Génesis 28:21 - Kashibo-Kakataibo Biblia

²¹ usa ꞌain ka ꞌëx ꞌën papan xubunu uisaibi ꞌikëma kuankëbë ax ꞌën ꞌIbu Dios ꞌiti ꞌikën.

Nukën 'Ibu Diosan ain unikama 'inan ain bana

²¹ usa 'ain ka 'ëx 'ën papan xubunu uisaibi 'ikëma kuankëbë ax 'ën 'Ibu Dios 'iti 'ikën.

Génesis 28:21 ပူးပေါင်းရင်းမြစ်များ

2 Samuel 15:8

An mi ñu mëëxunti ënëxa Guesur kakë ëma Siria me anu tsókë ꞌixun kana Diosan ꞌë amiribishi Jerusalénnu kuantëkënun ꞌimikëxun kana ñuina xarokin mi rabiti ꞌain kixun kakën.

2 Samuel 19:24

Usakin ꞌaxun ka Mefi-bóset kakë uni Saúlnën xuta aribi aia biakëxa. A nëtëan ꞌapu David Jerusalénnuax abati kuankë a nëtëkaman ka nitsibi uisaibi ꞌikëma asábi utëkëni, aín taë chukaima ꞌianan nashimabi ꞌiakëxa, usai ꞌianan ka aín kuëni kuëtërëkianan, ain chupabi chukaxun pañuima David ꞌikë ñu a sinanima ꞌiakëxa.

2 Samuel 19:30

Kakëxunbi ka Mefi-bósetnën kakëxa: —An ka ꞌën xuta Saúlnën me ꞌia a kamabi biti ꞌikën. ꞌAínbi ka ꞌën iskëx mixmi uisaibi ꞌima upí utëkëanx min ꞌapun xubunu amiribishi ꞌapu ꞌitëkëni ukë ax kuni asábi ꞌikën.

2 Reyes 5:17

Usakin kakëxunbi kuëëniama ka Naamánnën katëkëankëxa: —Min kamina ꞌën ꞌinaishikë ñu bisamatanin, usa ꞌain kana mi ñukatin ꞌë karamina caballo rabë́nu ꞌarutibëtan sënën Israel me ënua me chukúma ꞌë ꞌinántima ꞌain; an mi ñu mëëxunti uni ënën ka amiribishi ñuina ꞌaímai këñutanun bëtsi dioskama, xaroxuntëkënkima Dios ashi ñuina xaronxunti ꞌikën.

Éxodo 15:2

ꞌËx ami kantaia ka kuatia, an ka ꞌë kushionan ië́miaxa, ax ka Dios ꞌën a rabiti ꞌikën. Ax ka ꞌën papan Dios ꞌikën, usa ꞌikë kana asábi ka kakin rabiti ꞌain.

Deuteronomio 26:17

Mitsux kamina bërí Dios ax isa mitsun ꞌIbu ꞌikë kiax kian, kianan kamina ax kikësabi oi ꞌiti bana ꞌimainun a tanti bana kuënëo akamax kikësabiokin tanti ꞌai kian.