Génesis 25:26 - Kashibo-Kakataibo Biblia

²⁶ Usai ꞌikin aín apan Esaú aín taë tsiputu tuinbëtsini aín ꞌanáka chikíakëxa, usaía ꞌikë a ka Jacob kakin anëakëxa. Usaia aín xanu Rebeca a tuá rabë́ bakënkë ꞌain ka Isaac ax setenta baritiañu ꞌiakëxa.

Nukën 'Ibu Diosan ain unikama 'inan ain bana

²⁶ Usai 'ikin aín apan Esaú aín taë tsiputu tuinbëtsini aín 'anáka chikíakëxa, usaía 'ikë a ka Jacob kakin anëakëxa. Usaia aín xanu Rebeca a tuá rabë́ bakënkë 'ain ka Isaac ax setenta baritiañu 'iakëxa.

Génesis 25:26 ပူးပေါင်းရင်းမြစ်များ

Génesis 21:5

A nëtë kaman Abraham cien baritiañu ꞌain ka aín bëchikë Isaac bakë́ankëxa.

Génesis 25:20

Isaacnën ka cuarenta baritiañu ꞌixun Rebeca aín xanu ꞌiti biakëxa, ax ka Betuelnën bëchikë Labánën chirabakë ꞌiakëxa, akamax ka Arameos unibu Padán-aram kakë me anu tsókë ꞌiakëxa.

Génesis 27:36

—¡Usaia këmëxun ñu biti ꞌunánxun ka Jacob kakin anëakëxa! —Kiax ka Esaú kiakëxa—. ¡Bërí ka an ꞌë rabë́okin ësokin ꞌakë ꞌikën! Bëráma ka ꞌëx aín apan ꞌikëbi an ꞌë bikuani ꞌën apan ꞌiaxa, bërí ka amiribishi biaxa ꞌëmi upiokin sinánxunti aribi. ¿ꞌËribimi upiokin sinánxunti bana kara ꞌaíma ꞌik?

Génesis 35:28

Usa ꞌain ka Isaac ciento ochenta baritia tsótankëx ñuakëxa.

Malaquías 1:2

Ësai ka Dios kia: ꞌËn kana mitsu nuibatin. ꞌAínbi kamina mitsun ësokin ꞌë kain: ¿Uisaxun karanuna min kamina nukama nuibati kixun ꞌunánti ꞌain? Kakëxun ka Diosan atu kaia: ꞌËn kana mitsu xukë́n rabë́ ꞌikëbi nuibakën, nuibakin kana Esaú ꞌimainun Jacob aira abëtan ñu ꞌati kuëënxun nuibakën,

Números 20:14

Usa ꞌain ka Moisésnën Cadés, kakë me anuxun Edom kakë menu ꞌikë ꞌapu ësokin katánun uni xuakëxa: “Min aintsi israel unikaman ka ësokin mi kanunkixun nu xuaxa: Minbi kamina upíokin ꞌunan nukamax kananuna ꞌaisamaira tëmërai kixun.

Hechos 7:8

Usaquin caxun ca Nucën Papa Diosan Abraham ësaquinribi cacëxa: “Mi ꞌimainun min rëbúnquicamaribi ꞌënan ꞌicë ꞌunánti oquin camina min bëbu tuácama aín inshú maxacara tëati ꞌain”. Usa ꞌain ca Nucën Papa Diosan cacësabi oquin Abrahamnën Isaac bëchitancëxun achúshi semana aín bacë́ncë nëtë ꞌicëbëtan ꞌunántiocëxa. Usaribi oquin ca Isaacnënribishi Jacob bëchitancëxun ꞌunántiocëxa. Usa ꞌixun ca Jacobnënribi mëcën rabë́ ꞌimainun rabë́ oquin bëchitancëxun a camabi ꞌunántiocëxa. