Génesis 30:24 - Kashibo-Kakataibo Biblia

²⁴ ꞌË sapi ka bëtsi bëbu tuá Nukën ꞌIbu Diosan tuakasmai rabinkë a ꞌë mënioxuanxa. A tuá ka José kakin anëakëxa.

Nukën 'Ibu Diosan ain unikama 'inan ain bana

²⁴ 'Ë sapi ka bëtsi bëbu tuá Nukën 'Ibu Diosan tuakasmai rabinkë a 'ë mënioxuanxa. A tuá ka José kakin anëakëxa.

Génesis 30:24 ပူးပေါင်းရင်းမြစ်များ

Génesis 30:25

Usa ꞌain ka nëtë itsi ꞌikëbëtan Raquel aín tuá José bakënkë ꞌain, Jacobnën aín kuku Labán kakëxa: —ꞌËn menubi kuantëkëntanun kaina ꞌë xutima ꞌain.

Génesis 35:24

ꞌImainun ka Raquelmia bëchikë ꞌiakëxa José ꞌimainun Benjamín.

Génesis 37:2

Ënëx ka usaía Jacobnën ꞌaintsikama ꞌia ñuikë bana ꞌikën. Usa ꞌain ka José ax bëná ꞌaish diecisiete baritiañu ꞌixun, ꞌain papan ꞌarakakë ovejakama ain xukë́antu, Bilhá ꞌimainun Zilpá an ñu ꞌaxunkë xanumia aín papan bëchia akamabëtan bërúankëxa. Usa ꞌain ka Josénën ami nishkian aín xukë́nkama ꞌatima okëxun ꞌunáni aín papami manankëxa.

Génesis 37:4

Aín papan atu ꞌakësamaira okin kuëënia ꞌunani ka aín xukë́n apankamax Josémi xuamati nishi nutsi a istisama tani abëbi banatisama tankëxa.

Génesis 42:6

Usaia ꞌimainun ka José ax Egipto menu ꞌapu ꞌain, unikama trigo maruti anëkë ꞌiakëxa. Usa ꞌixun ka axa trigo marui bëtsi menuax kuankë unikama anu kuania trigo maruakëxa. Marukëbëbi ka aín xukë́n kamaxribi ami bëbai nirakëti aín bëmánanën me tikai rantinpuruni tsóbuakëxa.

Ezequiel 37:16

I tukakë aín paná bixun kamina anu kuënëoti ꞌain: Judá ꞌimainun abëa ꞌikë Israel unikamaꞌ. Usakin ꞌatankëxun kamina bëtsi i tukakë aín panáribi bitankëxun anu kuënëoti ꞌain: José a Efraínsa ꞌinun ꞌanan kamina, Israel unikama raíri aribi anu kuënëoti ꞌain.

Apocalipsis 7:8

ꞌImainun ca doce milribi Zabulonën rëbúnqui ꞌicën. ꞌImainun ca doce milribi Josénën rëbúnqui ꞌicën. ꞌImainun ca doce milribi Benjaminën rëbúnqui ꞌicën. Usai ca ꞌën cuanun quiaxa.