Génesis 27:41 - Kashibo-Kakataibo Biblia

⁴¹ Usakian ꞌakë ꞌain ka Esaúnën ami xuamati nishkin Jacob istisama tankëxa aín papan upíokin sinánxunkin kakë kupín, ꞌimainun ka sinánkëxa: “Ënuax basiramashi kana ꞌën papa ñukëbë ꞌitsaira masá nuituti nitë́xëti ꞌain, usai ꞌikin kana ꞌën xukë́n Jacob rëti ꞌain.”

Nukën 'Ibu Diosan ain unikama 'inan ain bana

⁴¹ Usakian 'akë 'ain ka Esaúnën ami xuamati nishkin Jacob istisama tankëxa aín papan upíokin sinánxunkin kakë kupín, 'imainun ka sinánkëxa: “Ënuax basiramashi kana 'ën papa ñukëbë 'itsaira masá nuituti nitë́xëti 'ain, usai 'ikin kana 'ën xukë́n Jacob rëti 'ain.”

Génesis 27:41 ပူးပေါင်းရင်းမြစ်များ

Génesis 27:42

Usakian Esaúnën sinánkëbëtanbi ka Rebecanën ꞌunánkin, aín tuá ꞌanáka Jacob kamitankëxun ësokin kakëxa: —Ka kuat, min xukë́n Esaú ka ꞌaisamairai mimi nishkin mi ꞌati sinania usa ꞌain kana mi kain.

Génesis 32:11

Usa ꞌain kamina mix kikësabiokin ꞌakianan ꞌë ië́miti ꞌain, ꞌën xukë́n Esaúnën ꞌë ꞌati sinani kana rakuë́tin. ꞌImainun ka ꞌë ꞌakin xanukama ꞌimainun tuákamaribi ꞌati ꞌikën.

Génesis 32:3

Usokin ꞌatankëxun ka Jacobnën aín unikama kuënxun Seír kakë me anua kuantanun xuakëxa, xukin ka min xukë́n Jacob ka aia kixuan aín xukë́n apan Esaú chaniotanun kixun xuakëxa, ax ka Edom kakë me anu tsókë uni ꞌiakëxa,

Génesis 32:6

Ësokian kakëx kuanx utëkënkin ka Jacob kakëxa: —Nukamax kananuna min xukë́n Esaúnu kuan, usa ꞌain ka axbi mi bitsi aia, ukin ka cuatrocientos aín unikama bëia.

Génesis 35:29

Usa ꞌaish ka Isaac uni ꞌikësabi kaniakëti xënira ꞌaish ñuakëxa, ñukiani ka aín chaitiokëkama ñua ꞌaísh anu bukukë abë ꞌi kuankëxa.

Génesis 37:18

Mërabëtsini aia ꞌurakëo isi ka aín xukë́nkama José ñui ꞌatimai banai uisa karanuna oti ꞌain kiax kanankëxa, kánani ka José rëkatsi kiax kikankëxa.

Génesis 37:4

Aín papan atu ꞌakësamaira okin kuëënia ꞌunani ka aín xukë́n apankamax Josémi xuamati nishi nutsi a istisama tani abëbi banatisama tankëxa.

Génesis 37:8

Ësokian ñuixunkëxun ka aín xukën apan achúshinën kakëxa: —¿Usa ꞌain karamina mix nukaman ꞌapuira ꞌianan an nu ñumëmikë uni ꞌiti ꞌain? Usakian ain namákë ñuixunkëx ka atiaira ami xuamati aín xukë́nkama nishakëxa.

Génesis 50:15

Aín papa Jacob ñukë ꞌain ka Josénën xukë́nkaman ësokin sinánkëxa: Bërí sapika Josénën nun painu ꞌatimo a sinánkin nuribi ꞌatima oti ꞌikën.

Génesis 50:2

ꞌAtankëxun ka Josénën an uni ꞌinsínia ronkë rukuturukama aín papa Jacobnën nami anëtima kupían ron upíokin ꞌanun kakëxa, usakian kakëxun ka rontankëxun upíokin chupan rabunxun nankëxa.

Salmos 37:16

Uni upí sinánñu axa chukúmashi ñuñu ꞌikëxbi ka, uni ꞌatimakamaxa ñuñu ꞌikë usamaira ꞌikën.

Proverbios 1:16

usai ꞌikin ka atun bënë́kinshi ñu ꞌatima ꞌati sinánxun ꞌaia; ¡ꞌianan ka bënë́kinshi uni aín imi ꞌapamikin ꞌati sinánxun ꞌaia!

Deuteronomio 34:8

Usai ꞌian ka israel unikama Moisés bënini ini achúshi ꞌuxë ꞌimi anu uni ꞌikëma me Moab kakë anuax rarumakëxa, usai ꞌi ka a nëtëkama sënë́mi Moisés ñukë ꞌain masá nuituti nitë́xëti inkankëxa.

Tito 3:3

Nuxribi cananuna sinánñuma ꞌaish Nucën Papa Diosan bana quicësabi oi ꞌiáma ꞌain. Usa ꞌaish cananuna ñu ꞌatimaishi ꞌanúan bëtsi unin sinánmicëxun ꞌanan nunbi sinani nux cuëëncësabi oi ñunshini ꞌiacën. ꞌAisama ñuishi ꞌanan cananuna bëtsi unimi nutsianan numia uni nishcëx abë nishanancën.