Génesis 29:21 - Kashibo-Kakataibo Biblia

²¹ Usakin ñu mëëkëbë mapai achúshi ꞌimainun rabë́ baritia inukëbëtan ka Jacobnën aín kuku Labán kakëxa: —ꞌË kamina min bëchikë ꞌën xanu ꞌinun binun ꞌinánti ꞌain, ati baritia a kupí ꞌën mi ñu mëëxunti kakë aka inúaxa usa ꞌain kamina min bëchikë ꞌën xanu ꞌiti ꞌë ꞌinánti ꞌain.

Nukën 'Ibu Diosan ain unikama 'inan ain bana

²¹ Usakin ñu mëëkëbë mapai achúshi 'imainun rabë́ baritia inukëbëtan ka Jacobnën aín kuku Labán kakëxa: —'Ë kamina min bëchikë 'ën xanu 'inun binun 'inánti 'ain, ati baritia a kupí 'ën mi ñu mëëxunti kakë aka inúaxa usa 'ain kamina min bëchikë 'ën xanu 'iti 'ë 'inánti 'ain.

Génesis 29:21 ပူးပေါင်းရင်းမြစ်များ

Génesis 29:18

Usa ꞌikë ka Jacobnën Raquel a ꞌitsaira kuëëankëxa, kuëënkin ka aín papan ñukákëxun kakëxa: —Min bëchikë ꞌanáka Raquel a kupín, kana mapai ꞌimainun rabë́ baritia ꞌimikin mi ñu mëëxunti ꞌain.

Génesis 29:20

Usokin mëníotankëx ka Jacob Raquel bisatani mapai achúshi ꞌimainun rabë́ baritia ñu mëakëxa, usakin an ñu mëëkin tankëxbi a baritiakama ainan ꞌitsamarasa ꞌiakëxa, an Raquel ꞌitsaira kuëënkin tankëx.

Génesis 29:22

Usokin mëníotankëxun ka Labánën kamabi abëa ꞌikë unikama katankëxun, aín bëchikë birakamikin achúshi fiesta ꞌakëxa.

Génesis 31:41

ꞌËx kana veinte baritia min xubunu ꞌiakën, ësai kana ꞌëx ꞌiakën: min bëchikë xanu rabë́ bixun kana catorce baritia mi ñu mëëxuankën; ꞌimainun kana min ñuinakama bërúankin mapai achúshi ꞌimainun achúshi baritia ñu mëakën; ꞌaínbi kamina usakin ꞌë kupíokatsi kixun ꞌë kupíoma ꞌain.

Génesis 38:16

Usai ꞌikë ukinbi mërai ka Judá anúan ukë bai a ëni amo nirakëti abë banakëxa, banakinbi ka ꞌunánma ꞌikën ax ka aín bëchikënën kasunankë xanu aín piaka a ꞌikë kixun ꞌunánima abë banakin ka kakëxa: —¿ꞌËbë kaina ꞌitima ꞌain? Kixuan kakëxun ka xanunribi ñukákin kakëxa: —¿Añu ñu kaina ꞌëbë ꞌinuxun min ꞌë ꞌinánti ꞌain? Ësokin ka xanunribi kakëxa.

Génesis 4:1

Usa ꞌain ka uni aín xanubë ꞌiakëxa. ꞌItankëx ka xanux tutankëx aín rëkuën tuá Caín bakë́ankëxa, bakë́anx ka kiakëxa: Bërí kana bëbu tuá achúshiñu ꞌain. Nukën ꞌIbunbi ka ꞌë ꞌinánxa.

Mateo 1:18

Ënë menua Jesucristo uti ca ësai ꞌiacëxa: María ax ca Josénën binuxun ꞌunánti ocë xanu ꞌiacëxa. Josébë biranancëma pan ꞌaish ca Nucën Papa Diosan Bëru Ñunshin Upitan sinanënshi ꞌimicëx tuñu ꞌiacëxa.

Jueces 15:1

Usakin ꞌakë ꞌitsama ꞌuxë ꞌikëbëa anun trigo bimi biti ꞌuxë ꞌain ka Sansón aín xanu iskatsi kixun sinánbiani cabra tuá achúshi bibiankin buani kuankëxa, kuanx nukúkin ka ain kuku kakëxa: —ꞌËn xanu isi kana uan usa ꞌain kana a istisa tanin. Kakëxunbi ka ain kukun aín xubunu atsímisama tankëxa,