꞌimainun Lía ꞌasaribiokin ꞌakinti ꞌikën, ꞌakinkëxun ka ꞌitsaira tuapakëxa usa ꞌain kananuna israel unibu ain rëbúnki nux ꞌain! ꞌImainun kananuna mixmi bëtsi uni kamasamaira ꞌianan upí sinánñu ꞌain Efrata kakë ꞌikëbi Belén kakë ëma ënu ꞌiti kuëënin.