Génesis 32:28 - Kashibo-Kakataibo Biblia

²⁸ Ësokian kakëxun ka unin kakëxa: —Bërí ka min anë Jacob kakë ꞌitima ꞌikën. Min anë ka Israel kakë bërí ꞌiti ꞌikën, mix kamina Nukën ꞌIbu Diosbë tananan, ꞌimainun kamina bërámabi bëtsi unikamaribi usaribi okin kanánkën.

Nukën 'Ibu Diosan ain unikama 'inan ain bana

²⁸ Ësokian kakëxun ka unin kakëxa: —Bërí ka min anë Jacob kakë 'itima 'ikën. Min anë ka Israel kakë bërí 'iti 'ikën, mix kamina Nukën 'Ibu Diosbë tananan, 'imainun kamina bërámabi bëtsi unikamaribi usaribi okin kanánkën.

Génesis 32:28 ပူးပေါင်းရင်းမြစ်များ

Génesis 17:15

Usakin katankëxun ka Nukën ꞌIbu Diosan ësokinribi Abraham kakëxa: —Bërí ka min xanu ax Sarai kakin anëkë ꞌitima ꞌikën. Aín anë ka bërí Sara kakin anëkë ꞌiti ꞌikën.

Génesis 17:5

ꞌimainun kamina bërí Abram kakin anëkë ꞌitima ꞌain. Usa ꞌain ka min anë bërí ꞌia Abraham, ꞌën kana mi bëtsi bëtsi ëmanu ꞌikë unikaman rara ꞌiminuxun ꞌain.

Génesis 25:31

Min kamina —ꞌËx min apansa ꞌixun min biti ñukama ꞌën binun ꞌë ꞌimiti ꞌain, —kixun ka Jacobnën kakëxa.

Génesis 31:24

ꞌAínbi ka a imë́ Nukën ꞌIbu Diosan Labán arameo uni a namámikin kakëxa: ꞌËn kakëxun kamina kuati ꞌain, min piaka Jacob kamina ꞌatima banan katima ꞌain.

Génesis 32:24

Kuantamainun ka Jacob ashira anubi bërúankëxa, bëruanbi ka a imë́ achúshi uni an usakin sinánkë ꞌaímabi ami mërati abë pëkarakuatsintamainun tananankëxa usai;

Génesis 32:27

—¿Uisa kara min anë ꞌik? —kixun ka a unin ñukákëxa. —ꞌËn anë ka Jacob ikë —kixun ka kakëxa.

Génesis 33:20

Usa ꞌain ka anu ꞌixun basikëbëtan anuxun Dios rabiti achúshi ñu ꞌakëxa, ꞌatankëxun ka El-elohé-Israel kakin anëakëxa, (ax ka Israelnën a rabikë Dios ki kikë ꞌikën).

Génesis 33:4

Usaia ꞌikëbë abákiani kuankin ka Esaúnën ꞌikúkin tëpatsakin aín xukë́n biakëxa, bikin ka bëtsuku kakëxa. Kai a rabëtaxbi iankëxa.

Génesis 35:10

sinánxunkin ka ësokin kakëxa: “Mix kamina Jacob kakë bërí ꞌain, ꞌaínbi kamina bërí usokin anëkë ꞌitima ꞌain; usa ꞌain ka bërí min anë Israel kakë ꞌiti ꞌikën.” Usokin ka Diosan aín anë itsi nankin anëakëxa,

2 Samuel 12:25

ꞌimainun ka usakin bërúankëbëtan an uni ꞌain bana ñuixunkë Natánën Nukën ꞌIbun ka ënë tuá bërúaia kixun David kakëxa. Usakin kakëxun ka Diosan ka ënë tuá bërúaia kixun ꞌunánkin Jedidías kakin Davidtan anëakëxa. “Ënë banax ka Diosan ka a nuibatia ki kikë bana ꞌikën.”

1 Reyes 18:31

Mëníotankëxun ka doce maxax Jacobnën bakë bëchikë bëbukamabëtan sënën biakëxa, a ka Diosan Jacob ain bëchikëkama ka Israel kakin anëti ꞌikë kia ꞌain ꞌakëxa,

Isaías 43:1

Bërí kanima Israel unikama Jacobnën rëbúnki min, an kamabi ñu unio Nukën ꞌIbu ax ka mitsu ësakin kai kia kuati ꞌain: “Kamina rakuë́kantima ꞌain, ꞌën kana mitsu ië́mian; ꞌën kana min anën mi kuëan, usa ꞌaish kamina mitsux ꞌën uni ꞌain.

Juan 1:42

Cabianquin ca aín xucën Jesúsnu buáncëxa. Buáncëx bëbaia isquin ca Jesusan bëñachaquin cacëxa: —Mix camina Juanën bëchicë, Simón, a ꞌain. ꞌAíshbi camina Cefas caquin anëcë ꞌiti ꞌain. Cefas quicë bana, ax ca Pedro qui quicë ꞌicën.

Apocalipsis 2:17

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma unicama cana anúan masá nuitutíma upitax ꞌiti a ꞌinánti ꞌain. Bëráma Nucën Papa Diosan camabi nëtën maná cacë piti judíos unicama ꞌinánsaribi oquin cana maná, ꞌën nëtënu unëcë, a unicama ꞌinánti ꞌain. ꞌInánan cana maxax uxua, a unicama achúshi achúshi, anu aín anë itsi cuënëocë, a ꞌinánti ꞌain. Uni itsían ꞌunaniamabi ca acama achúshi achúshinënshi aín anë ꞌunánti ꞌicën.