Génesis 28:14 - Kashibo-Kakataibo Biblia

¹⁴ Usa ꞌain ka atux ꞌaisamaira ꞌuakamë ꞌëoi me putu iskësaira ꞌi aín tsipumiki ꞌimainun aín rëbumiki kuanan amiaxa bari urukë au ꞌimainun amia bari kuabúkë amiki amami amami kuankanti ꞌikën, usa ꞌain ka kamabi menu ꞌikë unikama upíokin sinánxunkë ꞌiti ꞌikën mi ꞌimainun min rëbúnkikama kupí.

Nukën 'Ibu Diosan ain unikama 'inan ain bana

¹⁴ Usa 'ain ka atux 'aisamaira 'uakamë 'ëoi me putu iskësaira 'i aín tsipumiki 'imainun aín rëbumiki kuanan amiaxa bari urukë au 'imainun amia bari kuabúkë amiki amami amami kuankanti 'ikën, usa 'ain ka kamabi menu 'ikë unikama upíokin sinánxunkë 'iti 'ikën mi 'imainun min rëbúnkikama kupí.

Génesis 28:14 ပူးပေါင်းရင်းမြစ်များ

Génesis 12:3

Uin kara mi upíokin ꞌakinia aribi kana ꞌën upíokin sinánxunti ꞌain, ꞌimainun kana uin kara mi ꞌatima oia aribi ꞌënribi ꞌatima oti ꞌain; mi kupí kana kamabi menu ꞌikë unikama upíokin sinánxunti ꞌain.

Génesis 13:14

Usaia anuax Lot kuankë ꞌain ka a basikëbëtan Nukën ꞌIbun Abram kakëxa: Anumi ꞌikë ënuxunbi kamina upíokin aín tsipumia isanan aín rëbumiokin isti ꞌain, isanan kamina amiaxa bari urukë amia isanan amia bari kuabúkë amiaribi isti ꞌain;

Génesis 13:15

ꞌën kana kamabi me min iskë ënëkama mi ꞌinánti ꞌain, ax ka minan ꞌianan xënibua ꞌaínbi min rëbúnki kamanan ꞌiti ꞌikën.

Génesis 13:16

ꞌËn kana min rëbúnkikama ꞌaisamaira menu ꞌikë masin bërusa ꞌinun ꞌimiti ꞌain. Usa ꞌaish ka masi bëru tupuntisama usaribi ꞌiti ꞌikën, ꞌianan ka tupuntisamaira min rëbúnkikama ꞌiti ꞌikën.

Génesis 18:18

ax ka kamabi unin chaitiokë ꞌaish achúshi ëma chaiira ꞌimainun kushiira ꞌiti ꞌikën. ꞌËn kana a kupín kamabi menu ꞌikë ëmakamanu ꞌikë unikama upíokin sinánxunti ꞌai kixun kana kan.

Génesis 22:17

usa ꞌain kana ꞌën upíokin sinánxunkin min rëbúnkinëxa. ꞌAisamaira ꞌispa imë́ naínu iskësa usaribi ꞌianan masi bëru parúmpapa kuëbínua iskësaribi ꞌinun ꞌimiti ꞌain. Usa ꞌain ka bëtsi ëmanu ꞌikë unikama ax ami nishkë akama ꞌën ꞌamikëxun abë ꞌakanankin atun abámikin ꞌati ꞌikën,

Génesis 22:18

usa ꞌain ka kamabi menu ꞌikë unikama atu kupin upíokin sinánxunkë ꞌiti ꞌikën, min kamina ꞌën kakësabiokin ꞌan usa ꞌain.

Génesis 26:4

ꞌAnan kana ꞌën min rëbúnkikamaribi naínua ꞌaisamaira ꞌispa iskësa usaribi ꞌitánun ꞌimiti ꞌain, ꞌimainun kana ënë me kamabi mi ꞌinánti ꞌain. ꞌInánan kana kamabi menu ꞌikë unikamaribi upíokin sinánxunti ꞌain, min rëbúnki kamasaribi ꞌinun,

Génesis 32:12

Mix kamina asérabi ꞌë upíokin ꞌakianan, ꞌën rëbúnkikamaribi masi bëru ꞌaisamaira parúmpapa kuëbínua iskësa, ꞌaish tupuntisamaira usaribi ꞌitánun ꞌimikatsi kiakën.”

Génesis 48:16

usa ꞌixun ka Dios an uisai kara ꞌiti ꞌikëbi an ꞌë bërúankë anribi ënë tuákamaribi bëruánti ꞌikën. Usa ꞌain ka ënë tuákama kupín ꞌën anë sinanan ꞌën xuta Abraham ꞌimainun Isaac aín anë sinánti ꞌikën. Usa ꞌain ka atux ꞌaisamaira bakë bëchipati ꞌuakamë ꞌëoanan kamabi menu kuani aín ëmaitsi ëmaitsi ꞌai tsókanti ꞌikën.”

Génesis 48:19

ꞌAínbi ka usakin ꞌaisama tankin aín papan kakëxa: —¡Kana ꞌunanin ꞌën bakën, ꞌën ꞌunánxun kana ꞌain! Axribi ka achúshi ëma chaiira ꞌianan raírikama ꞌikësamaira ꞌinuxun ꞌaia. ꞌAínbi ka aín xukë́n ꞌanáka ënëxira ꞌitsaira ꞌitanun ꞌuakamë ꞌëoi ëma itsiribi ëma itsiribi ꞌitánun uínbi kanantisamaira kushiira ꞌinuxun ꞌaia.

