Génesis 3:17 - Kashibo-Kakataibo Biblia

¹⁷ Ësakin xanu katankëxun ka bëburibi kakëxa: —Min kamina min xanun kakëxun kuan. Usa ꞌixun kamina a pixunma ꞌanun ꞌën mi kakë i bimi a pian, ënë pixunma ka ꞌat ꞌën kakëxunbi, usa ꞌain ka bërí me ꞌaisama min ꞌucha kupí ꞌiti ꞌikën; usa ꞌain kamina ꞌitsaira ñu mëëkin menu ñu ꞌapáxun anun mix bamati nëtë ꞌitámainun pinuxun ꞌain.

Nukën 'Ibu Diosan ain unikama 'inan ain bana

¹⁷ Ësakin xanu katankëxun ka bëburibi kakëxa: —Min kamina min xanun kakëxun kuan. Usa 'ixun kamina a pixunma 'anun 'ën mi kakë i bimi a pian, ënë pixunma ka 'at 'ën kakëxunbi, usa 'ain ka bërí me 'aisama min 'ucha kupí 'iti 'ikën; usa 'ain kamina 'itsaira ñu mëëkin menu ñu 'apáxun anun mix bamati nëtë 'itámainun pinuxun 'ain.

Génesis 3:17 ပူးပေါင်းရင်းမြစ်များ

Génesis 3:11

Kakëxun ka Nukën ꞌIbu Diosan ñukákëxa: —¿Uin kara chupañuma kamina aín kixun mi kax? ¿Karamina a pixunma ꞌanun ꞌën mi kakë i bimi a pikëma ꞌain?

Génesis 3:18

ꞌIanan ka menu ñu muxañu tubënrui ꞌirunuxun ꞌaia, ꞌimainun kamina barixun ninu ꞌikë ñukamabi piti ꞌain.

Génesis 3:6

Usakin kakëxun ka xanun a bimi kuisa, upíira upí ꞌikë isakëxa, a piax sinánñuira ꞌisa iskin ka anun kuëënkin xanun i bimi biakëxa. I bimi bixun kukin, ka aín bënëribi ꞌinánkëxa. ꞌInánkëxun ka anribi piakëxa.

Génesis 5:29

a ka Noé kakin anëakëxa, ësai kikin: Nukën ꞌIbun ka me ꞌaisama oxa, usa ꞌain kananuna ꞌitsaira ñu mëi tëmëranuxun ꞌain; usa ꞌaínbi ka ënë tuákën nu tantiminuxun ꞌaia.

Génesis 8:21

Usokian ꞌaia ka Nukën ꞌIbu aín sanu upíira ꞌikë anu nukutia xëakëxa, xëti ka kiakëxa: Uinsaranbi kana amiribishi menu ꞌikë ñukama unin ꞌucha kupín këñunuxuma ꞌain, unin ka xura ꞌixuinshi ꞌatima ñu ꞌatishi sinania. ꞌImainun kana amiribishi ñuinakama ꞌaisamokin ꞌën bërí ꞌakësokin këñutëkëntima ꞌain.

Job 14:1

Kamabi uni aín tita bakënkë ax ka ꞌitsama baritia ꞌimi tsotia, usai ꞌi ka bëtsi bëtsi ñu inuti ꞌitsaira tëmëraia.

Salmos 127:2

Pëkarakëma ꞌainshi ꞌapunkin bari kuantamainun ñu mëëkë ax ka ñankabi ꞌakë ꞌikën ꞌimainun tëmërakin ñu bixun pikë ax ka ꞌaisama ꞌikën, usaia ꞌimainun ka Diosan an ꞌunánkë unikama upiokin sinánxunia.

Mateo 22:12

Usa ꞌicë isquin ca ꞌapun a uni caxa: ¿Uisa ꞌaish caramina mix ënu atsínuxun pañuti chupa pañuaxmabi ënu atsían? Cacëxbi ca a uni banaima tsóaxa.

Mateo 25:45

Cacëxun cana ꞌëx ꞌApuira ꞌixun acama cati ꞌain: ꞌËn cana asérabi mitsu cain, ꞌën unicama achúshi, uni raíribë sënë́nmara ꞌicëbi, ꞌaquinquinma camina mitsun ꞌëribi ꞌaquincëma ꞌain.

Lucas 19:22

Cacëxun ca aín ꞌapun caxa: Mix camina ꞌaisama ꞌain. Min bana cuaquin cana uisa uni caramina mix ꞌai quixun ꞌunanin. ꞌËx unimi nishcësa ꞌixun uni itsin ñu ꞌapámitancëxun a bimi ꞌënáinshi ꞌinun ꞌën unicama bimicë isna ꞌai quixun camina ꞌë ꞌunan.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Romanos 3:19

Usa banacama ca judíos unibunën cuanun Nucën Papa Diosan aín unicama cuënëomiacëxa quixun cananuna ꞌunanin. Aín bana ꞌináncëma pain ꞌixun ca Nucën Papa Diosan judíos unicama ainan ꞌinun ꞌimiacëxa. Ainan ꞌimitancëxun ca uisaira cara ainan ꞌaish uni upí ꞌiti ꞌicë quixuan ꞌunánun aín bana judíos unicama ꞌináncëxa. A bana isquin ca judíos unicamainshima camabi unin ꞌunánti ꞌicën, uisairai ꞌi cara Nucën Papa Diosan iscëx atun nuitu upíma ꞌicë quixun.

Hebreos 6:8

Usa ꞌaínbi ca bëtsi me camabi ñu ꞌatima, muxa, chucu, acama anu coi canicëbë anu upí ñu ꞌiruima. Usa ꞌaish ca Nucën Papa Diosan iscëx a me ꞌaisama ꞌicën. Usa ꞌicë ca aín ꞌibun axa corucë ñucama nëënia.