Génesis 34:5 - Kashibo-Kakataibo Biblia

⁵ Usokian ꞌakë ka Jacobnën aín bëchikë Dina Siquemnën nënën mëëkë ꞌikë ꞌunánkëxa, ꞌaínbi ka aín bëchikë nukëbënëkama aín ñuina bërúaia kuankëkama ax pain rikuatsintanun kixun kaíankëxa, kainkin ka uisokinbi kamapan ꞌikën.

Nukën 'Ibu Diosan ain unikama 'inan ain bana

⁵ Usokian 'akë ka Jacobnën aín bëchikë Dina Siquemnën nënën mëëkë 'ikë 'unánkëxa, 'aínbi ka aín bëchikë nukëbënëkama aín ñuina bërúaia kuankëkama ax pain rikuatsintanun kixun kaíankëxa, kainkin ka uisokinbi kamapan 'ikën.

Génesis 34:5 ပူးပေါင်းရင်းမြစ်များ

Génesis 30:35

Usokin katankëxun ka Labánën a nëtënbi aín ñuinakama amo sëtë́nakin chibu aín bënë shióshio ꞌimainun tsákatsaka, ꞌimainun kamabi cabra tsákatsaka ꞌaish uxun pukukësa akama këñunbi, kamabi oveja tunan akamabi amo sëtënaxun aín, bëchikëkaman bërúanun kixun ꞌinánkëxa.

Génesis 34:4

Sinánkin ka Siquemnën aín papa Hamor ësokin kakëxa: —Ënë xanu binun kaina ꞌë aín papa ñukáxuntima ꞌain. ꞌËn xanu ꞌiti kana ënë xanu bisatanin.

Génesis 34:6

Usokin Jacobnën kainkëbëbi ka Hamor Siquemnën papa ax Jacobë banai kuankëxa.

Génesis 46:34

mitsun kati ꞌain, nun ñu mëëti ka ovejakama ꞌarakati ꞌimainun vaca ꞌarakati ꞌikën nun, chaitiokë kaman ꞌasaribiokin. Usakinmi kakëxun ka Gosen kakë me ënë anumi ꞌinun mitsu ꞌinánti ꞌikën, egipcio unikamax ka an oveja bërúankë uni ꞌimainun an vaca bërúankë unikamabë timë́ax ꞌiti kuëënma unibu ꞌikën.

Lucas 15:25

Usaía ꞌimainun ca aín bëchicë apanën naënuxun ñu mëëaxa. Ñu mëëbaiti xubu rarobëtsini uquinbi ca pacon bana ocëbëa sharati cuëënia cuaxa.

Lucas 15:29

Cacëxunbi ca aín papa caxa: ꞌItsa baritian cana mi ñu ꞌaxuan, min bana cana uisaquinbi parë́cëma ꞌain. Usa ꞌicëbi camina ꞌëx abë nuibanancë unicamabëtan cuëënquin pinun achúshi chivo bacëratsubi ꞌë ꞌináncëma ꞌain.

1 Samuel 10:27

ꞌAínbi ka Israel uni aín patsan axa ñu upí kuëënkëma ax ami ꞌatimati banai ësai kikankëxa: —“¿Ënëx kara an nu ië́miti a ꞌik? Ësai kanankin a timai ka ax ka nun ꞌapu ꞌikë kisama tankankëxa; usai kikaniabi ka Saúlnën atu kuakëmasa okëxa.

1 Samuel 16:11

Usakin pain ꞌuran ñukátakëxun ka amiribishi kakëxa: —¿Min bëchikë itsi kara ꞌaíma ꞌik? —Kixuan ñukákëxun ka anu ka an ñuina ꞌarakakë bërúankë aín ꞌanáka achúshi ꞌikë —kixun Jesénën kakëxa. Kakëxun ka Samuelnën barixua bëtánun kamina —achúshi uni xuti ꞌain —kixun kakëxa—, ax ukëmapan ꞌain kananuna mesanu nami ꞌën xuikë pinux tsóbutima ꞌain kixun ka kakëxa.

1 Samuel 17:15

ax ka uinu kara Saúl ꞌia anu kuantankëxbi anu bërútima amiribishi Belénnu utëkëankëxa, anu uxun ka aín papan ñuina bërúankëxa.