Génesis 31:55 - Kashibo-Kakataibo Biblia

⁵⁵ Usai atubë anu ꞌinëti ka pëkarakëma ꞌaínshi Labán niruakëxa, nirukin ka kuanuxun aín xutakama bëtsuku kanan aín bëchikë xanu rabë́ aribi bëtsuku kakin kamina bërúanx kuantankëx ꞌikuanti ꞌai kixun kakëxa, kabiani ka amiribishi anuaxa ukë aín me anubi kuantëankëxa.

Nukën 'Ibu Diosan ain unikama 'inan ain bana

⁵⁵ Usai atubë anu 'inëti ka pëkarakëma 'aínshi Labán niruakëxa, nirukin ka kuanuxun aín xutakama bëtsuku kanan aín bëchikë xanu rabë́ aribi bëtsuku kakin kamina bërúanx kuantankëx 'ikuanti 'ai kixun kakëxa, kabiani ka amiribishi anuaxa ukë aín me anubi kuantëankëxa.

Génesis 31:55 ပူးပေါင်းရင်းမြစ်များ

Génesis 18:33

Ësai pain Abrahambë banatankëx ka Nukën ꞌIbu, anuax kuankëxa; ax kuankëbë ka Abraham axribi aín ꞌiti chupa këxtú ꞌakë anu utëkëankëxa.

Génesis 24:60

Usai kuania ka Rebeca upíokin sinánxunkin ësokin kakëxa: “Nukaman chirabakë, ¡min rëbúnkinëx ka ꞌaisamaira tupuntisama ꞌiti ꞌikën! ¡usa ꞌixun ka min rëbúnki kaman axa ami nishkë unikama abámikin ꞌatankëxun atun ëmakama biti ꞌikën!”

Génesis 28:1

Usakian aín xanun kakëxun ka Isaacnën aín bëchikë Jacob, kuënxun upíokin sinánxunkin ësokin kakëxa: Min kamina uisaxunbi, Canaán me ënua uinu ꞌikë xanubi bitima ꞌain.

Génesis 30:25

Usa ꞌain ka nëtë itsi ꞌikëbëtan Raquel aín tuá José bakënkë ꞌain, Jacobnën aín kuku Labán kakëxa: —ꞌËn menubi kuantëkëntanun kaina ꞌë xutima ꞌain.

Génesis 31:28

ꞌËn bëchikë rabë́ upíokin katankëxun xukin bëtsuku kaxun xuti ꞌikëbi kamina ꞌën babakama këñunbi abákian. ¡Ax ka ꞌën iskëx sinánñuma uni ꞌikësaimi ꞌikë ꞌikën!

Génesis 31:43

Usa ꞌain ka Labánën Jacob ësokin kakëxa: —Xanu rabë́ ënëx ka ꞌën bëchikë xanu ꞌikën; ꞌimainun ka tuákama ënëx ꞌën xutakama ꞌikën; ꞌimainun ka ovejakama ënëxribi ꞌënan ꞌikën; ¡kamabi ñukama ënëx ka ꞌënan ꞌikën! Usa ꞌain kana, ¿uisa karana ꞌën bëchikë xanu rabë́ ꞌimainun, aín tuákama ꞌimainun ñuina kama oti ꞌain?

Génesis 33:4

Usaia ꞌikëbë abákiani kuankin ka Esaúnën ꞌikúkin tëpatsakin aín xukë́n biakëxa, bikin ka bëtsuku kakëxa. Kai a rabëtaxbi iankëxa.

2 Samuel 19:39

Usakin kamainun ka kamabi unikama Jordán kakë baka sikarakëakëxa. Sikákëbëtan ka ꞌapun Barzilai kana kuantëkëni kixun kakin achúshi okin bëtsuku kakëxa. Usokin ꞌaxun kuantanun ëbiani ka Barzilai anuaxa ukë ꞌain xubunubi kuantëkëankëxa.

Números 23:11

Usai kia kuankin ka Balacnën ami nishkin Balaam kakëxa: —¿Añu karamina ꞌain? ꞌËn kana minmi axa ꞌëmi nishkë unikama ꞌatima okin sinánxunun mi bëan, ꞌaínbi kamina min upíokin sinánxuan.

Números 23:5

Ësokian kakëxun ka Nukën ꞌIbun usakian katánun kixun. Balaam kakëxa: —Amiribishi anua ꞌikë anu kuanxun kamima ꞌën mi kakë banakama a Balac kai kuanti ꞌain.

Números 23:8

Uisa ¿ixun karana Diosan ꞌatimakin sinánxunkë ꞌikëmabi ꞌën ꞌatimakin sinánxunti aín? ¿Uisaxun karana Nukën ꞌIbun ꞌatima oiamabi ꞌën atu ꞌatima oti ꞌain?

Números 24:25

Ësai ki sënë́ntankëxa Balaam aín xubunu kuantamainun ka. Balac axribi aín xubunu kuankëxa.

Deuteronomio 32:36

Usai ka Nukën ꞌIbu an kaisa unikama bëtsi bëtsi okin ñu mëëmikëxa kushiñumasa ꞌia iskin ꞌakinti ꞌikën; usakin ka Nukën ꞌIbun uniñumasa ꞌinua atubë ꞌikë unikama ꞌimainun aín kushibu akama nëtë́ti ꞌaisamai ꞌiabi atu ꞌakinti ꞌikën.

Rut 1:14

Usokin kakëx ka atux amiribishi intëkëankëxa. Usai ꞌitankëxun ka Orfánën ꞌëx kana ꞌën xubunubi kuantëkëni kixun kakin aín ñe achúshi okin bëtsuku kabiani kuankëxa, ꞌaínbi ka Rut axëshi aín ñebë bërúakëxa.