Génesis 31:42 - Kashibo-Kakataibo Biblia

⁴² ꞌËn kana ꞌunan min kamina min xubunua añu ñubi ꞌinanxumabi ꞌë xukë ꞌitsían, usakinmi ꞌati ꞌikëbi ka ꞌën xuta Abraham aín Dios ꞌimainun, ꞌën papa Isaacnën a rabikë Dios axribi ꞌëbë ꞌixun mi ñu mëëxuni tëmërai masánuitutia iskin ꞌë ꞌakianxa, usa ꞌixun ka mi ënë imë́ namámikin ax ꞌëbëribi ꞌixun ꞌë kaxa.

Nukën 'Ibu Diosan ain unikama 'inan ain bana

⁴² 'Ën kana 'unan min kamina min xubunua añu ñubi 'inanxumabi 'ë xukë 'itsían, usakinmi 'ati 'ikëbi ka 'ën xuta Abraham aín Dios 'imainun, 'ën papa Isaacnën a rabikë Dios axribi 'ëbë 'ixun mi ñu mëëxuni tëmërai masánuitutia iskin 'ë 'akianxa, usa 'ixun ka mi ënë imë́ namámikin ax 'ëbëribi 'ixun 'ë kaxa.

Génesis 31:42 ပူးပေါင်းရင်းမြစ်များ

Génesis 11:5

ꞌAínbi ka Nukën ꞌIbun usakian ëma ꞌimainun torre unikaman ënën menma chaiorukin ꞌakë a ubuxun isakëxa.

Génesis 16:11

A mi tuukë ënëx ka achúshi bëbu tuá ꞌikën, usa ꞌain kamina bakëntankëxun Ismael kakin anëti ꞌain, Nukën ꞌIbun ka mix tëmërai uin kara ꞌë ꞌakinti ꞌikë kiax nuibakati nitsia isaxa.

Génesis 16:13

Usa ꞌain ka Agar Nukën ꞌIbubë banatankëx abi kiakëxa, kikin anëkin ka Diosan ka ꞌë isia kikin anëakëxa, usa ꞌain kana bëríbi Diosan ꞌë iskëxbi ñukëma pain tsoti ꞌain.

Génesis 27:33

Ësokian aín bëchikënën kakëx ka Isaac ratuti sinánkasmai aín bana, bëtsi tërëkin aín bëchikë kakëxa: —Usa ꞌain kara, ¿ui kara an ꞌë ꞌabëtsinxun ñuina nëishokin ꞌaruxun bëxunkë ax ꞌiax? ꞌËn kana mix uisama pain ꞌain kamabi pian, pitankëxun kana ꞌën a upíokin sinánxuan usa ꞌaish ka bërí ax upíokin sinánxunkë bëruaxa.

Génesis 29:32

Usai ax ꞌimainun ka Lían tutankëxun achúshi tuá ꞌakëxa, a tuá bakëntankëxun ka Rubén kakin anëakëxa, anëtankëx ka kiakëxa: “Nukën ꞌIbun ka ꞌëx tëmërai nitsia isaxa. Ësokin sinánkin ka aín tuá Rubén kakin anëakëxa, usa ꞌain ka bërí ꞌën bënën ꞌë kuëënkin nuibati ꞌikë kixun sinánkëxa.”

Génesis 31:12

Ësokin kakëxun ka ángelnën ꞌë kaxa: Kamina ꞌupiokin isti ꞌain, aín bënëkaman ka aín xanu kuënëñu ꞌimainun pukukësa ꞌimainun tsákatsaka aribi ꞌaia kamina isti ꞌain, ꞌën kana ꞌunánin min kuku Labánën kara uisa mi oxa kixun.

Génesis 31:24

ꞌAínbi ka a imë́ Nukën ꞌIbu Diosan Labán arameo uni a namámikin kakëxa: ꞌËn kakëxun kamina kuati ꞌain, min piaka Jacob kamina ꞌatima banan katima ꞌain.

