Génesis 31:19 - Kashibo-Kakataibo Biblia

¹⁹ Usaia akamax ꞌimainun ka Labán ax aín ꞌarakakë ovejakama bërúanan anuxun aín rani chaxkë́ti kanikë kama tëai kuankëxa, axa anu kuantamainun ka aín ꞌini bëchikë Raquelnën aín papan aín aintsikamabëtan rabikë ñukama a mëkamakin biakëxa.

Nukën 'Ibu Diosan ain unikama 'inan ain bana

¹⁹ Usaia akamax 'imainun ka Labán ax aín 'arakakë ovejakama bërúanan anuxun aín rani chaxkë́ti kanikë kama tëai kuankëxa, axa anu kuantamainun ka aín 'ini bëchikë Raquelnën aín papan aín aintsikamabëtan rabikë ñukama a mëkamakin biakëxa.

Génesis 31:19 ပူးပေါင်းရင်းမြစ်များ

Génesis 24:38

Usa ꞌain kamina ꞌën papan menu kuantankëxun, anua aín aintsikama ꞌikë anua achúshi xanu ꞌën bëchikë barixuni kuanti ꞌain.

Génesis 31:20

Usa ꞌain ka Jacobnën aín kuku Labán arameo uni a kana kuani kixun kaimashi kuankëxa.

Génesis 31:30

ꞌËn kana ꞌunan mix kamina min papan xubunu kuantëkëinsairatan, usa ꞌaish kamina usai ꞌian, ¿uisa kupín kaina ꞌën rabikë ꞌën dioskama mëkamabëtsian?

Génesis 31:32

Usa ꞌain ka ꞌëbë ꞌikë uni achúshinën kara min dioskama bëaxa, ¡ax bamati ꞌikën! Nubë ꞌikë unikaman ka asérabi ꞌunánxa: Kamina ꞌë kati ꞌain, uisa min ñu karana ꞌën bëan, min ñu ꞌën bëkë kamina bibiankin buánti ꞌain. ꞌAínbi ka aín kuku kakinbi ka aín xanu Raquelnën aín papan a rabikë ñukama mëkama bëtsinkë bëkë ꞌunánma ꞌikën.

Génesis 31:34

usaía anuribi aín papa atsínkëma ꞌaínshi ka an rabikë aín dioskama, a bitsishi anu tsotia camellonën kaxunu ꞌakë anu unëishi akamanan tsóbuakëxa. Usaia ꞌikëbëtan ka Labánën kamabi atun xubukamanua barikinbi mërama ꞌikën.

Génesis 31:35

Usa ꞌain ka Raquelnën kakëxa: —Papan kamina nishtima ꞌain ꞌëx min bërunubi nirukëbëma, ax ka ꞌikën min kakëxun kuaisama tani ꞌikëma ꞌikën, bërí kana ꞌëx xanux ꞌikësabi ꞌikin pëi machakë ꞌain. Ësokian kakëx ka Labán an rabikë aín dioskama bari kuainbëkiankëxa.

Génesis 35:2

Ësakian kakëxun ka Jacobnën aín aintsikama kanan an ñu mëëxunkë unikama ꞌimainun an ñu ꞌaxunkë xanukamaribi kakëxa: —Kamina mitsun bëtsi dioskama ami rabikëkama a ꞌë bëxunkanti ꞌain, bëanan kamina nashitankëxun mitsun chupa upíbu pañuti ꞌain.

Génesis 38:13

Tamar an ka aín kuku a Timnatnua aín carnero rani tëai kuankë kuakëxa,

2 Reyes 23:24

Josíasnën ka ñubë́ unikama ꞌimainun an ñutankë unikama, ꞌianan aín aintsi kamabëtan rabikë unínbia ꞌakë ñu a ꞌianan bëtsi ñukama ꞌimainun kamabi ñukama anun atun dioskama rabikë ꞌikëa Nukën ꞌIbun kuëënkëma ñukama Judá ꞌimainun Jerusalénnu ꞌikë akama këñuakëxa. Usakin ka a tanti bana kirikanu kuënëo ꞌikë sacerdote Hilquíasnën anuxun Nukën ꞌIbu rabiti xubunua mërakë usakinbi ꞌati kupin ꞌamiakëxa.

Oseas 3:4

Usai akama ꞌikë ꞌain ka Israel unikamax ꞌitsa baritia ꞌapuñuma ꞌianan atun kushi kamañumabi ꞌiti ꞌikën, ꞌianan ka añu ñubi xaroima ꞌianan maxá upíibu akama ꞌianan, sacerdotekaman pañukë chupa abi pañuima: ꞌianan atun aintsia rabikë ñukama abi rabitima ꞌikën.

Josué 24:2

kamikëx rikuatsinkë ka Josuénën kamabi unikama kakëxa: —Ësokin ꞌën mitsu kanun ka Israel unibu nun Dios kiaxa: Bërámaira ka Térah ꞌimainun aín bakë bëchikë rabë́ Abraham kakë ꞌimainun Nahor mitsun chaitiokëkama, atux Éufrates kakë baka kuëbí tsókë ꞌixun bëtsi dioskama rabiakëxa.

1 Samuel 15:23

Usa ꞌaish ka uin kara ax kikësokin ꞌaima ax ami ꞌuchai an ñu tankë unikamasa ꞌiti ꞌikën; usa ꞌaish ka ñu tankin ꞌaxun rabikë unikamasa ꞌixun Diosan kakësokin ꞌaima ami ꞌuchaia. Usa ꞌaínbi kamina min an kikësokin ꞌakëma ꞌain, an kakësokin kamina ꞌaisama tanin, usa ꞌikë ka ꞌapu ꞌikëbi mi ꞌakintima ꞌikën.

1 Samuel 19:13

Usakin ꞌatankëxun ka Micalnën uni tankia ꞌakë a bixun, anua David ꞌuxkë anu nankëxa, nanxun ka aín maxkánu cabranën rani bixúan xëokin ꞌakë a aín maxkánu unin busabi ꞌitánun nankëxa, nanxun ka a upíokin sabananën mapuakëxa.