Génesis 34:8 - Kashibo-Kakataibo Biblia

⁸ Usaia nishkë ꞌikëbi ka ꞌunánkima Hamornën atubë, banai kuanxun ësokin kakëxa: —ꞌËn bëchikë Siquem an ka ꞌitsaira mitsun chirabakë kuëënia. Usa ꞌain, karamina aín xanu ꞌitia binun ꞌinántima ꞌain,

Nukën 'Ibu Diosan ain unikama 'inan ain bana

⁸ Usaia nishkë 'ikëbi ka 'unánkima Hamornën atubë, banai kuanxun ësokin kakëxa: —'Ën bëchikë Siquem an ka 'itsaira mitsun chirabakë kuëënia. Usa 'ain, karamina aín xanu 'itia binun 'inántima 'ain,

Génesis 34:8 ပူးပေါင်းရင်းမြစ်များ

Génesis 34:3

Usokin ꞌatankëx anun ꞌitsaira kuëënkin ka uisaxun karana ënë xanu biti ꞌai kixun sinánkëxa.

Génesis 34:7

Usai ꞌikë ka Jacobnën bëchikëkaman ꞌura kuaënxanx rikuatsinkinbi aín chirabakë ꞌanáka usaía ꞌikë kuakëxa, kuati ka ꞌaisamairai nishakëxa nishi ka kiakëxa, usakian ꞌakë ax ka nuxnu Israelnën bëchikë ꞌain numi kuaikin ꞌakë ꞌaish ꞌaisama nunan ꞌikën, usakin Jacobnën bëchikë Dina ꞌatima ka ꞌiaxa, kiax ka aín rarëbakë apankama ꞌitsaira nishi ka usakin ꞌatimabi usakin ñu ꞌaxa kiakëxa.

Génesis 34:9

usa ꞌain kananuna nukaman mitsun bëchikë xanukama biti ꞌain, bimainun kamina mitsunribi nukaman bëchikë xanukamaribi biti ꞌain.

Salmos 63:1

¡ꞌËn ꞌIbu Dios, mix kamina ꞌën Dios ꞌain! Usa ꞌikë kana mi ꞌaisabi tankin kuëënkin barin: ꞌën kana shimaxun ꞌumpax barikë usaribi okin mi barin; usa ꞌain ka anu ꞌumpax ꞌikëma me ëskikë usa ꞌën nán ꞌikën.

Salmos 84:2

¡ꞌËx kana kuëëinra kuëëni anua min xubu ꞌikë ëman me mëníokë anu ꞌiisa tanin! ¡Usa ꞌain kana ꞌën nuitunënbi kuëëni mixmi Dios an uni tsónun ꞌimikë mimi kantati ꞌain!