Génesis 3:8 - Kashibo-Kakataibo Biblia

⁸ Usakë a xupibukëbëtan ka bëbu ꞌimainun xanun Nukën ꞌIbu Dios bari kuainakëkëbëa suñu bëkikëbë nitsia kuakëxa, kuati ka uni aín xanubë abákiani kuanx naësanu ꞌikë ikama tanain unëakëxa.

Nukën 'Ibu Diosan ain unikama 'inan ain bana

⁸ Usakë a xupibukëbëtan ka bëbu 'imainun xanun Nukën 'Ibu Dios bari kuainakëkëbëa suñu bëkikëbë nitsia kuakëxa, kuati ka uni aín xanubë abákiani kuanx naësanu 'ikë ikama tanain unëakëxa.

Génesis 3:8 ပူးပေါင်းရင်းမြစ်များ

Génesis 18:33

Ësai pain Abrahambë banatankëx ka Nukën ꞌIbu, anuax kuankëxa; ax kuankëbë ka Abraham axribi aín ꞌiti chupa këxtú ꞌakë anu utëkëankëxa.

Génesis 3:10

Kakëxun ka unin kakëxa: —Mi kana naësa nëbëtsi nitsia kuan, usa ꞌaish kana chupañuma ꞌaish rakuë́ti unëa.

Job 31:33

Uinsaranbi kana ꞌën ꞌakë ñukama bëtsi unikaman ꞌakësokin unëama ꞌain, ꞌimainun kana ꞌën ñu unëxun ꞌakëmasa ꞌinuxun ꞌama ꞌain

Job 38:1

Usa ꞌain ka ax kikë banakama ñuikin suñúan chaiira ꞌikuatsini bëkikë anuxun Diosan Job kakëxa:

Proverbios 15:3

Nukën ꞌIbu Diosan ka uinu kara ꞌikëbi, uni an upíokin sinánkë akama ꞌimainun an ꞌatima ñu ꞌakë akamanbi isia.

Jeremías 23:24

¿Uix kara ꞌën istimaisakiax unëti ꞌik? ꞌËx kana naíkamë ꞌëonu ꞌianan kamabi menuribi ꞌain. ꞌËx min ꞌIbu ꞌaish kana ësai kin kiax ka Dios kiakëxa.

Jonás 1:3

Ësokin kakëxbi ka Jonás Diosan kakësabiokin ꞌaíma, uisaxira kara abáti ꞌikë kixun pain sinántankëx, anuaxa manë nunti Jope kakë ëmanu kuani chikiti anu kuankinbi ka, achúshi manë nunti ꞌuraira menu ꞌikë ëma Tarsisnu kuanti ꞌuramashi ꞌikë mërakëxa; mëraxun ka anun kuanuxun kupíokëxa, kupíotankëx ka anun kuani ꞌiruakëxa.

Romanos 2:15

Usoquin upí ñu ꞌaia isquin ca uni itsin ꞌunánti ꞌicën, a unicaman ca asérabi aín nuitu mëu ꞌunania, uisa ñu ꞌati cara asábi ꞌicë ꞌunánan uisa ñu ꞌati cara ꞌaisama ꞌicë quixun. Anúan Nucën Papa Diosan camabi uni isti nëtën ca a unicaman aín nuitu mëúbi ꞌunánti ꞌicën, Nucën Papa Diosan cara ꞌë upí isti ꞌicë, cara ꞌë upíma isti ꞌicë quixun. A nëtën ca Nucën Papa Diosan camabi uni uisa ñu cara ꞌaxa quixun ꞌunánan uisa ñu cara unë́xun aín nuitu mëúbi sinánxa, a camabi ꞌunánquin, uisa cara oti ꞌicë usoquin ꞌanun Jesucristo ꞌamiti ꞌicën, ꞌën unicama ñuixuncësabi oquin.

Deuteronomio 4:33

¿Anu kara bëtsi menu ꞌikë ëma an mitsun kuakësa okin, Diosan tsi rëkirukësa nëbë́tsinuxun kakëxun kuatíbi nux ꞌikësai bamakëma ꞌiti ꞌik?

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.

Apocalipsis 6:15

Usai ꞌicëbë ca axa Nucën Papa Diosmi sináncëma unicama, ꞌapucama ꞌimainun uni cushibubë ñuñu unicama, ꞌimainun capitáncama, ꞌimainun uni chacama, ꞌimainun an uni itsi ñu mëëxuncë unicama, ꞌimainun an uni itsi ñu mëëxuncëma unicama, a camáxbi racuëti matá me shimú ꞌicë quinicamanu ꞌianan aín bashinu ꞌicë xaxu chacama nëbë́tsi unë́axa.