Génesis 26:28 - Kashibo-Kakataibo Biblia

²⁸ Ësokian kakëxunbi ka atun kakëxa: —Nun kananuna mi isan mix kamina Nukën ꞌIbu abë ꞌain, usa ꞌikë an mi ꞌakinia kananuna unan, usa ꞌain kananuna nukaman achúshi ñu mibëtan ꞌati ain. A achúshi ñu ꞌati ax ka ꞌikën:

Nukën 'Ibu Diosan ain unikama 'inan ain bana

²⁸ Ësokian kakëxunbi ka atun kakëxa: —Nun kananuna mi isan mix kamina Nukën 'Ibu abë 'ain, usa 'ikë an mi 'akinia kananuna unan, usa 'ain kananuna nukaman achúshi ñu mibëtan 'ati ain. A achúshi ñu 'ati ax ka 'ikën:

Génesis 26:28 ပူးပေါင်းရင်းမြစ်များ

Génesis 24:3

sinanatëkëntima okin Nukën ꞌIbu naí ꞌimainun ënë me bërúankë an ka ꞌën bëchikë Isaacnën ënë menu ꞌikë xanukama binun ëntima ꞌikën, anu ꞌëx tsókë Canaán kakë me ënua,

Génesis 24:41

Usa ꞌaínbi kamina ꞌën aintsikaman aín bëchikë xanu chipash mibë uisamatankëbëbi mix sinanatëkëntima kikë bana usaibi asábi bërúti ꞌain.

Génesis 31:44

Usa ꞌain, kamina uti ꞌain mi ꞌimainun ꞌëx kana uisai karanuna ꞌiti ꞌai kiax kananti ꞌain, ax ka nu rabëtaxnu usai kananuna ꞌiti ꞌai kiax kanankë ꞌiti ꞌikën.

Génesis 39:3

ꞌAkinkëxuan upíokin Josénën ñu mëía ka a ñu mëxunkë unin, aín ꞌIbun ka Josébë ꞌixun ꞌakinia kixun. Usa ꞌain ka Josénën mëëkë ñukamax upí ꞌiakëxa.

Génesis 39:5

Anúan Potifarnën José aín xubu ꞌimainun aín ñukama bërúanun ënkë nëtëkaman ka Nukën ꞌIbun Potifarmi upíokin sinánkin ꞌakiankëxa aín xubu ꞌimainun aín ñu ꞌapákë kamabi upí ꞌinun.

Isaías 45:14

Ësakin ka Diosan Israel unikama kaxa: “Egipto menua ꞌikë naënu ꞌikë unikama, ꞌimainun an ñu marukë Etiopíanu ꞌikë unikama, ꞌianan Sabánu ꞌikë unikama, atux ka nënkëirabu ꞌikën akamina, mitsunu ꞌinamëtia ñu mëëmiti ꞌain; usokëx ka manë risin tëkërëkakë ꞌaish mitsu kaxú, kuani mitsu bëtanain rantinpurunkin mitsu kati ꞌikën: Asérabi ka Diosan mitsu ꞌakinia, usa ꞌain ka bëtsi dios ꞌaíma ꞌikën.”

Isaías 60:14

An mitsu tëmëramia unikaman bakë bëchikë atux ka aí ñuumara ꞌianan, kushiñuma mitsun iskëx ꞌiti ꞌikën, ꞌimainun ka an mi tima unikama atúxribi mitsu bëtanain rantipuruni tsóbukin, mi anëi kikanti ꞌikën. Mix kamina Nukën ꞌIbun ëma ꞌai kixun kati ꞌikën. ꞌImainun ka Jerusalén Dios upíira aín ëma kakin anëti ꞌikën.”

Isaías 61:6

Anan ka mitsu kati ꞌikën, Nukën ꞌIbun sacerdote ka atux ꞌikë kixun kanan, nukaman Diosan unikama ka atux ꞌikë kixunribi mitsu kati ꞌikën. Mitsun kamina bëtsi menu tsókë unikaman piti nëish tankin pi bukukanti ꞌain, ꞌianan kamina atun ꞌakë ñu upíirabu ꞌaish ichu ichukikë akamaribi tëñuanan mëñuti ꞌain.

Isaías 61:9

Usa ꞌain ka aín rëbúnkikamax bëtsi bëtsi menu ꞌikë unikaman upíokin ꞌunánkë ꞌiti ꞌikën; usokin ꞌunánkë ka an iskë unikaman, atux ka Nukën ꞌIbunbia aín uni ꞌikë upíokin sinánxukin ꞌakinkë ꞌikë kixun ꞌunánkanti ꞌikën.

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.

1 Corintios 14:25

—ꞌËn unë́xun ꞌacë ñuribi ca Nucën Papa Diosan isaxa —quixun sinánquin ca a ñucama chiquinaquin Nucën Papa Dios rabiti ꞌicën. Rabianan ca —asérabi ca Nucën Papa Dios mitsubë ꞌicë —quiti ꞌicën.

Hebreos 13:5

ꞌAisamaira curíquiñu ꞌiti camina sinántima ꞌain. Nucën Papa Diosan “ꞌËn cana mi ꞌaquinquin ëntima ꞌai” quixun cacë a sinani camina mitsux ꞌaisamaira ñuñuma ꞌaíshbi masá nuituti bënëtima cuëënti ꞌain.

Hebreos 6:16

Ënëx ca ësa ꞌicën. Unix ca uni itsían aín bana isa asérabi ꞌicë quixun ꞌunánun quiax, aín ꞌapu axa asamaira ꞌain, a ñui ësai quia: Nun ꞌapúnbi ca ꞌunania, ꞌën mi cacë bana ënëx ca asérabi ꞌicën. Usai quicëbëtan ca an aín bana ca asérabi ꞌicë quixun ꞌunánquin abë cuëbicanántima ꞌicën.

Josué 3:7

Usokëbëtan ka Nukën ꞌIbun Josué kakëxa: Bërí ka Israel unikaman ësokin ꞌën ꞌakëbëtan mix kamina ꞌën kaískë uni atun ꞌapu ꞌai kixun ꞌunánti ꞌikën. Usa ꞌain ka ꞌën kana Moisés ꞌakiansaribi okin mi ꞌakini kixun ꞌunánti ꞌikën.

1 Samuel 11:1

Nahas kakë ꞌapu Amón ëmanu tsókë ax ka, Jabés anua Galaad ꞌikë anu kuanxun ꞌain suntárukama a ëmanu ꞌikë unikama ꞌanuxun mëníokamiakëxa. ꞌAínbi ka Jabésnu tsókë unikaman usaía ꞌikëbi kakëxa: —Nukamabëtan kamina achúshi ñu mëníoti ꞌain, usa ꞌain kananuna uisai ꞌinun kaina nu kai usaibi ꞌiti aín.

1 Samuel 18:28

Usakin ꞌinánkëxun ka Saúlnën Nukën ꞌIbun ka David ꞌakinia, usa ꞌikë ka ꞌën bëchikë Milcánën kuëënia kixun ꞌunánkëxa,