Génesis 34:20 - Kashibo-Kakataibo Biblia

²⁰ usa ꞌaish ka aín papa Hamorbë anun a ëmanu atsínti xëkuë, anuxuan uni ñu ꞌunánkë ꞌimainun uni chabunën ñu marukë anu kuanxun, Siquemnën a ëmanu ꞌikë unikama kakëxa:

Nukën 'Ibu Diosan ain unikama 'inan ain bana

²⁰ usa 'aish ka aín papa Hamorbë anun a ëmanu atsínti xëkuë, anuxuan uni ñu 'unánkë 'imainun uni chabunën ñu marukë anu kuanxun, Siquemnën a ëmanu 'ikë unikama kakëxa:

Génesis 34:20 ပူးပေါင်းရင်းမြစ်များ

Génesis 22:17

usa ꞌain kana ꞌën upíokin sinánxunkin min rëbúnkinëxa. ꞌAisamaira ꞌispa imë́ naínu iskësa usaribi ꞌianan masi bëru parúmpapa kuëbínua iskësaribi ꞌinun ꞌimiti ꞌain. Usa ꞌain ka bëtsi ëmanu ꞌikë unikama ax ami nishkë akama ꞌën ꞌamikëxun abë ꞌakanankin atun abámikin ꞌati ꞌikën,

Génesis 23:10

Usaia Abraham kia kuakin ka Efrón hitita uni ax atubë tsóxun kakëxa, Abraham ꞌimainun anu timë́kë unikaman kuaisabi ꞌitánun kakëxa, usakian kaia ka a ëmanu ꞌikë unikaman ribi kuakëxa:

Génesis 34:19

Kabiani ꞌitsaira basima kuantankëx ka Siquem ax irapain ꞌunánti orakakin aín nëtokëñu aín maxaka tëakëxa, an ka ꞌitsaira Jacobnën bëchikë Dina kuëëankëxa. Usa ꞌaish ka Siquem ax aín papan aintsikaman uisakinbi kakëma uni ꞌiakëxa,

Génesis 34:21

—Ënë unikamax ka bërí nun ꞌunánkë uni ꞌikën, usa ꞌaish ka nubë tsóanan aín ñu ënu ꞌixun maruti ꞌikën nun mex ka atux anu tsótisa chaiiracha ꞌikën, usa ꞌain kananuna nukaman atun bëchikë biti ꞌain bimainun ka atúnribi nun bëchikëbë birananti ꞌikën.

2 Samuel 15:2

Usa ꞌaish ka kamabi nëtën pëkarakëma ꞌaínshi nirutankëx bai rapasu anun ëmanu atsintinu niakëxa, anuxun ka kamabi uni axa ꞌapun aín nishanankë, mëníoxunun ukë uni kuënxun uinu ꞌikë ëmanuax kara ꞌaia kixun ñukákëxa. Ñukákëxa a uni ꞌëx kana Israel kaman ñakánuax aín kia ka,

Salmos 127:5

¡Chuámarua ka pia ꞌitsa ñu uni ax ꞌikën! Usaribi ka bakë bëchikë ꞌitsañu unin tania, Usa ꞌain ka axa ami nishkë unikaman ismainun an bana mëníokë unikaman kuënkëx anu kuania atun bakë bëchikënën ꞌakinkëx rabinkë ꞌitima ꞌikën.

Proverbios 31:23

ꞌImainun ka ꞌain bënë ain ëmanu ꞌikë unikaman kamaxunbi ꞌunánkë ꞌia, usa ꞌaish ka a menu ꞌikë unikaman usa kamina mix ꞌain kixun uínbi kakëma uni ꞌikën.

Amós 5:10

¡Mitsun kamina an asérabi ñu ꞌakë ꞌimainun, axa asérabi banakë unikama a kuëënkaniman!

Amós 5:12

ꞌËn kana bëtsi bëtsi ñu ꞌaia ꞌitsaira nëtë́tisamaira ꞌinun atux ꞌuchakëkama a ꞌunan: Usa ꞌixun ka uni upíbu a ꞌatima okin anuxun bana mëníokë anuxun ꞌapukaman kuríki bitsia uni ꞌatimakama anun rabanan në́kin, ka uni upíkama ꞌatima oia, usa ꞌain ka ñuñu unikaman bana mëníokin uni ñuñuma a ñuumasara ꞌikë kanania.

Amós 5:15

¡ꞌAtima ñu a timakin kamina! ¡Upí ñuishi ꞌati ꞌain! anuxun bana mëníoti anuxun kamabi upíokin ꞌakinkëbë; sapi ka Dios, kamabi kushiñu ax mitsubë ꞌiti ꞌikën, usai ꞌikin ka axa raíri këñumainun tsókëpan Israel unikama a nuibati ꞌikën.

Rut 4:1

Usai ꞌikë basikëbë ka Booz kakë uni ax anun ëmanu atsínti xëkuënu tsóti kuankëxa, ax ka anuaxa uni timë́ax banakë ꞌiakëxa. Anua tsótanbi ka a ñuia Booz kikë aín aintsi ax inúakëxa. Inutiabi ka Booznën kuënkin kakëxa: —Ënupan ka tsóbuti ut kixun. Kakëx aí ka aín aintsi ax tsóbuakëxa.