Génesis 30:43 - Kashibo-Kakataibo Biblia

⁴³ Usokin ñu ꞌai ka Jacob ax ꞌaisamaira ñuñu ꞌaish kuríkiñuira ꞌianan, an ñu mëëxunkë uni ꞌimainun an ñu ꞌaxunkë xanu ꞌimainun an ꞌarakakë ñuina ovejakama, camello ꞌimainun asno ñuinakama ainan ꞌitsaira ꞌiakëxa.

Nukën 'Ibu Diosan ain unikama 'inan ain bana

⁴³ Usokin ñu 'ai ka Jacob ax 'aisamaira ñuñu 'aish kuríkiñuira 'ianan, an ñu mëëxunkë uni 'imainun an ñu 'axunkë xanu 'imainun an 'arakakë ñuina ovejakama, camello 'imainun asno ñuinakama ainan 'itsaira 'iakëxa.

Génesis 30:43 ပူးပေါင်းရင်းမြစ်များ

Génesis 12:16

Usa iskin ka faraónën Sarai kupí, Abram upíokin ꞌakinkin ꞌinaishiakëxa oveja, vaca ꞌimainun uni an ñu mëëxunti ꞌimainun xanu an ñu ꞌaxúnti akama ꞌinánkin asno, ꞌimainun camello akamaribi ꞌinánkëxa.

Génesis 13:2

Abram ax ka ꞌiakëxa uni ñuñuira, usa ꞌaish ka kuri ꞌimainun manë uxua kuríkiñu ꞌianan, ꞌitsaira aín ñuina ꞌarakakëñu ꞌiakëxa.

Génesis 24:35

Nukën ꞌIbun an ka an ꞌë ñu mëëmikë uni ꞌitsaira ñuñu ꞌinun ꞌimiaxa: usa ꞌixun ka ꞌinánxa ovejakama, vaca, kuri ꞌimainun manë panshian, uni an ñu mëëxunti, xanu an ñu ꞌaxúnti akama ꞌinánan ka camello ꞌimainun asno akama ꞌinánxa.

Génesis 28:15

ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

Génesis 30:30

ꞌëx ukëmapan ꞌain ka min ñuina ꞌarakakëkama ꞌitsamashi ꞌiakëxa, usa ꞌaínbi ka ꞌën bërúaia Nukën ꞌIbu ꞌakinkëx bërí ꞌaisamaira min ñuina ꞌikën; ꞌaínbi karana, ¿Uínsaran ꞌënanbi ñu mëi ꞌën xanu ꞌimainun ꞌën bëchikë kamanan ñu ꞌarakati ꞌain?

Génesis 30:42

ꞌaínbi ka uínsaran kara ñuina chumínkëkaman, aia anun i pëñankama nitsiama ꞌikën. Usa ꞌain ka ñuina ꞌatima chumínkëkama aín kuku Labánna ꞌinun ëanan, xuaira ꞌaish upíibu a Jacobnën ainan ꞌinun biakëxa.

Génesis 31:1

ꞌAínbi ka Jacobnën aín kuku Labánën bëchikë kamax a ñui kikë bana kuakëxa: Jacobnën ka kamabi ñuina nun papan ꞌarakakë biaxa, a bitankëx ka anun ñuñuira bërí ꞌikë kikë bana kuakëxa.

Génesis 31:42

ꞌËn kana ꞌunan min kamina min xubunua añu ñubi ꞌinanxumabi ꞌë xukë ꞌitsían, usakinmi ꞌati ꞌikëbi ka ꞌën xuta Abraham aín Dios ꞌimainun, ꞌën papa Isaacnën a rabikë Dios axribi ꞌëbë ꞌixun mi ñu mëëxuni tëmërai masánuitutia iskin ꞌë ꞌakianxa, usa ꞌixun ka mi ënë imë́ namámikin ax ꞌëbëribi ꞌixun ꞌë kaxa.

Génesis 32:10

ꞌëx kana upíma ꞌain minmi ꞌë bërúanan upíokin ꞌakinkë ꞌaínbi. ꞌËx kana Jordán kakë baka ënë, añu ñubi bëíma ꞌën tsatishi tuianx min kakëx sikákën, ꞌaínbi kana bërí ꞌaisamaira ñuina ꞌarakakëñu ꞌimainun an ꞌë ñu mëëxunkë uniñu ꞌain, akamax ka rabë́ ëmanu ꞌikë unisa ꞌikën.

Génesis 32:14

doscientas cabra, veinte chibu, doscientas ovejakama, veinte carnero,

Génesis 32:5

usa ꞌaish kana vaca, asno, ovejakama ꞌimainun, an ñu mëëxunkë uni ꞌimainun xanu an ñu ꞌaxunkë kamañu ꞌain. Ësokin kana mi kamin mixmi ꞌën xukë́n ꞌIbu ꞌikë, kupin min karamina ꞌë upíokin kuania biti ꞌai kixun mi kamin.”

Génesis 33:11

ꞌËn kana mi ꞌinaishiti ñukama bëkë ënëmi binun mi kain Nukën ꞌIbu Diosan ka ꞌitsaira ñuñuira ꞌinun ꞌë ꞌimiaxa, usa ꞌain kana ñuñumama ꞌain. Ësakian Jacobnën ꞌuran kakëxun ka Esaúnën an ꞌinánkë ñuinakama biakëxa.

Génesis 36:7

usai a rabëtax anu ꞌikëbëbi ka aín ñuina ꞌitsaira ꞌain anu rabëtax ꞌisama ꞌianan, anuxun ñuinakaman piti pasto sënë́nma me ꞌiakëxa.

Lucas 12:45

Usa ꞌaínbi ca a unix ꞌatima sinánñu ꞌixun, an ꞌë ñu mëëmicë uni ca panatia quixun sinánquin abëtan ñu mëëcë uni raíri mëëanan xëai paë́nti ꞌicën.