Génesis 28:15 - Kashibo-Kakataibo Biblia

¹⁵ ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

Nukën 'Ibu Diosan ain unikama 'inan ain bana

¹⁵ 'Ëx kana mibë 'ain; usa 'ixun kana uinu kaina kuani anuabi 'ën mi bërúanti 'ain, usa 'ixun kana amiribishi ënë menubi mi bëtëkënti 'ain. Mi kana usai 'ia 'ën kakësabiokin 'axuntankëxuma ëntima 'ain.

Génesis 28:15 ပူးပေါင်းရင်းမြစ်များ

Génesis 21:20

Usakian Nukën ꞌIbu Diosan ꞌakinkëx ka Ismael anu uni ꞌikëma menuax kani Parán kakë anu ꞌiakëxa, usai kanikin ka uisokin kara kanti ꞌimainun pian ñuoti ꞌikë kixun upíokin ꞌunánkëxa. Usai kania ka aín titan achúshi xanu Egipto menua bëxun aín xanu ꞌiti ꞌinánkëxa.

Génesis 26:24

“Anu bëbaxa ñantabukë a imë́ ami mërakin ka Nukën ꞌIbun kakëxa: ꞌËx kana min papa Abraham aín Dios ꞌain. Usa ꞌain kamina rakuë́tima ꞌain; ꞌëx kana mibë ꞌain. Usa ꞌain kana ꞌën uni Abraham a kupín upíokin sinánxunkin, min rëbúnkinëxa ꞌaisamaira ꞌuákamë ꞌëonun ꞌimiti ꞌain.”

Génesis 26:3

usa ꞌain kamina ënë menu pain tsóti ꞌain. ꞌËx kana mibë ꞌiti ꞌain ꞌimainun kana mi upíokin sinánxukin mi ꞌimainun min rëbúnki kamaribi ënë mekama ꞌinánti ꞌain. Usakin kana ꞌën min papa Abraham kásabiokin ꞌati ꞌain.

Génesis 30:25

Usa ꞌain ka nëtë itsi ꞌikëbëtan Raquel aín tuá José bakënkë ꞌain, Jacobnën aín kuku Labán kakëxa: —ꞌËn menubi kuantëkëntanun kaina ꞌë xutima ꞌain.

Génesis 31:13

ꞌËx kana min ꞌIbu Dios axa Betelnuax mimi mërá a ꞌain, anuxun kamina achúshi maxá ꞌënan ꞌinun upíokin nantankëxun xënisa ñu anun ꞌatankëxun ꞌëx isana min Dios ꞌiti ꞌai kixun ꞌë kakën. ¡Usa ꞌain kamina! Bërí kamina nirukiani ënuax kuanti ꞌain; amiribishi kamina anuaxmi bakë́an me anubi kuantëkënti ꞌain.

Génesis 31:3

Usai ami ꞌikania iskin ka Nukën ꞌIbun Jacob kakëxa: Kamina kuantëkënti ꞌain min papan menubi, anua min aintsikama ꞌikë me anu, usai ꞌimi kuania kana ꞌën mi bërúanti ꞌain.

Génesis 31:5

ꞌaia ka ësokin kakëxa: —ꞌËn kana bërí ꞌunan mitsun papan ka bëráma ꞌasa okin bërí ꞌë ꞌupiokin isima; usakin ꞌaiabi ka ꞌën ꞌIbu Diosan ënkinma ꞌë ꞌakinia kixun kana ꞌunan.

Génesis 32:9

Usokin ꞌatankëxun ka: “Nukën ꞌIbu abë banakin kakëxa, ꞌën xuta Abraham ꞌimainun ꞌën papa Isaacnën Dios, min kamina ꞌëx amiribishi ꞌën menu kuanan ꞌën aintsikamanu, kuantëkënia ismina upitax kuantanun ꞌë ꞌakinti ꞌai kixun kakën:

Génesis 35:3

Ësokin katankëxun ka kakëxa bëríbi kananuna Betel menu kuanti ꞌain, kuantankëxun kananuna achúshi maxá maburukin ꞌatankëxun anuxun Nukën ꞌIbu Dios rabiti ꞌati ꞌain, an ka ꞌë ꞌatimakin sinaniabi ꞌakiankëxa, ꞌimainun ka ꞌë ꞌakinia uinu karana kuani anuabi.

Génesis 39:2

Usai an ñu mëëmikë uni egipcio uni, aín xubunu ꞌia ka Nukën ꞌIbun José ꞌitsaira bërúankin ꞌakiankëxa.

Génesis 39:21

Usakin José sipuakë ꞌaínbi ka Nukën ꞌIbu abë ꞌixun bërúankin ꞌakiankëxa, ꞌakinkëx ka upí nuituñu ꞌiakëxa, usa ꞌikë ka an sipu bërúankë aín kushi an ꞌunánkëxa,

Génesis 46:4

Usa ꞌain kana ꞌëx mibëbi Egipto menu kuanti ꞌain, anuxun kana amiribishi min rëbúnkikama ꞌënbi chikinuxun ꞌain. ꞌImainun ka mixmi ñukëbë José mi rapasu ꞌiti ꞌikën.

