Génesis 28:2 - Kashibo-Kakataibo Biblia

² Kamina Padán-aram, anua min xuta Betuel ꞌia me anu kuanti ꞌain, anu kuantankëxun kamina anua min kuku Labánnën bëchikë xanukama achúshi biti ꞌain.

Nukën 'Ibu Diosan ain unikama 'inan ain bana

² Kamina Padán-aram, anua min xuta Betuel 'ia me anu kuanti 'ain, anu kuantankëxun kamina anua min kuku Labánnën bëchikë xanukama achúshi biti 'ain.

Génesis 28:2 ပူးပေါင်းရင်းမြစ်များ

Génesis 24:10

Usokian Abrahamnën kakëxun ka an ñu mëëxunkë unin, ñu upíbu kaiskin buánti an ñumëmikë unían nankë barikin biakëxa, xanu aín aintsikama ꞌináni kuanti akama bianan ka mëkën rabë́ camelloribi a ñu mëëxunkë uninan biakëxa, usakin ꞌinánkëxun bitankëx ka raíri unikama abë kuanti bibiani Nahor kakë ëma, Mesopotamia kakë menu ꞌikë anu kuankëxa.

Génesis 24:29

Usakian aín chirabakën bana ñuia kuabiani ka Labán kakë, ax a uni bari abákiani anua ꞌumpax biti kini anu abákiani kuankëxa,

Génesis 24:4

usa ꞌain ka Abrahamnën an ñu mëmikë uni kakëxa, anuax ꞌëx uá ꞌën nëtë anu kuantankëxun ꞌën aintsikaman bëchikë xanu achúshi barixuni kuanti ꞌain.

Génesis 24:50

Ësokian kakëxun ka Labán ꞌimainun Betuelnën kakëxa: —Nukën ꞌIbun ka kamabi ñu ësokin axa, usa ꞌain kananuna nun mi asábi ka katankëxun kana ꞌatima ꞌai kixun mi kaiman.

Génesis 25:20

Isaacnën ka cuarenta baritiañu ꞌixun Rebeca aín xanu ꞌiti biakëxa, ax ka Betuelnën bëchikë Labánën chirabakë ꞌiakëxa, akamax ka Arameos unibu Padán-aram kakë me anu tsókë ꞌiakëxa.

Génesis 28:5

Ësokin katankëxun ka Isaacnën aín bëchikë Jacob a Padán-aram anu xuakëxa. Xukëx kuanx ka Jacob Labánnën xubunu bëbakëxa, ax ka Betuel arameo uni aín bëchikë ꞌianan Rebeca Jacob ꞌimainun Esaú aín titan rarëbakë ꞌiakëxa.

Génesis 29:1

Usa ꞌain ka Jacob Betel kakë me anuax kuani amiaxa bari urukë me ami kikiani kuankëxa.

Génesis 32:10

ꞌëx kana upíma ꞌain minmi ꞌë bërúanan upíokin ꞌakinkë ꞌaínbi. ꞌËx kana Jordán kakë baka ënë, añu ñubi bëíma ꞌën tsatishi tuianx min kakëx sikákën, ꞌaínbi kana bërí ꞌaisamaira ñuina ꞌarakakëñu ꞌimainun an ꞌë ñu mëëxunkë uniñu ꞌain, akamax ka rabë́ ëmanu ꞌikë unisa ꞌikën.

Génesis 33:18

Usa ꞌain ka Jacob Padán-aram anuax ai uisaibi ꞌikëma chuámashirua Canaán menu bëbatankëx Siquem kakë ëma a ꞌukëmanan anu ꞌiti ꞌatankëx anu ꞌiakëxa.

Génesis 35:9

Usai anuax Débora ñukë ꞌain ka Jacob amiribishi Padán-aram anuax utëkëankëxa, utëkënkëbë ka amiribishi ami mëratëkënkin Diosan upíokin sinánxuntëkëankëxa,

Génesis 46:15

Ënë kamax ka Lía bixúan Jacobnën ami bëchikëkama ꞌimainun aín bëchikë xanu achúshi Dina aribi ꞌiakëxa, ax ka Padán-aram, kakë me anu tsókëpan ꞌixuan bëchia ꞌiakëxa. Usa ꞌain ka kamabi aín rëbúnkinëx xanu ꞌimainun bëbu tupúnkëx ka treinta ꞌimainun tres uni ꞌiakëxa.