Génesis 31:29

ꞌËn kana kamabi mitsu ꞌatima okë ꞌitsían, min unikama këñunbi, usakin sinaniabi ka ënë imë́ min papan a rabia Diosan ka ꞌë kaxa: Kamina kuati ꞌain min kamina Jacob ꞌatima banan kakima upiokinshi kati ꞌain.

Génesis 31:5

ꞌaia ka ësokin kakëxa: —ꞌËn kana bërí ꞌunan mitsun papan ka bëráma ꞌasa okin bërí ꞌë ꞌupiokin isima; usakin ꞌaiabi ka ꞌën ꞌIbu Diosan ënkinma ꞌë ꞌakinia kixun kana ꞌunan.

Génesis 31:53

Usokin kakëx ka min xuta Abraham ꞌimainun ꞌën xutókë Nahor aín Dios an nu uisakara nu rabë́ oti ꞌikën kiti ꞌikën. Usokin kakëxun ka Jacobnën Nukën ꞌIbu Dios aín papa Isaacnën rabia an ismainun sinanatëkëntima oi kikin rabiakëxa.

Génesis 32:9

Usokin ꞌatankëxun ka: “Nukën ꞌIbu abë banakin kakëxa, ꞌën xuta Abraham ꞌimainun ꞌën papa Isaacnën Dios, min kamina ꞌëx amiribishi ꞌën menu kuanan ꞌën aintsikamanu, kuantëkënia ismina upitax kuantanun ꞌë ꞌakinti ꞌai kixun kakën:

Génesis 35:3

Ësokin katankëxun ka kakëxa bëríbi kananuna Betel menu kuanti ꞌain, kuantankëxun kananuna achúshi maxá maburukin ꞌatankëxun anuxun Nukën ꞌIbu Dios rabiti ꞌati ꞌain, an ka ꞌë ꞌatimakin sinaniabi ꞌakiankëxa, ꞌimainun ka ꞌë ꞌakinia uinu karana kuani anuabi.

Génesis 46:1

Usai ꞌitankëx ka Jacob kamabi aín ñu ꞌimainun aín ñuina ꞌarakakëkama buani bain kuankëxa. Kuani Beerseba kakë menu bëbaxun ka ñuina rëtankëxun usakin ꞌati sinánxun aín papa Isaacnën Dios xaroxuankëxa.

Éxodo 3:7

ꞌaínbi ka Nukën ꞌIbun: —Asérabi kana ꞌën unikama Egipto menuax tëmëraia isan. ꞌËn kana an bërúanxun ñu mëëmikë unikama ꞌucha kupían tëmëraia kuan, ꞌimainun kana asérabi ꞌën upíokin uisai kara atux tëmëraia kixun ꞌunan.

Isaías 8:13

Dios kamabi kushiñuira a kananuna ax ka upíira ꞌikë kixun kati ꞌain; kai kananuna ami kuni rakuë́ti ꞌain; usa ꞌain kananuna an nu iskëx ami rakuë́ti ꞌain.

Daniel 2:23

ꞌËn chaitiokëkaman rabia Dios mi kana, ꞌën asabika kakin rabin, min kamina sinánñuira ꞌimianan kushi ꞌinun ë ꞌimia; usa ꞌixun kamina bërí nun mi ñukákëkama nu ꞌunánmian: usa ꞌixun kamina a sinania ꞌapu masá nuitukë akama ꞌunánun nu ꞌunánmian.

Judas 1:9

Usaría a unicamax quicë ꞌaínbi ca usoquin caquinma ángelcaman cushi, Miguel, an abë banaquin ñunshin ꞌatimanën ꞌapu ꞌatima bana ꞌinánquinma, Moisés bamacë rabanan abë cuëbicanancëxunbi, Miguelnën ñunshin ꞌatimanën ꞌapu ësaquinshi cacëxa: “Nucën ꞌIbu Diosan ca mi ꞌuchoquin ñu cati ꞌicë” quixun.