Génesis 29:32 - Kashibo-Kakataibo Biblia

³² Usai ax ꞌimainun ka Lían tutankëxun achúshi tuá ꞌakëxa, a tuá bakëntankëxun ka Rubén kakin anëakëxa, anëtankëx ka kiakëxa: “Nukën ꞌIbun ka ꞌëx tëmërai nitsia isaxa. Ësokin sinánkin ka aín tuá Rubén kakin anëakëxa, usa ꞌain ka bërí ꞌën bënën ꞌë kuëënkin nuibati ꞌikë kixun sinánkëxa.”

Nukën 'Ibu Diosan ain unikama 'inan ain bana

³² Usai ax 'imainun ka Lían tutankëxun achúshi tuá 'akëxa, a tuá bakëntankëxun ka Rubén kakin anëakëxa, anëtankëx ka kiakëxa: “Nukën 'Ibun ka 'ëx tëmërai nitsia isaxa. Ësokin sinánkin ka aín tuá Rubén kakin anëakëxa, usa 'ain ka bërí 'ën bënën 'ë kuëënkin nuibati 'ikë kixun sinánkëxa.”

Génesis 29:32 ပူးပေါင်းရင်းမြစ်များ

Génesis 16:11

A mi tuukë ënëx ka achúshi bëbu tuá ꞌikën, usa ꞌain kamina bakëntankëxun Ismael kakin anëti ꞌain, Nukën ꞌIbun ka mix tëmërai uin kara ꞌë ꞌakinti ꞌikë kiax nuibakati nitsia isaxa.

Génesis 29:31

Usa ꞌaínbi ka Nukën ꞌIbun isakëxa Jacobnën Lía kuëëniama, usa ꞌain ka tuapanun ꞌimianan, Raquelnëx tuáñuma ꞌinun ꞌimiakëxa.

Génesis 31:42

ꞌËn kana ꞌunan min kamina min xubunua añu ñubi ꞌinanxumabi ꞌë xukë ꞌitsían, usakinmi ꞌati ꞌikëbi ka ꞌën xuta Abraham aín Dios ꞌimainun, ꞌën papa Isaacnën a rabikë Dios axribi ꞌëbë ꞌixun mi ñu mëëxuni tëmërai masánuitutia iskin ꞌë ꞌakianxa, usa ꞌixun ka mi ënë imë́ namámikin ax ꞌëbëribi ꞌixun ꞌë kaxa.

Génesis 35:22

Usai kuantankëx ka anu ꞌitsa baritia Israel tsóakëxa, usai anu tsókëbëbi ka achúshi nëtën Rubén anuax abë ꞌinuxun xanu bari kuankëxa kuanxunbi ka Bilhá mërax abë ꞌiakëxa, ax ka aín papa an ñu ꞌaxunkë xanu ꞌikëbi aín xanu ꞌiti raiokin bia ꞌiakëxa. Usai ꞌikë kuatankëx ka aín papa ꞌitsaira nishakëxa. Jacobnën bëchikëkama ka ꞌiakëxa mapai rabë́ ꞌimainun rabë́.

Génesis 35:23

Jacobnën Líami bëchikëkama aín anë ka ꞌiakëxa Rubén ax ka apan ꞌiakëxa, Simeón, Leví, Judá, Isacar ꞌimainun Zabulón.

Génesis 37:29

Usa ꞌain ka Rubén ax aín xukë́n José chikínti sinanx ꞌuxunbi kini ꞌukëmëuküa ꞌaíma okëxa, ꞌaíma oika ratuti sinánkasmai nitë́xëti bëríkarana uisai ꞌiti ꞌai kixun sinani aín chupa tukai masá nuituakëxa.

Génesis 42:22

ꞌImainun ka Rubénën kakëxa: —Usa ꞌain kana ꞌën mitsu kakën nun xukë́n ꞌanáka kananuna ꞌatima otima ꞌain; kakëxunbi kamina mitsun kuakanma ꞌain, usa ꞌain sapika nukamaribi ax ñua kupí usakin nu ꞌaia.

Génesis 42:27

Usai anuax kuanbaiti ka ñantánbukëbë anua imë́ uxti anu nirakëakëxa, nirakëxun ka atu achúshinën pain aín pisha asno piminuxun trigo binuxun aín pisha rëchurukinbi ka, aín kuríki pishanu bërakankin ꞌarukë mërakëxa.

2 Samuel 16:12

Usa ꞌain ka Diosan tëmërakin ꞌatimokin sinania okin ꞌë upíokin sinánxunti ꞌikën, usa ꞌaínbi kana bërí ꞌatimokin ñuikin ꞌë ꞌichákëxun kuatin.

Éxodo 3:7

ꞌaínbi ka Nukën ꞌIbun: —Asérabi kana ꞌën unikama Egipto menuax tëmëraia isan. ꞌËn kana an bërúanxun ñu mëëmikë unikama ꞌucha kupían tëmëraia kuan, ꞌimainun kana asérabi ꞌën upíokin uisai kara atux tëmëraia kixun ꞌunan.

Éxodo 4:31

ꞌAia iskin ka Israel unikaman asérabi ka kixun sinánkëxa. Sinánkin ka Nukën ꞌIbun ka nux ꞌaisamairai tëmëraia isaxa kixun sinánkankëxa, sinani ka aín bëmánanën memi bëtiki tsóbukin Dios rabikankëxa.

Lucas 1:25

Nucën ꞌIbu Diosan ca ꞌë sinánxunquin unicaman ꞌë ꞌatimaquin ñuitëcënxunma ꞌanun ꞌëx tuáñu ꞌinun mëníoxa quixun.

Deuteronomio 26:7

Usa ꞌain kananuna nun chaitiokë kaman Dios a ñukákën, ñukákëxun ka nun bana kuakin egipcio unikaman ꞌaisamaira okin ñu mëëmikëx tëmërai ñutisari ꞌia an nu isakëxa;

1 Samuel 1:11

banakin ka ësokin kakëxa: Min asérabi ꞌëx tëmëraia ꞌunánkin kamina an mi ñu ꞌaxunkë xanu ꞌikë ꞌëmi sinanakin, achúshi tuá ꞌë ꞌinánti ꞌain, ꞌinánkëxun kana kanikia an mi ñu ꞌaxúnun ꞌunánmiti ꞌain, ꞌimainun kana ꞌunántiokin aín bu tëatima ꞌain.

1 Samuel 1:20

Usokëx ka Ana tutankëx anun bakënti nëtë ꞌikëbë bëbu tuá achúshi bakëankëxa, bakënxun ka Samuel kakin Nukën ꞌIbun ꞌinánkë kupín anëakëxa.