Génesis 35:19 - Kashibo-Kakataibo Biblia

¹⁹ Anuax kuaníbi ka Raquel ñuakëxa, ñukë ka anun Efratanu kuanti bai ꞌipítinu maíankëxa ax ka bërí Belén kakin anëkë ëma ꞌikën.

Nukën 'Ibu Diosan ain unikama 'inan ain bana

¹⁹ Anuax kuaníbi ka Raquel ñuakëxa, ñukë ka anun Efratanu kuanti bai 'ipítinu maíankëxa ax ka bërí Belén kakin anëkë ëma 'ikën.

Génesis 35:19 ပူးပေါင်းရင်းမြစ်များ

Génesis 35:16

Usai anu ꞌitankëx ka Betelnuax kuankëxa; ꞌaínbi ka Efrata ꞌurapain ꞌaínbi Raquel tëmërai aín tuá bakë́ankëxa.

Génesis 35:18

ꞌAínbi ka ñuti ꞌuramashi ꞌaish anuishi sënëni ashiti kushin uinkin aín tuá Ben-oní kakin anëakëxa, ꞌikëbi ka aín papan Benjamín kakin anëtëkëankëxa.

Génesis 48:7

ꞌËn kana ësokin mi kain, ꞌëx Padán-aram anu kuantëkënkëbë ka Canaán kakë me anuaxa ka min tita Raquel ñuakëxa, ax ka Efrata kakë me urama ꞌiakëxa, Efrata ëma anun kuanti bai ꞌipitiu kana maíankën, ax ka Belén kakë ëma bërí ꞌikën.

Miqueas 5:1

Jerusalénnu bukukë mitsun kamina amimi mitsux katamëkanti ëma kënëarakin ꞌakánti ꞌain, nuka chikítisama okin bëararakanxa, usakin ꞌaxun ka Israelnu ꞌikë ꞌapukama a ꞌaisamaira okin tëmëramiti ꞌikën.

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Miqueas 6:2

Bashikama ꞌimainun an me tuinkë akaman ka kuati ꞌikën: Nukën ꞌIbu ka aín unikama ꞌatima oti sinania, usa ꞌaish ka Israel unikamami nishia.

Mateo 2:1

Herodes axa Judea cacë menu ꞌicë unicaman ꞌapu ꞌaish Jerusalénu ꞌain ca a menu ꞌicë ëma, Belén cacë, anuax Jesús bacë́ancëxa. Belénuaxa Jesús bacë́an ca aucüaxa bari urucë anuax an ñu ꞌunáncë unicama, Belén ꞌurama ꞌicë Jerusalén ëmanu cuancëxa.

Mateo 2:6

Belén, Judá menu ꞌicë ëma, anu ꞌicë uni achúshi ax ꞌapu ꞌixun ca ꞌën unibu, Israelnën rëbúnquicama, a bërúanquin ꞌaquinuxun ꞌaia. Usa ꞌain ca Belén ax bëtsi ëmacamasama ꞌicën.

Rut 4:11

Ësai kia ka anu ꞌikë ꞌapukama ꞌimainun anua timë́kë unikama atúnribi kakëxa: —Usa ka nunbi kananuna ꞌunanin. ¡Usa ꞌain ka min xanu ꞌiti Rut a Nukën ꞌIbun Raquel ꞌimainun Lía ꞌasaribiokin ꞌakinti ꞌikën, ꞌakinkëxun ka ꞌitsaira tuapakëxa usa ꞌain kananuna israel unibu ain rëbúnki nux ꞌain! ꞌImainun kananuna mixmi bëtsi uni kamasamaira ꞌianan upí sinánñu ꞌain Efrata kakë ꞌikëbi Belén kakë ëma ënu ꞌiti kuëënin.

1 Samuel 10:2

Bërí kamina ꞌëbë ënananin usa ꞌain kamina, anu Raquel maían ꞌurama anuax uni rabëbë mërananti ꞌain, ax ka Selsah anua Benjamínën rëbúnkinën me ꞌurama anu ꞌikën. Atun ka ami barikë burro aín xanukama ka mëraxa ka mi kati ꞌikën, usa ꞌain ka burro aín xanukama ami sinanima mitsumira bërí sinania kixun ka mi kati ꞌikën, uisa kara ꞌën bakë bëchikë ꞌiaxa kiax kia.

1 Samuel 16:4

Kakëx ka Nukën ꞌIbun kakësabiokin ꞌai kuani Samuel kuankëxa. Kuani Belénnu bëbaia bikin ka ꞌapukaman ami chukúmashi rakuë́kinbi, ñukákankëxa: —¿Añu ꞌai kaina aín añu ñu kara ënu ꞌik?

1 Samuel 17:12

Jesé ax ka Belén kakë ëma anu tsókë uni ꞌiakëxa, usa ꞌain ka Saúl axa ꞌapu ꞌain a uni kaniakëti uni ꞌikësabi apan ꞌiakëxa. A unix ka ocho bakë bëchikëñu ꞌiakëxa, aín bakë bëchikë achúshinëx ka David ꞌiakëxa.