Génesis 34:30 - Kashibo-Kakataibo Biblia

³⁰ Usokin ꞌabiani kuania ka aín papa Jacobnën Simeón ꞌimainun Leví kakëxa: —Mitsun mi usa ñu ꞌakë kupín kana ꞌëx ꞌaisama bërútin. Bërí ka ënë menu tsókë unikamax ꞌëmi nishti ꞌikën, ax ka cananeo ꞌimainun ferezeos unikamax timë́ax kananxun nu ꞌakánti ꞌikën, nux kananuna ꞌitsamashi nun aintsikamabëbi ꞌain.

Nukën 'Ibu Diosan ain unikama 'inan ain bana

³⁰ Usokin 'abiani kuania ka aín papa Jacobnën Simeón 'imainun Leví kakëxa: —Mitsun mi usa ñu 'akë kupín kana 'ëx 'aisama bërútin. Bërí ka ënë menu tsókë unikamax 'ëmi nishti 'ikën, ax ka cananeo 'imainun ferezeos unikamax timë́ax kananxun nu 'akánti 'ikën, nux kananuna 'itsamashi nun aintsikamabëbi 'ain.

Génesis 34:30 ပူးပေါင်းရင်းမြစ်များ

Génesis 12:12

usa ꞌain ka egipcio unikamax mi isi kiti ꞌikën: Ënë xanux ka ënë unin xanu ꞌikën. Ësai kikin ka ꞌë minun kuëënkin mi binxun ꞌakánti ꞌikën.

Génesis 12:2

Min rëbúnki kamabëtan kana achúshi ëma chaiira ꞌanuxun ꞌain; ꞌanan kana upíokin sinánxunti ꞌain, usakin ꞌaia iskin ka bëtsi unikaman a unikamax ka sinánñuira ꞌianan kushiirabu ꞌikë kiax kiti ꞌikën, mi kupín kana kamabi menu ꞌikë unikama upitax bukunun upíokin sinánxunti ꞌain.

Génesis 12:6

bëbakiani kuani ka Abram a mekama inubiani kuanx Siquem, anua i chaiira nikë Moré kakë anu bëbakëxa. A menu ka cananeo unikamax tsóakëxa.

Génesis 13:7

an Abramnën vacakama bërúankë unikamabë Lotnën vaca an bërúankë unikama nishanani ubionankëxa. Usa ꞌain ka a nëtëkaman, cananeo ꞌimainun ferezeo unikamax pain anu tsókë ꞌiakëxa.

Génesis 34:2

ꞌaínbi ka anu kuanxunbi Siquem aín kuëëntisa uni ꞌikë isakëxa, ax ka Hamor heveos uni aín bëchikë ꞌiakëxa, usa ꞌaish ka Hamor ax a menu ꞌikë unikaman ꞌapu ꞌiakëxa, usai anun kuënkëxun ka Siquemnën ñatanxun abë uxkin nënën mëakëxa.

Génesis 34:29

bianan ka kamabi xubunu ꞌikë ñukama ꞌimainun anu ꞌikë uniakë xukama ꞌimainun xanukamaribi bibiankin buánkëxa.

Génesis 34:31

Ësokian kakëxunbi ka aín bëchikëkaman kakëxa: —¿Atun kara nun chirabakë ꞌanáka ꞌatima xanu ꞌakësa okin ꞌaisatanx?

Génesis 46:26

Ënë unikamax ka Jacobë Egipto menu kuankëxa, usa ꞌaish ka aín aintsi ꞌibukamaishi sesenta ꞌimainun seis uni ꞌiakëxa, usa ꞌain ka ꞌain bëchikënën xanukama ax tupunkëma ꞌiakëxa.

Génesis 46:27

Ënëx ka Josénën bëchikë rabë́ Egipto menuxuan aín titan tuá ꞌiakëxa. Usa ꞌain ka Egipto menu sesenta uni Jacobnën aintsi ꞌibukama abë bëbakëxa.

2 Samuel 16:21

Kakëxun ka Ahitófelnën Absalón kakëxa: —Min papa an ñu ꞌaxunkë xanu kamabë kamina aín nami ꞌai abë ꞌi ꞌuxti ꞌain, an ka anua ꞌikë ꞌapun xubu bërúanxunun atu ëbianxa. Usaími ꞌikë ka kamabi Israel unikaman kuati ꞌikën, min kamina min papa nishmikin usakin ñu ꞌa kixun, usa ꞌain ka an mi nuikë unikama an kuati kuëënti ꞌikën.

1 Reyes 18:18

—ꞌËx kana an Israelkama ꞌatimokin sinánkasmamikë ama ꞌain —kixun ka Elíasnën kakëxa—, ꞌënma min kamina min unikamabëtan Dios kikë bana tankinma a ëntankëxun, Diosmabi bëtsi ñu uniokë a Baal rabixunkin rabikë akama rabikinin.

Salmos 105:12

Atux ka ꞌitsama unishi ꞌiakëxa usa ꞌaish ka bëtsi menu ꞌikë ꞌaish kuainbëkinishi nikë ꞌiakëxa,

Éxodo 5:21

mërakin ka atun kakëxa: —Nukën ꞌIbun ka nukamami ꞌakësaribi okin mi ꞌatima oti ꞌikën. Mi rabëtan ꞌucha kupín ka faraón ꞌimainun ꞌain unikama xuamati numi nishkin nukama ꞌaisatania. Mitsúnbi kamina usakian nu ꞌanunbi anu kuanxun faraón kan, usa ꞌain ka atun usakin nu ꞌaia.

Deuteronomio 4:17

ꞌanan kamina ñuina tankin unionan ñuina pëchiu tankinribi ꞌatima ꞌain,

Deuteronomio 4:27

Nukën ꞌIbun ka anumi ꞌikankë me anua bëtsi bëtsi menu ꞌikë unibë mëskutimi abístanun mitsu ꞌimiti ꞌikën, ꞌimikëbë ka ꞌitsamashi mitsun aintsi a menubi tsóti bërúti ꞌikën.

Deuteronomio 7:7

Moisésnën ka amiribishi Israel unikama ësokin kakëxa: Nukën ꞌIbun mitsu kaískë ax ka ëma upíira ꞌianan, chaiira ꞌikëa mitsu kaisama ꞌikën. Usa ꞌain kamina a ëmakamasama chukúmara ꞌain.

1 Samuel 13:4

Usa ꞌain ka Saúlnën bakë bëchikë Jonatán an filisteo suntárukama usakin këñukin ꞌakë a kamabi israel unikaman kuakëxa, usakin ꞌan ka filisteokamax israel unikama istisama tani ami nishakëxa, usa ꞌain ka israel suntárukama Guilgal kakë anu Saúlbë timë́akëxa.

1 Samuel 16:2

—¿Uisokin karana anu kuanuxun ꞌati ꞌain? —kixun ka Samuelnën kakëxa—. ¡Saúlnën usakin ꞌakë ꞌunánkin ka ꞌë ꞌati ꞌikën! Kakëxunbi ka Nukën ꞌIbun kakëxa: —Vaca bërí kanikë ain xanu bibiania iskin uínbi kara mi ñukákëxun kamina ꞌë kamina ñuina xaroxuni kuani kixun kati ꞌain.