Génesis 29:24 - Kashibo-Kakataibo Biblia

²⁴ Usakin ꞌinántankëxun ka Labánën an ñu ꞌaxúnti xanu achúshi Zilpá kakë a kakëxa, kamina min ꞌën bëchikë ñu mëëxuni abë ꞌiti ꞌain.

Nukën 'Ibu Diosan ain unikama 'inan ain bana

²⁴ Usakin 'inántankëxun ka Labánën an ñu 'axúnti xanu achúshi Zilpá kakë a kakëxa, kamina min 'ën bëchikë ñu mëëxuni abë 'iti 'ain.

Génesis 29:24 ပူးပေါင်းရင်းမြစ်များ

Génesis 16:1

Sarai an ka aín bënë Abram tuaxunkëma pain ꞌiakëxa, usa ꞌaínbi ka achúshi xanu Agar kakë egipcia an ñu ꞌaxúnti bëkë ꞌiakëxa.

Génesis 24:59

Kixuan kakëxun ka an bërúankin nikinkë xanu këñun, Rebeca kuantanun kixun Abrahamnën ñu mëëmikë unikama këñun xuakëxa.

Génesis 29:23

ꞌAínbi ka Labánën a imë́ birakamibiankin aín bëchikë Lía bibiankin Jacobnu buánkëxa, usokin ubanxun ka a imë́ Jacob abëa ꞌuxnun ꞌinánkëxa.

Génesis 29:25

Usai abë ꞌinëti pëkarakin Jacobnën iskëxbi ka Líabëa uxnë́kë ꞌiakëxa, usa ꞌain ka kuantankëxun Labán kakëxa: —¿Uisati kaina ꞌë ësokin ꞌan? ¿ꞌËn karana Raquel kupín mi ñu mëëxunkëma ꞌain? uisati, ¿kaina ꞌë parán?

Génesis 35:26

ꞌImainun ka an aín xanu Lía ñu ꞌaxunkë Zilpá amiribi bëchikë ax ka Gad ꞌimainun Aser kakë ꞌiakëxa; ënë kamax ka Jacobnën Padán-aram anuxun bëchikëx anuax bakë́an kama ꞌiakëxa.

Génesis 46:18

Ënë kamax ka Jacobnën Zilpámi bakë bëchiakama ꞌiakëxa. A xanux ka an ñu mëmikë xanu ꞌikëa Labánën aín bëchikë xanu Lía a ñu ꞌaxúnun kixun ꞌinánkë ꞌiakëxa, usa ꞌain ka kamabi aín rëbúnkikamax bëbu ꞌimainun xanu tupúnkëx dieciséis uni ꞌiakëxa.