Génesis 28:20 - Kashibo-Kakataibo Biblia

²⁰ Anuax ka Jacob ësai kiakëxa: Nukën ꞌIbu Diosan ka ꞌë kuania bërúanan, ꞌën piti ñu ꞌinánan ꞌën pañuti chuparibi ꞌë ꞌinánti ꞌikën,

Nukën 'Ibu Diosan ain unikama 'inan ain bana

²⁰ Anuax ka Jacob ësai kiakëxa: Nukën 'Ibu Diosan ka 'ë kuania bërúanan, 'ën piti ñu 'inánan 'ën pañuti chuparibi 'ë 'inánti 'ikën,

Génesis 28:20 ပူးပေါင်းရင်းမြစ်များ

Génesis 28:15

ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

Génesis 31:13

ꞌËx kana min ꞌIbu Dios axa Betelnuax mimi mërá a ꞌain, anuxun kamina achúshi maxá ꞌënan ꞌinun upíokin nantankëxun xënisa ñu anun ꞌatankëxun ꞌëx isana min Dios ꞌiti ꞌai kixun ꞌë kakën. ¡Usa ꞌain kamina! Bërí kamina nirukiani ënuax kuanti ꞌain; amiribishi kamina anuaxmi bakë́an me anubi kuantëkënti ꞌain.

Génesis 35:3

Ësokin katankëxun ka kakëxa bëríbi kananuna Betel menu kuanti ꞌain, kuantankëxun kananuna achúshi maxá maburukin ꞌatankëxun anuxun Nukën ꞌIbu Dios rabiti ꞌati ꞌain, an ka ꞌë ꞌatimakin sinaniabi ꞌakiankëxa, ꞌimainun ka ꞌë ꞌakinia uinu karana kuani anuabi.

2 Samuel 15:8

An mi ñu mëëxunti ënëxa Guesur kakë ëma Siria me anu tsókë ꞌixun kana Diosan ꞌë amiribishi Jerusalénnu kuantëkënun ꞌimikëxun kana ñuina xarokin mi rabiti ꞌain kixun kakën.

Salmos 116:14

ꞌAnan kana ꞌën ꞌIbu usakin ꞌaxunkatsi kikë usakinbi, kamabi uni istánun ꞌaxunti ꞌain.

Salmos 116:18

ꞌAnan kana ꞌën Dios usakin ꞌaxunkatsi kikë usakinbi, kamabi unin istánun ꞌaxunkin,

Salmos 119:106

ꞌËn kana asérabi min bana kikësa okinbi ꞌaxunuxun mi kakën, usa ꞌain kana usakinbi mi ꞌaxunti ꞌain: ¡ꞌaxunkin kana mix kikësabi okinshi a tankin ꞌain!

Salmos 22:25

Min kaisa min unikama ꞌuakamë ꞌëokë atun kuamainunbi kana mi rabiti ꞌain; an mi rabikë unikaman ismainunbi kana ꞌëx kikësabiokin mi ꞌaxunti ꞌain.

Salmos 66:13

Usa ꞌain kana bërí anuxun mi rabiti xubunu atsínxun ꞌaímai këñutanun ñuina rëxun mi xaroxunti ꞌain; usakin kana ꞌën mi ꞌaxunuxun kakësabiokin mi ꞌaxunti ꞌain,

Juan 1:16

An ca aín sinan upíira ꞌixun ax ꞌicësaribitinu nun sinan upí ꞌinun nuibaquin ënquinma nu ꞌaquinia.

Hechos 18:18

Usocëx ꞌitsa nëtën pain Corintonu ꞌitancëx ca Pablo Siria menu cuanti sinani axa Jesucristomi catamëcë unicama —cana cuanin —cabiani, Priscila ꞌimainun Aquílabë manë nuntin cuancëxa. Cuanx Cencrea ëmanu bëbaxun ca Pablonën, —ꞌën Nucën Papa Dios cacësabi oi ꞌi cana sënëni —quixun sinánquin aín bu tëamiacëxa.

1 Timoteo 6:8

Usa ꞌain cananuna pitiñu ꞌianan chupañu ꞌaish cuëënquin ꞌaisamaira ñuñu ꞌiti sinántima ꞌain.

1 Samuel 1:11

banakin ka ësokin kakëxa: Min asérabi ꞌëx tëmëraia ꞌunánkin kamina an mi ñu ꞌaxunkë xanu ꞌikë ꞌëmi sinanakin, achúshi tuá ꞌë ꞌinánti ꞌain, ꞌinánkëxun kana kanikia an mi ñu ꞌaxúnun ꞌunánmiti ꞌain, ꞌimainun kana ꞌunántiokin aín bu tëatima ꞌain.

1 Samuel 1:28

Usa ꞌixun kana ꞌën Nukën ꞌIbu Diosan ñu mëëti ꞌanun ꞌimian, usa ꞌain ka ainan ꞌiti ꞌikën. Ësakin kakëx ka Elí ꞌain bëmánanën me tikai tsóbukin Dios rabiakëxa.

1 Samuel 14:24

ꞌAínbi ka israel suntárukama a nëtë́an, añu ñubi pima panankë ꞌaish atun nami kushima ꞌaish bënainsabu ꞌiakëxa, ësakian Saúlnën manukinma a sinánun kikë ꞌain: Uin kara bari xupibukëbëtan ꞌën ꞌëmi nishkë unikama ꞌakin pëukë ꞌaímabi ñu pia ax ka ꞌatima okë ꞌiti ꞌikë, kiaxa Saúl kikë ꞌain ka a nëtën ñu pikëma ꞌaish Israel unikama usai ꞌiakëxa.