Génesis 29:1 - Kashibo-Kakataibo Biblia

¹ Usa ꞌain ka Jacob Betel kakë me anuax kuani amiaxa bari urukë me ami kikiani kuankëxa.

Nukën 'Ibu Diosan ain unikama 'inan ain bana

¹ Usa 'ain ka Jacob Betel kakë me anuax kuani amiaxa bari urukë me ami kikiani kuankëxa.

Génesis 29:1 ပူးပေါင်းရင်းမြစ်များ

Génesis 24:10

Usokian Abrahamnën kakëxun ka an ñu mëëxunkë unin, ñu upíbu kaiskin buánti an ñumëmikë unían nankë barikin biakëxa, xanu aín aintsikama ꞌináni kuanti akama bianan ka mëkën rabë́ camelloribi a ñu mëëxunkë uninan biakëxa, usakin ꞌinánkëxun bitankëx ka raíri unikama abë kuanti bibiani Nahor kakë ëma, Mesopotamia kakë menu ꞌikë anu kuankëxa.

Génesis 25:20

Isaacnën ka cuarenta baritiañu ꞌixun Rebeca aín xanu ꞌiti biakëxa, ax ka Betuelnën bëchikë Labánën chirabakë ꞌiakëxa, akamax ka Arameos unibu Padán-aram kakë me anu tsókë ꞌiakëxa.

Génesis 25:6

Usakin ꞌanan ka bëtsi xanumia ꞌakë, aín bëchikëkama Abrahamnën aín ñu ꞌitsamashi ꞌinánkëxa, usokin ꞌinántankëxun ka ñukëmapain ꞌixun aín bëchikë raíri amanu kuantanun kixun xuakëxa, xuanan ka Isaac axëshia anua ꞌikë me anu ꞌinun kixun kakëxa.

Génesis 35:1

Nukën ꞌIbu Diosan ka Jacob kakëxa: “Ënuax kuantankëx kamina Betel kakë me anu tsóti kuanti ꞌain. Anuxun kamina min xukë́n Esaúmi rakuë́ti abákëbëa mimi mërá Dios a achúshi maxá maburukin anuxun ñuina xaroti ꞌaxuni kuanti ꞌain.”

Génesis 35:7

Anu bëbatankëxun ka maxá bukurukin, ꞌatankëxun a me El-Betel kakin anëakëxa (Betel kikë ax ka Diosan xubu ki kikë ꞌikën) ax ka anuaxa aín xukënan ꞌakatsikiax ami sinánkëbë abákëbëa anuax Jacobmi Nukën ꞌIbu Dios mërá a me ꞌiakëxa.

Eclesiastés 9:7

¡ꞌËn kana mitsu kuëënmikin kain! Usa ꞌain kananuna xëanan pianan kuëënti ꞌain, usakin ꞌaia ka Diosan nun ꞌakë ñukama ꞌupi isia.

Números 23:7

Mërai ka ësai Balaam kiakëxa: “Amiaxa bari urukë matá me Aram kakë anuabi ka Balac Moabnu ꞌikë ꞌapu an unun kixun ꞌë kamiaxa Kamikëx kana uan, israel unikama kamina ꞌë uisai kara ꞌisa tania usaía ꞌitánun ꞌë ꞌatimakin sinánxunti ꞌain, usa min okëx ka Jacobnën rëbúnkikama ꞌatimokë ꞌiti ꞌikën, —kixun ka ꞌë kaxa.

Jueces 6:3

Israel unibunën ñu ꞌapákë tibi uxun ka madianita unikama ꞌianan amalecita ꞌimainun amiaxa bari urukë amiax uxun bëtsi unikamanribi atun ñu ꞌapákë binuxun abámiakëxa.

Jueces 6:33

Usakian ꞌan ka madianita unikama ꞌimainun amalecita unikama ꞌianan amiaxa bari urukëmiaxa ukë unikama, timëtankëx Jordán kakë baka sikarakëkianx Jezreel kakë me sapan anu ꞌikankëxa.

Jueces 7:12

Usai ꞌimainun ka, madianita unikama ꞌimainun amalecita unikama ꞌianan amiaxa bari urukëmiaxa ukë unikama atux me tsitsibiani champu ꞌitsa iskësaira kiani kuankëxa. ꞌImainun ka atun camellokamax ꞌaisamaira ꞌaish parúmpapa kuëbínua masi bëru iskësaira ꞌiakëxa.

Jueces 8:10

Usaia ꞌimainun ka Zébah ꞌimainun Salmuná Carcol kakë ëmanu mapai rabë́ ꞌimainun mapai achúshi mil aín suntárukamabë ꞌiakëxa, akamax ka amiaxa bari urukë amiaxa kuankë suntárukamaishi ꞌiakëxa. Atux bërúmainun ka ciento veinte mil suntárukama ꞌakanani këñukë ꞌiakëxa.