Génesis 28:18 - Kashibo-Kakataibo Biblia

¹⁸ Usai ꞌiónx pëkarakëma ꞌaínshi nirukin ka Jacobnën, anu tëkëpimëti noonkë maxáx bikin ꞌunánti okin nitsíankëxa, usakin ꞌatankëxun ka ënëx ka Nukën ꞌIbu Diosnan ꞌiti ꞌikë kixun sinánkin xëni bitankëxun ami anpënkakëxa.

Nukën 'Ibu Diosan ain unikama 'inan ain bana

¹⁸ Usai 'iónx pëkarakëma 'aínshi nirukin ka Jacobnën, anu tëkëpimëti noonkë maxáx bikin 'unánti okin nitsíankëxa, usakin 'atankëxun ka ënëx ka Nukën 'Ibu Diosnan 'iti 'ikë kixun sinánkin xëni bitankëxun ami anpënkakëxa.

Génesis 28:18 ပူးပေါင်းရင်းမြစ်များ

Génesis 21:14

Usokin konkë a pëkarakëma ꞌaínshi ka Abrahamnën an ñu ꞌaxunkë xanu Agar aín xubunuax kuantanun xukin pán ꞌimainun aín piti ꞌinánan achúshi ñu xaká burasa okin ꞌakë ami aín ꞌumpax ꞌinánkëxa; ꞌinánkin ka aín kaxunu kañumiakëxa, usakin ꞌinántankëxun ka aín bëchikë Ismael kuantanun kixun aín titakëñun xuakëxa. Xukëx ka uimi kara kuanti ꞌikë kixun ꞌunánimabi anu uni ꞌikëma me aukikiani kuantankëx Beerseba au kuankëxa.

Génesis 22:3

Usakian koónkëxun, ka pëkarakëma ꞌaínshi, nirukin Abrahamnën aín asno kaxu mëníotankëxun; anu karu tëapaxun nëakë, puruakëxa anun ñuina xaroti usakin ꞌabiani ka Nukën ꞌIbu Diosan anu kuanun kakë anu, aín bëchikë Isaac ꞌimainun an ñu mëëmikë uni rabë́ buani kuankëxa.

Génesis 28:11

Usai kuanbaiti ka bari kuabuti ñantabukëbë anua ñantan ꞌuxtinu bëbakëxa. Anu bërúxun ka amia katamëti achúshi maxax bitankëx aín maxkámi ami tëkëpimëti nantankëx ꞌuxakëxa.

Génesis 31:13

ꞌËx kana min ꞌIbu Dios axa Betelnuax mimi mërá a ꞌain, anuxun kamina achúshi maxá ꞌënan ꞌinun upíokin nantankëxun xënisa ñu anun ꞌatankëxun ꞌëx isana min Dios ꞌiti ꞌai kixun ꞌë kakën. ¡Usa ꞌain kamina! Bërí kamina nirukiani ënuax kuanti ꞌain; amiribishi kamina anuaxmi bakë́an me anubi kuantëkënti ꞌain.

Génesis 31:45

Usai kanantankëx sënë́nkin ka Jacobnën achúshi maxax bitankëxun, ꞌunántiokin nankëxa,

Génesis 35:14

kuankëbëtan ka achúshi maxá chaxkë́ bitankëxun nitsinkin ꞌunántiokin nankëxa, anuaxa Nukën ꞌIbu Diosbë banakë a menu; usakin ꞌatankëxun ka ënëx ka Dios ꞌaxunkë ꞌikë kixun xëni ꞌimainun uvas baka aribi ami anpënkakëxa,

Génesis 35:20

Usakin anu mainxun ka Jacobnën achúshi maxá a iskin a sinánti anu ꞌunántiokin nankëxa, a maxá ka anua nan ꞌikë anua Raquel maían ꞌikë iskankëxa.

2 Samuel 18:18

Usa ꞌain ka tsókë pain ꞌixun Absalónnën anubia ꞌinun chaiorukin maxá ñu tankin ꞌamia ꞌiakëxa, ax ka ꞌapukaman me kakë anubi ꞌiakëxa, usokin ꞌatankëxun ka aín anënbia anëa ꞌiakëxa, ꞌaínbi ka ax ñukëbëtan an bërúanti aín bakë bëchikëbi achúshi ꞌaíma ꞌiakëxa, usa ꞌain ka aín anën ꞌamikë ꞌiakëxa. Usakin ain anën ꞌa ꞌikë ka ax ka Absalónnëa maxá uni tankin ꞌamia ꞌikë kixun unikaman ꞌunánkëxa.

Eclesiastés 9:10

Usa ꞌain kamina añu kara ꞌaisa ꞌikë a min asérabi ꞌaisatankin kuëënkin ꞌati ꞌain; anua nu bamaia maínkë anuxun kananuna añu ñubi ꞌanan sinanimabi ꞌianan, añu karana ꞌunánti ꞌai kixunbi sinántima ꞌain.

Josué 4:9

ꞌAmainun ka Josuénënribi mapai rabë́ ꞌimainun rabë́ maxáx bixun anua sacerdotekamax bunántisa okin ꞌakë kurin ratakakakë anua Diosan bana usai ꞌiti ꞌarukë a ꞌiax baka ëskikë nëbë́tsi sëtë́kë anubi bukunrukin nankëxa. A maxákama ka bëríbi anu ꞌikë kixun ñuikin atun aintsikama ñuixunkankëxa.

1 Samuel 7:12

Usakin ꞌan ka Samuelnën achúshi mapara chaiira bixun Mispá kakë ëmabëa Sen kakë me sënënakëkë anu nitsíankëxa, nitsintankëxun ka Eben-ézer kakin anëakëxa anëi ka ësai kiakëxa: “Bërí ka ënuxun Nukën ꞌIbun nukama ꞌakianxa kiax kiakëxa.”