Génesis 31:26 - Kashibo-Kakataibo Biblia

²⁶ usai anu ꞌinëti pëkaraxun ka Labánën munuma banakin ami nishkin Jacob kakëxa: —¿Añu kaina ꞌabëtsian? ¿Uisokin sinanx kaina ꞌë paránbëtsini uban? ¡Min kamina ꞌën bëchikëkama ꞌakanankin bikëxa uni abákësa usaribi kuatsinkin bëan!

Nukën 'Ibu Diosan ain unikama 'inan ain bana

²⁶ usai anu 'inëti pëkaraxun ka Labánën munuma banakin ami nishkin Jacob kakëxa: —¿Añu kaina 'abëtsian? ¿Uisokin sinanx kaina 'ë paránbëtsini uban? ¡Min kamina 'ën bëchikëkama 'akanankin bikëxa uni abákësa usaribi kuatsinkin bëan!

Génesis 31:26 ပူးပေါင်းရင်းမြစ်များ

Génesis 12:18

Usai ꞌikin ka faraónën Abram kamiakëxa, kamikëxa aia ka kakëxa: ¿Uisa kupín karamina ësokin ꞌën ꞌan? ¿Uisa kupín karamina min xanu ꞌaínbi ax ka ꞌën xanuma ꞌikë kixun ꞌë kakëma ꞌain?

Génesis 2:24

Usa ꞌain ka unin aín xanu bikin aín papa aín tita ënti ꞌikën, usa ꞌaish ka a rabëtaxbi achúshi unisashi ꞌiti ꞌikën.

Génesis 26:10

Kakëxunbi ka Abimélecnën kakëxa: —¿Uisa kupín karamina nu ësokin an? ꞌËn mi iskëma ꞌain ka ënu ꞌikë uni min xanubë ꞌikë ꞌitsíanxa, usa ꞌain kamina min nu ꞌuchamikë ꞌitsían.

Génesis 29:25

Usai abë ꞌinëti pëkarakin Jacobnën iskëxbi ka Líabëa uxnë́kë ꞌiakëxa, usa ꞌain ka kuantankëxun Labán kakëxa: —¿Uisati kaina ꞌë ësokin ꞌan? ¿ꞌËn karana Raquel kupín mi ñu mëëxunkëma ꞌain? uisati, ¿kaina ꞌë parán?

Génesis 3:13

Usakian kakëxun ka Nukën ꞌIbu Diosan xanu ñukákëxa: —¿Uisa kupí kaina usokin ꞌan? Kakëxun ka xanun kakëxa: —Runun ꞌë paránkëxun, kana a i bimi pian.

Génesis 31:16

Asérabi ka kamabi aín ñukama Nukën ꞌIbu Diosan nun papa bichianxa ax ka nunan ꞌimainun nun tuá kamanan ꞌiti ꞌikën. Usa ꞌain kamina kamabi Nukën ꞌIbu Diosan mi kakësabiokin ꞌati ꞌain.

Génesis 31:25

Ësokian kakëx kuanxun ka Labánën Jacob Galaad kakë menu ꞌikë bashikama anua nuküakëxa, aín xanu aín bëchikë a kamabë anu ꞌikë. Usokin a nukutankëx ka abë kuankë unikamabë axribi a ꞌurama ꞌiakëxa,

Génesis 31:27

¿Uisakatsi kaina mix ꞌë parántankëx uisakinbi ꞌë kaima unëkuatsini uan? ꞌËn kana ꞌëmi kakëxun upiokin mi xunuxun, minmi kakëxun kana unikama katankëxun tampurakama ꞌanan arpa ꞌai kantai kuëënkin ꞌatankëxun mi xukë ꞌitsían.

Génesis 31:36

Usaía ꞌia isi xuamati nishkin ka Jacobnën aín kuku Labán a ësokin kakëxa: —¿Añu ñu, karana ꞌën an? ¿Añu ꞌai ꞌuchakuatsini ukë kaina ꞌë tantikimaira nuian?

Génesis 34:29

bianan ka kamabi xubunu ꞌikë ñukama ꞌimainun anu ꞌikë uniakë xukama ꞌimainun xanukamaribi bibiankin buánkëxa.

Génesis 4:10

Usai kia ka Nukën ꞌIbun kakëxa: —¿Uisa kupín karamina usakin ꞌan? Min xukë́n ꞌanákanën imi menu, ꞌapamikinmi ꞌakë an ka uisa karana oti ꞌai usakin ꞌën mi ꞌanun kia.

Juan 18:35

Cacëxun ca Pilátonën cacëxa: —ꞌËx cana judíos unima ꞌain. Min aintsinbi ca sacerdotenën cushicamabëtan ënu mi bëaxa. ¿Añu ñu caramina ꞌan?

1 Samuel 14:43

mëran ka a ñuikin Saúlnën Jonatán kakëxa: —ꞌËmi kamina min ꞌakë ñu a chikínati ꞌain. Kixuan kakëxun ka Jonatánnën aín ꞌuchakë a ñuixunkin kakëxa: —ꞌAtsínxumabi kana buna rëpa chamara ꞌën tuinbiankë tsati rëbun aín ba pëánkakin bixun ꞌan. Usa ꞌain kana ꞌëx, ꞌakë ꞌiti ꞌain.

1 Samuel 17:29

Kixuan kakëxunbi ka Davidnën aín xukë́n apan kakëxa: —¿Añu ꞌaisama karana ꞌën ꞌan? ꞌëxribi kana ñu ñui banati ꞌain, usa ꞌain kamina banaxma ka nëtët kixun min ꞌë katima ꞌain Kixun ka Davidnën aín xukë́n kakëxa.