Génesis 29:20 - Kashibo-Kakataibo Biblia

²⁰ Usokin mëníotankëx ka Jacob Raquel bisatani mapai achúshi ꞌimainun rabë́ baritia ñu mëakëxa, usakin an ñu mëëkin tankëxbi a baritiakama ainan ꞌitsamarasa ꞌiakëxa, an Raquel ꞌitsaira kuëënkin tankëx.

Nukën 'Ibu Diosan ain unikama 'inan ain bana

²⁰ Usokin mëníotankëx ka Jacob Raquel bisatani mapai achúshi 'imainun rabë́ baritia ñu mëakëxa, usakin an ñu mëëkin tankëxbi a baritiakama ainan 'itsamarasa 'iakëxa, an Raquel 'itsaira kuëënkin tankëx.

Génesis 29:20 ပူးပေါင်းရင်းမြစ်များ

Génesis 24:67

Usokin unikaman ñuia kuatankëxun ka Isaacnën Rebeca bibiankin aín xubusa okían chupa këxtú ꞌakë anua aín tita Sara ꞌikë anu buánkëxa, anu buánxun ka biakëxa, usakin bitankëxun ka Isaacnën Rebeca ꞌitsaira kuëëankëxa, usakin aín xanu Rebeca ꞌitsaira kuëëni ka aín tita ñukë sinania masá nuitukë a sinántëkënima manúakëxa.

Génesis 29:19

Usai kia ka Labánën kakëxa: —ꞌËn kana ꞌën bëchikë mi ꞌinánti ꞌain. ꞌAínbi kana bëtsi uni ꞌunánkëma ꞌinántima ꞌain. Usa ꞌain kamina ꞌëbë ꞌi bërúti ꞌain.

Génesis 29:27

Usa ꞌain kamina anun mi Lía bikë nëtë mapai achúshi ꞌimainun rabë́ nëtë sënë́ntamainun abi ꞌikinti ꞌain, usa ꞌain kana mapai achúshi ꞌimainun rabë́ baritia ꞌimikin kana mibëtan ñu mëëti ꞌain kia kana Raquelribi mi ꞌinánti ꞌain.

Génesis 29:30

Usa ꞌain ka Jacob aín xanu Raquelbë ꞌiakëxa, ꞌimainun ka ꞌitsaira kuëëankëxa aín xukë́n Lía ꞌakësamaira okin, usa ꞌain ka Labán ꞌain kuku mapai ꞌimainun rabë́ baritia pain ñu mëëxuni anu pain ꞌiakëxa.

Génesis 30:26

Usa ꞌain kamina ꞌën bëchikë ꞌimainun ꞌën xanu rabë́ ꞌë ꞌinánti ꞌain, kana a kupín ꞌitsaira mi ñu mëëkian, usa ꞌain kamina buántanun ꞌë xuxunti ꞌain. Min kamina ꞌunan uisakin karana ꞌën mi ñu mëëxuan kixun.

Génesis 31:15

Usa ꞌixun ka bëtsi xanu ꞌunánkëma ꞌakësokin nu ꞌakëxa. ¡ꞌImainun ka nu mi ꞌinánuxun a kupioimi tënun mi ꞌimiakëxa!

Génesis 34:19

Kabiani ꞌitsaira basima kuantankëx ka Siquem ax irapain ꞌunánti orakakin aín nëtokëñu aín maxaka tëakëxa, an ka ꞌitsaira Jacobnën bëchikë Dina kuëëankëxa. Usa ꞌaish ka Siquem ax aín papan aintsikaman uisakinbi kakëma uni ꞌiakëxa,

1 Corintios 13:7

An uni nuibacë unin ca amia nishcëxunbi uni, axribi ami nishquinma —sapi ca sinanati ꞌicë —quixun cainia. Axa upíma ꞌaínbi ca ami nishíma usabi abë upí ꞌia.

2 Corintios 5:14

Cristonën ca camabi uni ꞌitsaira nuibatia quixun ꞌunánquin cananuna a sinánquin —usa ca —quixun atu cain. Cananuna ꞌunanin, ax achúshi ꞌaíshbi ca Nucën Papa Dios cuëëncësabi oi camabi unin ꞌucha cupí bamacëxa. Usaía Cristo ꞌiá ꞌain, cananuna tëmëraíbi nux cuëëncësabi oi ꞌima, ax cuëëncësabi oi ꞌiti ꞌain.

Efesios 5:2

Nucën Papa Dios cuëëncësabi oquin judíos unin aín ꞌucha cupí rëcë́xa carnero ꞌiásaribiti ca bamatsianxmabi Cristo nu nuibati nun ꞌucha cupí bamacëxa, ami catamëtíshinu ië́nun. Cristonëan nu usoquin nuibacë ꞌain camina mitsúxribi usaribiti bëtsibë bëtsibë nuibananti ꞌain.

1 Samuel 18:23

Kakëx anu rikianxun ka Saúlnën kakë bana an ñu mëëxunkë unikaman kakëxa, ꞌaínbi ka Davidtan kakëxa: —¿Mitsun sinánkëx kara ꞌapun piaka ꞌiti ax tëmara ꞌianan uni ñuñumara ꞌianan, unin kushibëtan sënë́nmara ꞌësa unix ꞌiti ꞌik?