Génesis 28:16 - Kashibo-Kakataibo Biblia

¹⁶ Usakian kakëx aín ꞌuxkënuaxbi bësukin ka Jacobnën sinánkëxa: “Asérabi ka ënë menu Nukën ꞌIbu ꞌëbë ꞌikën kixun kana ꞌën ꞌunánkëma ꞌain.”

Nukën 'Ibu Diosan ain unikama 'inan ain bana

¹⁶ Usakian kakëx aín 'uxkënuaxbi bësukin ka Jacobnën sinánkëxa: “Asérabi ka ënë menu Nukën 'Ibu 'ëbë 'ikën kixun kana 'ën 'unánkëma 'ain.”

Génesis 28:16 ပူးပေါင်းရင်းမြစ်များ

1 Reyes 3:15

Usakian, kakëx bësukin ka Salomónnën namákin kana ënë banakama kua kixun sinánkëxa. Usakin namábiani Gabaón ëmanua kuanx Jerusalén ëmanu bëbax anua Dios bunántisa okin axun kë kurin ratakakakë nankë ꞌikë anu kuanxun ka, anuxun atun ñu ꞌaisama ꞌakëkama mëníokanun unikama ꞌimikin Salomónnën ñuina rëxun Dios xaroxuankëxa. Usokin ꞌatankëxun ka aín piti ñukama chookin ꞌamitankëxun aín unikamabëtan piakëxa.

Salmos 139:7

¿Uinu karana ꞌëx min bëru ñunshin ëbiani kuanti ꞌain? ¡Kana uinubi kuantima ꞌain! ¿Uinu karana mi ëbiani ꞌëx abati kuanti ꞌain? ¡Uinubi kana kuantima ꞌain!

Éxodo 15:11

ꞌËn ꞌIbu, ¡uinu ꞌikë bëtsi diosaxbi ka mibë sënënima! ¡Uixi ka misaribi chaiira ꞌianan upíira ꞌixun ñu ꞌatima ꞌai ꞌuchakëma ꞌaíma ꞌikën! ¡Min kamina a iskëma ñu ꞌanan ami rakuë́ti ñuribi ꞌain! ¡Usa ꞌikë kananuna mishi rabiti ꞌain!

Éxodo 3:4

Sinánbiani kuankian ꞌurama obianiabi ka Nukën ꞌIbun Moisés i pëñanakëkë rëkirukë a mëuxun kuëëankëxa: —¡Moisés! ¡Moisés! —Kakian aín anën kuënkëxun ka ënu kana ꞌai ꞌËn ꞌIbu —kixun Moisésnën kakëxa.

Éxodo 3:5

Usakian kakëxun ka Diosanribi kakëxa: —ꞌUramaira ukin kamina ꞌë chichabëtsintima ꞌain, ꞌianan kamina min taxaka a ëchiti ꞌain anu ꞌëx ꞌikë me ënëx ka upíira ꞌikën.

Isaías 8:13

Dios kamabi kushiñuira a kananuna ax ka upíira ꞌikë kixun kati ꞌain; kai kananuna ami kuni rakuë́ti ꞌain; usa ꞌain kananuna an nu iskëx ami rakuë́ti ꞌain.

Jeremías 31:26

Ësokin namati kana ꞌëx bësuakën. Bësukin kana ꞌën namákë anunbi upí tankën.

Números 12:6

kuania ka Nukën ꞌIbun ësokin kakëxa: “Bërí kana mikama ësokin kain: An ꞌëx kikë bana uni ñuixunkë mitsunu ꞌikë kana ꞌën namámikësokin kanan kana namámikinribi kain;

Josué 5:13

Achúshi nëtë́n Jericó ꞌurama ꞌixun ka Josuénën, ami achúshi uni aín manë xëtokë tuianx a bëmáno nikë isakëxa. Isi a ꞌurama obiani kuankin ka ñukákëxa: —¿Mix karamina nubë ꞌikë kama a ꞌain, ama ꞌaish kaina numi nishkë unikama a ꞌain?

Josué 5:15

Kakëxun ka Nukën ꞌIbun suntárunën ꞌapun kakëxa: —Min taxaka kamina ëchiti ꞌain, anumi nikë me ënëx ka bëtsi me kamasama upíira ꞌaish Diosnan ꞌikë kixun kakëxa. Kakëxun ka Josuénën aín banatankin an kakësabiokin ꞌakëxa.