Salmos 72:17

¡Usa ꞌain ka ꞌapun anë ax manukima usabi okin sinánkë ꞌiti ꞌikën; usa ꞌain ka an ꞌakë ñukama kamaxunbi ꞌunánkë ꞌaish bari këñutisama pain ꞌain an ꞌakë ñukamaxribi këñutima ꞌikën! ¡ꞌIanan ka kamabi menu tsókë unikama a ꞌapu kupín upíokin sinánxunkë ꞌiti ꞌikën! ¡Usa ꞌain ka kamabi menu ꞌikë unikaman ax ka chuámarua tsotia kiax kiti ꞌikën!

Éxodo 32:13

Min uni ꞌiakama Abraham, Isaac ꞌimainun Jacob akama kaimi kia bana akamina sinánti ꞌain, ꞌën kana min rëbúnkinëxa naínu ꞌikë ꞌispa tupuribi ꞌitánun, ꞌuákamë ꞌëomikin ꞌën mi ñuixunkë mekama min rëbúnki ꞌinánti ꞌain kixun kamina atu kakën.

Isaías 54:3

min rëbúnkikamax ka mëkeu kuanan, mëmiu kuani me tsitsirui ꞌuakamë ꞌëoti ꞌikën; usai ꞌikin ka min rëbúnki kaman mekama anu ëma ꞌikëbia ënkan, anu uni ꞌikëma ëmakama anu kuantëkënti ꞌikën.

Números 23:10

Usa ꞌaish ka masi bëru iskësaira ꞌikën; ¿Uin kara atu tupúnti ꞌik? ¿Uin kara uiti ꞌitsaira kara atux ꞌikë kixun ꞌunánti ꞌik? ¡ꞌËx ñukë ax ka ñu ꞌatima amaxbia a unikama ñukësaribi ꞌiti ꞌikën, usa ꞌaish kana atux ꞌikësaribiti ꞌëx ñuti ꞌain!”

Mateo 8:11

ꞌËn cana mitsu cain, ꞌaisamaira judíosma unicamaxribi ca aucüaxa bari urucë amiax uanan anúan bari cuabúcë amiaxribi unuxun ꞌaia. Ai ca anua Abraham, Isaac, Jacob, ꞌimainun axa ꞌëmi catamëcë judíos unicama ꞌicë, anu acamabë Nucën Papa Diosan nëtënu ꞌiti ꞌicën.

Hechos 3:25

Ësoquin canan ca Pedronën ësaquinribi cacëxa: —A unicaman axa uti ñuia, ax ucë cupí camina mitsúnribi chuámarua ꞌinuxun aín bana cuati ꞌain. Usai ꞌiti oquin ca Nucën Papa Diosan bëráma mitsun rara Abraham ësaquin cacëxa: “Min rëbúnqui achúshi cupí ca camabi menu ꞌicë unicamax cuëënuxun ꞌaia”.

Gálatas 3:16

Usaribi ca Nucën Papa Diosan Abraham cá bana ꞌicën. An ca Abraham aín rëbúnqui achúshi ñuiquin, a cupí ca camabi menu ꞌicë unicama an iscëx upí ꞌaish cuëënti ꞌicë quixun cacëxa. Usaquian Nucën Papa Diosan Abraham cá bana ax ca “aín rëbúnquicama” ñui quima, “aín rëbúnqui achúshi” ñui quia. Usa ꞌain ca aín rëbúnqui achúshi a ñuia quiá ax Cristo ꞌicën.

Gálatas 3:8

—Judíos unicamaishima camabi uni cana axa Jesucristomi catamëtia nuibaquin aín nuitu upí isti ꞌai —quixun ꞌunánquin ca Nucën Papa Diosan an Abraham ësaquin cacë bana aín uni cuënëomiacëxa: “Mi cupí ca camabi menu ꞌicë unicama ꞌën ꞌimicëx aín nuitu upí ꞌaish chuámarua tani cuëënti ꞌicën”.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

Deuteronomio 12:20

Uínsaran kara Diosan anumi mitsux ꞌikankë me a cha ꞌinun ax kiásabiokin ꞌinántëkënia anuxun kamina uínsaran kaina, nami písa tani anun mitsun kuëënkësa okin nami piti ꞌain.

Apocalipsis 7:4

Catancëxun ca axa Nucën Papa Diosmi catamëcë unicama ꞌunánti oquin cuënëoxa, uiti cara cuënëocë ꞌicë quixun ꞌën cuanun ca a ángel ësai quiaxa: —A ꞌunánti oquin cuënëocë unicamax ca ꞌaisamaira, ciento cuarenta y cuatro mil (144,000) uni ꞌicën, atux ca Israelnën mëcën rabë́ ꞌimainun rabë́ bëchicëcaman rëbúnqui ꞌicën.

Apocalipsis 7:9

Usaquin cuatancëxun cana unin tupúntisama, ꞌaisamaira uni isan. Acamax ca camabi menuax ucë ꞌaish bëtsi bëtsi unibu ꞌiaxa. Usa ꞌaish ca bëtsi bëtsi banan bananan anua Nucën Papa Dios, ax ꞌApuira ꞌicë, a ꞌimainun Carnero ꞌicësaribitia unin ꞌucha cupí bama, aín bëmánon sëtë́cë ꞌiaxa. A camáxbi ca aín chupa uxua ꞌianan xëbin pëchisa ñu pëchi tuíncë ꞌiaxa.