Génesis 31:53 - Kashibo-Kakataibo Biblia

⁵³ Usokin kakëx ka min xuta Abraham ꞌimainun ꞌën xutókë Nahor aín Dios an nu uisakara nu rabë́ oti ꞌikën kiti ꞌikën. Usokin kakëxun ka Jacobnën Nukën ꞌIbu Dios aín papa Isaacnën rabia an ismainun sinanatëkëntima oi kikin rabiakëxa.

Nukën 'Ibu Diosan ain unikama 'inan ain bana

⁵³ Usokin kakëx ka min xuta Abraham 'imainun 'ën xutókë Nahor aín Dios an nu uisakara nu rabë́ oti 'ikën kiti 'ikën. Usokin kakëxun ka Jacobnën Nukën 'Ibu Dios aín papa Isaacnën rabia an ismainun sinanatëkëntima oi kikin rabiakëxa.

Génesis 31:53 ပူးပေါင်းရင်းမြစ်များ

Génesis 11:31

Usa ꞌain ka Térah ax Ur kakë ëma anuax Canaán kakë menu kuani kuankëxa, kuankin ka Abramkëñun aín xanu Sarai aín piaka akëñun aín xuta Lot a Buánkëxa. ꞌAínbi ka Haram kakë ëma anu, bëbatankëx anu tsóti bërúakëxa.

Génesis 14:22

Usokin kakëxunbi ka Abramnën ësokin kakëxa: —ꞌËn kana ësokin kana ꞌanuxun ꞌai kixun Nukën ꞌIbu kushiira an naíkëñun me unio a kan,

Génesis 16:5

Usai ami nishia ꞌunánkin ka Sarainën aín bënë Abram kakëxa: —¡Min ꞌucha kupí ka Agarnën ꞌë ꞌatima okin isia! ꞌËnbi kana min xanua ꞌinun mi ꞌinan, usa ꞌaínbi ka bërí achúshi tuáñu ꞌikuani ꞌësamaira ꞌisatania. Usa ꞌain ka Nukën ꞌIbux kiti ꞌikën uix kara ꞌuchaxa kixun nu kati ꞌikën.

Génesis 17:7

ꞌËn kana achúshi ñu mibëtan ꞌain ꞌimainun kana min rëbúnki kamabëtanribi ꞌanuxun ꞌain, usa ꞌain kana ꞌëx min Dios xënibua ꞌaínbi ꞌiti ꞌain, ꞌianan kana atun Diosribi ꞌinuxun ꞌain.

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Génesis 31:42

ꞌËn kana ꞌunan min kamina min xubunua añu ñubi ꞌinanxumabi ꞌë xukë ꞌitsían, usakinmi ꞌati ꞌikëbi ka ꞌën xuta Abraham aín Dios ꞌimainun, ꞌën papa Isaacnën a rabikë Dios axribi ꞌëbë ꞌixun mi ñu mëëxuni tëmërai masánuitutia iskin ꞌë ꞌakianxa, usa ꞌixun ka mi ënë imë́ namámikin ax ꞌëbëribi ꞌixun ꞌë kaxa.

Génesis 31:52

Usa ꞌain kananuna nu rabëxun ësokinnu ñu ꞌakë ënë sinani ꞌëxribi ꞌima ꞌimainun mixribi ënë inubiani nitima ꞌain, ꞌatimanu bërútima kupí nitima ꞌain.

Génesis 47:31

—¡Sinanátëkëntima okin! kamina ashikin ꞌë kati ꞌain —kixun ka amiribishi aín papan kakëxa. Ësakian kakëxuan Josénën sinanatëkëntima okin kakëx, ka Jacob anua ꞌuxkë anuax aín tëpiti ami tëtuti ñanati ꞌiakëxa.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Éxodo 5:21

mërakin ka atun kakëxa: —Nukën ꞌIbun ka nukamami ꞌakësaribi okin mi ꞌatima oti ꞌikën. Mi rabëtan ꞌucha kupín ka faraón ꞌimainun ꞌain unikama xuamati numi nishkin nukama ꞌaisatania. Mitsúnbi kamina usakian nu ꞌanunbi anu kuanxun faraón kan, usa ꞌain ka atun usakin nu ꞌaia.

Deuteronomio 6:13

Usa ꞌain kamina Nukën ꞌIbu ashi rabianan ax kuëënkësa okinshi ñu ꞌaxúnti ꞌain, ꞌimainun kamina sinanatëkënkinma asérabi aín anëinshi ñu ꞌati ꞌain.

Josué 24:2

kamikëx rikuatsinkë ka Josuénën kamabi unikama kakëxa: —Ësokin ꞌën mitsu kanun ka Israel unibu nun Dios kiaxa: Bërámaira ka Térah ꞌimainun aín bakë bëchikë rabë́ Abraham kakë ꞌimainun Nahor mitsun chaitiokëkama, atux Éufrates kakë baka kuëbí tsókë ꞌixun bëtsi dioskama rabiakëxa.

1 Samuel 20:23

Usa ꞌaínbi ka nu rabëtax kikë bana ax Nukën ꞌIbun ꞌunánkë ꞌaish uínsaranbi manukinma ñuikë ꞌiti ꞌikën.

1 Samuel 24:12

¡Usa ꞌain ka Nukën ꞌIbun nu rabë́ uisa kara oisatania usokin ꞌati ꞌikën, ꞌanan ka uin kara bëtsi ꞌaisama oisatania a istankëxun! aín ꞌapu ꞌikëbi mi ꞌanan ꞌëribi ꞌati ꞌikën, ꞌaíshbi kana ꞌëx uínsaranbi mi ꞌakatsi kitima ꞌain.