Génesis 48:16

usa ꞌixun ka Dios an uisai kara ꞌiti ꞌikëbi an ꞌë bërúankë anribi ënë tuákamaribi bëruánti ꞌikën. Usa ꞌain ka ënë tuákama kupín ꞌën anë sinanan ꞌën xuta Abraham ꞌimainun Isaac aín anë sinánti ꞌikën. Usa ꞌain ka atux ꞌaisamaira bakë bëchipati ꞌuakamë ꞌëoanan kamabi menu kuani aín ëmaitsi ëmaitsi ꞌai tsókanti ꞌikën.”

Génesis 48:21

Usakin katankëx sënë́nkin ka José kakëxa: —Ka kuat, ꞌëx kana ñuti ꞌurama ꞌain; usa ꞌaínbi ka Nukën ꞌIbu Dios ax mitsubë ꞌixun ka amiribishi min chaitiokëkama anu tsóa me anubi mi buántëkënti ꞌikën.

1 Reyes 8:57

Usa ꞌain ka Nukën ꞌIbu Dios bërí nubëribi ꞌiti ꞌikën, nun chaitiokëkamabë ꞌiásaribiti. Usa ꞌixun ka nukama ënkinma ꞌakinti ꞌikën,

Salmos 46:11

¡Kamabi kushiiñu Nukën ꞌIbu ax ka nubë ꞌikën! ¡Usa ꞌaish ka Jacobnën Dios ꞌiá ꞌaish nun Diosribi ꞌixun nu ꞌakinia!

Salmos 46:7

¡Nukën ꞌlbu kamabi kushiñuira ax ka nukamabë ꞌikën! ¡Jacobnën rabia Dios ax ka aminu katamëkë ꞌikën!

Salmos 91:11

an ka aín ángelkama uinu karamina kuani anuabi mi bërúanun xuti ꞌikën.

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Isaías 8:10

ꞌIanan ka usakin kananuna ñu ꞌati ꞌai kixun atun sinaniabi, usakian ꞌanun ꞌamitima ꞌikën, Dios ax ka nubë ꞌikë usa ꞌixun.

Jeremías 1:19

A unikamax ka mibë mëëananti ꞌikën, ꞌixunbi ka mi kanantima ꞌikën, ꞌëx kana mi bërúai mibë ꞌiti ꞌain. ꞌËn kana Dios ꞌixun kakësa okinbi asérabi mi ꞌakinti ꞌain.

Números 23:19

Dios ax ka nusama ꞌikën: ax ka këmëi bananan bëtsi okin sinántëkëkini kima. Uisa ñu ꞌakatsi kara ax kia a ka asérabi ꞌaia. Uisa ñu ꞌanux kara kiáxa a ka asérabi ax kikësabiokin ꞌaia.

Números 6:24

Nukën ꞌIbun ka upíokin sinánxunkin mi bëruánti ꞌikën;

Mateo 24:35

Naí, me, acamax ca cëñúti ꞌicën, ꞌaínbi ca ꞌën banaxa nëtë́imoi usabi ꞌain camabi ñu ꞌëx quicësabi oi asérabi ꞌiti ꞌicën.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Deuteronomio 30:3

usokinmi ꞌaia ka Diosan mitsu ꞌatima oxunbi mëníokin nuibati ꞌikën. Nuibakin ka amiribishi anua bëtsi menu ꞌikë unikaman bëa me anubi mitsu buántëkënti ꞌikën,

Deuteronomio 31:6

Mitsux kamina kushi sinánñubu ꞌaish rakuë́ ꞌitima ꞌain; usai ꞌikamina atubë ꞌakanankin ꞌai atumi rakuë́tima ꞌain, usakin ꞌaia ka Diosan ënkinma abi atu ꞌanun mitsu ꞌakinti ꞌikën.

Deuteronomio 31:8

Nukën ꞌIbun ka mi kuania ꞌakinkin ëntima ꞌikën, usa ꞌain kamina rakuë́kin; kana ꞌaíma kixun sinántima ꞌain.

Deuteronomio 7:9

Asérabi kamina ꞌunánkanti ꞌain, Nukën ꞌIbu Dios ax ka asérabi Dios ꞌikë kixun, usa ꞌixun ka an aín chaitiokëkama bërí ꞌama ꞌixun aín rëbúnkikamaribi uikaman kara ax kikësabiokin aín bana ꞌaia a unikama nuibatia;

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

Judas 1:1

ꞌËx cana Judas, an Jesucristonën cacësabi oquin ñu ꞌacë ꞌianan Jacobonën xucën, a ꞌain. Mitsúxmi ainan ꞌinun caíscë ꞌicëa Nucën Papa Diosan Jesucristomi cushicë ꞌinun ꞌimicë ꞌicë, cana ënë quirica mitsu cuënëoxunin.

Jueces 6:16

Kiabi ka Nukën ꞌIbun ángelnën katëkëankëxa: —Kamina ꞌati ꞌain ꞌën kana minmi ꞌaia mi ꞌakinti ꞌain. Min kamina madianita unikama ꞌakin achúshi unira ꞌakësokinshi ꞌati ꞌain.