Génesis 31:28 - Kashibo-Kakataibo Biblia

²⁸ ꞌËn bëchikë rabë́ upíokin katankëxun xukin bëtsuku kaxun xuti ꞌikëbi kamina ꞌën babakama këñunbi abákian. ¡Ax ka ꞌën iskëx sinánñuma uni ꞌikësaimi ꞌikë ꞌikën!

Nukën 'Ibu Diosan ain unikama 'inan ain bana

²⁸ 'Ën bëchikë rabë́ upíokin katankëxun xukin bëtsuku kaxun xuti 'ikëbi kamina 'ën babakama këñunbi abákian. ¡Ax ka 'ën iskëx sinánñuma uni 'ikësaimi 'ikë 'ikën!

Génesis 31:28 ပူးပေါင်းရင်းမြစ်များ

Génesis 29:13

Usokian aín bëchikënën aín chirabakën tuá Jacob ñuikin kakëx, aín ꞌikënuax abákiani kuanxun ꞌikúkin bikin bëtsuku kakëxa, usokin ꞌabiankin ka aín xubunu ubankëxa. Usai abë kuanxun ka aín xubunuxun Jacobnën usaía kuani ꞌikë akama ñuixuankëxa.

Génesis 31:13

ꞌËx kana min ꞌIbu Dios axa Betelnuax mimi mërá a ꞌain, anuxun kamina achúshi maxá ꞌënan ꞌinun upíokin nantankëxun xënisa ñu anun ꞌatankëxun ꞌëx isana min Dios ꞌiti ꞌai kixun ꞌë kakën. ¡Usa ꞌain kamina! Bërí kamina nirukiani ënuax kuanti ꞌain; amiribishi kamina anuaxmi bakë́an me anubi kuantëkënti ꞌain.

Génesis 31:24

ꞌAínbi ka a imë́ Nukën ꞌIbu Diosan Labán arameo uni a namámikin kakëxa: ꞌËn kakëxun kamina kuati ꞌain, min piaka Jacob kamina ꞌatima banan katima ꞌain.

Génesis 31:29

ꞌËn kana kamabi mitsu ꞌatima okë ꞌitsían, min unikama këñunbi, usakin sinaniabi ka ënë imë́ min papan a rabia Diosan ka ꞌë kaxa: Kamina kuati ꞌain min kamina Jacob ꞌatima banan kakima upiokinshi kati ꞌain.

Génesis 31:3

Usai ami ꞌikania iskin ka Nukën ꞌIbun Jacob kakëxa: Kamina kuantëkënti ꞌain min papan menubi, anua min aintsikama ꞌikë me anu, usai ꞌimi kuania kana ꞌën mi bërúanti ꞌain.

Génesis 31:55

Usai atubë anu ꞌinëti ka pëkarakëma ꞌaínshi Labán niruakëxa, nirukin ka kuanuxun aín xutakama bëtsuku kanan aín bëchikë xanu rabë́ aribi bëtsuku kakin kamina bërúanx kuantankëx ꞌikuanti ꞌai kixun kakëxa, kabiani ka amiribishi anuaxa ukë aín me anubi kuantëankëxa.

Génesis 32:1

Usai anuax aín kuku ꞌimainun abëa ukë unikama kuankëbëbi ka Jacob anuax kuankëxa, kuankëbëbi Nukën ꞌIbu Diosan ángelkamax ami chikirakëti anúan kuankë bai anu mërakëxa.

1 Reyes 19:20

Usakia ꞌakëxunshi ka Eliseonën bënë́kinshi aín vaca bënëkama ëbiani, a kaxu abákiani kuanxun nukúkinshi Elías kakëxa: —Mibë kuanuxun ꞌën papakëñun ꞌën tita anu kana kuani kixun kakin bëtsuku katamainun kamina ꞌë kaínti ꞌain. —Asabi ka kamina kuanti ꞌai —kixun ka Elíasnën kakëxa—, ꞌaínbi kamina añu karana ꞌën mibëtan ꞌa kixun sinánti ꞌain.

Éxodo 4:27

Usakian ꞌamainun ka Nukën ꞌIbun Aarón ësokin kakë ꞌiakëxa: Anu uni ꞌikëma menu kuantankëxun kamina Moisés aia mëranankini kuanti ꞌain kixun kakë ꞌiakëxa. Usakian kakëx ka Aarón Diosan bashi kakë anua Moisésbë mëranani kuankëxa. Kuanxun ka anua mërakin bëtsukukakin biakëxa.

Hechos 20:37

Banai sënënia ca —ꞌë camina istëcënuxunma ꞌai —quia oi camáxbi masá nuituti abë ꞌicúcanani bëunan mëscúquin bërúanxa cuanun caquin manë nuntinu ꞌirumiquin Pablo buáncëxa.

1 Corintios 2:14

An sinánmicëma uni an ca Nucën Papa Diosan Bëru Ñunshin Upitan sinánmicë ñu ꞌunanima. A ñucamax ca an iscëx ꞌusani ami cuaitisa ꞌicën. Unin ca a ñu ꞌunánti ꞌicën, Nucën Papa Diosan Bëru Ñunshin Upitan ꞌunánmicëxuinshi.

Rut 1:14

Usokin kakëx ka atux amiribishi intëkëankëxa. Usai ꞌitankëxun ka Orfánën ꞌëx kana ꞌën xubunubi kuantëkëni kixun kakin aín ñe achúshi okin bëtsuku kabiani kuankëxa, ꞌaínbi ka Rut axëshi aín ñebë bërúakëxa.

Rut 1:9

ꞌanan ka bënutëkëntankëxmi min bënëbë upiti tsónun mi ꞌakinti ꞌikën: —Ësokin katankëxun ka aín ñexuta Noemínën kuantanun kixun bëtsuku kakëxa, ꞌaínbi ka a rabëtan inkin,

1 Samuel 13:13

Kakëxunbi ka Samuelnën kakëxa: —¡Usakin mi ꞌakë ax ka ñunshin bakë́kin ꞌakë ꞌikën! ꞌËn kana mi kan, ꞌëx kana basikëbë pain Guilgalnu mibë timë́ti ꞌian, usa ꞌain kamina Nukën ꞌIbun ꞌë kakësokin ꞌanuxun kaínti ꞌian, usa ꞌain ka xënibua ꞌaínbi Diosan mi ꞌimainun min rëbúnkikama Israel kaman ꞌapu ꞌimitsianxa.