Génesis 35:1 - Kashibo-Kakataibo Biblia

¹ Nukën ꞌIbu Diosan ka Jacob kakëxa: “Ënuax kuantankëx kamina Betel kakë me anu tsóti kuanti ꞌain. Anuxun kamina min xukë́n Esaúmi rakuë́ti abákëbëa mimi mërá Dios a achúshi maxá maburukin anuxun ñuina xaroti ꞌaxuni kuanti ꞌain.”

Nukën 'Ibu Diosan ain unikama 'inan ain bana

¹ Nukën 'Ibu Diosan ka Jacob kakëxa: “Ënuax kuantankëx kamina Betel kakë me anu tsóti kuanti 'ain. Anuxun kamina min xukë́n Esaúmi rakuë́ti abákëbëa mimi mërá Dios a achúshi maxá maburukin anuxun ñuina xaroti 'axuni kuanti 'ain.”

Génesis 35:1 ပူးပေါင်းရင်းမြစ်များ

Génesis 12:8

Usai ꞌitankëx ka anuax chikíkiani kuanxun amiaxa bari urukë Betel kakë ëma au ꞌikë niñu me anu xubusa okin aín chupa këxtú pëniankëxa. Betel kakë ëma ax ka amia bari kuabúkë au ꞌikë ꞌiakëxa, ꞌimainun ka achúshi ëma. Ai kakë axribi amiaxa bari urukë au ꞌikë ꞌiakëxa. A menuxunribi ka Abramnën anuxun Nukën ꞌIbu rabiti ꞌatankëxun rabiakëxa.

Génesis 16:8

anua mërakin ka ñukákëxa: —Agar, mix kamina Sarainën ñu mëëmikë aín, ¿uinuax kaina aín, ꞌimainun kaina uinu kuanin? —ꞌËx kana an ꞌë ñumëmikë xanu Sarai anuax abatin —kixun ka an kakëxa.

Génesis 22:14

Usokin ꞌatankëxun ka Abrahamnën anuxuan usakin ꞌakë matá me anëkin: Nukën ꞌIbun ka nun sinánkëma ñu nu ꞌinania kixun anëakëxa, usa ꞌain ka bërí uni kia: Nukën ꞌIbun ka a matánuxun ꞌasaribiokin ꞌakinia kiax kikania.

Génesis 29:1

Usa ꞌain ka Jacob Betel kakë me anuax kuani amiaxa bari urukë me ami kikiani kuankëxa.

Génesis 31:13

ꞌËx kana min ꞌIbu Dios axa Betelnuax mimi mërá a ꞌain, anuxun kamina achúshi maxá ꞌënan ꞌinun upíokin nantankëxun xënisa ñu anun ꞌatankëxun ꞌëx isana min Dios ꞌiti ꞌai kixun ꞌë kakën. ¡Usa ꞌain kamina! Bërí kamina nirukiani ënuax kuanti ꞌain; amiribishi kamina anuaxmi bakë́an me anubi kuantëkënti ꞌain.

Génesis 31:3

Usai ami ꞌikania iskin ka Nukën ꞌIbun Jacob kakëxa: Kamina kuantëkënti ꞌain min papan menubi, anua min aintsikama ꞌikë me anu, usai ꞌimi kuania kana ꞌën mi bërúanti ꞌain.

Génesis 34:31

Ësokian kakëxunbi ka aín bëchikëkaman kakëxa: —¿Atun kara nun chirabakë ꞌanáka ꞌatima xanu ꞌakësa okin ꞌaisatanx?

Génesis 35:15

usakin ꞌatankëxun ka a me Betel kakin anëakëxa.

Génesis 35:7

Anu bëbatankëxun ka maxá bukurukin, ꞌatankëxun a me El-Betel kakin anëakëxa (Betel kikë ax ka Diosan xubu ki kikë ꞌikën) ax ka anuaxa aín xukënan ꞌakatsikiax ami sinánkëbë abákëbëa anuax Jacobmi Nukën ꞌIbu Dios mërá a me ꞌiakëxa.

Salmos 46:1

Nukën ꞌIbu Dios ax ka an nu kushionan ami katamëkëxun ꞌakinkë ꞌikën, usa ꞌixun ka uínsaran karanuna ꞌaisama ñu inuti anuabi nu ꞌakinia.

Salmos 47:4

an ka anu nux ꞌiti me nu kaisxuankëxa nun chaitiokë Jacob nuibakin kásabiokin, usa ꞌain kananuna ꞌitsaira kuëënin.

Salmos 91:15

Uínsaran kara ꞌakinun kixun ꞌë kaia anun kana ꞌakinti ꞌain; ¡ꞌëxbi kana abë ꞌiti ꞌain! Usakin ꞌai kana ꞌëx abëbi ꞌiti ꞌain, ꞌënbi kana ꞌupiokin kamina ñu ꞌa kixun mi kati ꞌain;

Éxodo 2:15

Usakian Moisésnën egipcio uni achúshi rëkë a ka faraónën ñuikania kuakëxa, kuaxun ka Moisés aribi ꞌati barimiakëxa; ꞌaínbi ka a bana kuabiani Madián kakë me anu tsóti kuani abákëxa. Usai abáx bëbatankëx ka anua ꞌumpax bikë kini achúshi rapasu tanti tsóakëxa.

Deuteronomio 32:36

Usai ka Nukën ꞌIbu an kaisa unikama bëtsi bëtsi okin ñu mëëmikëxa kushiñumasa ꞌia iskin ꞌakinti ꞌikën; usakin ka Nukën ꞌIbun uniñumasa ꞌinua atubë ꞌikë unikama ꞌimainun aín kushibu akama nëtë́ti ꞌaisamai ꞌiabi atu ꞌakinti ꞌikën.

1 Samuel 10:3

Ënuax kuanxmi anua Tabor kakë menu i pëñanakëkë nikë anu bëbakëbë ka Betelnuxua Dios rabi kuankë uni rabë́ ꞌimainun achúshi uni mibë mërananti ꞌikën. Atun ka achúshinëan rabë́ ꞌimainun achúshi chibu uamainun bëtsínribi rabë́ ꞌimainun pán achúshi uamainun ka bëtsin achúshi ñuina xakánu ꞌarukë uvas baka xëati ꞌakë a uanti ꞌikën.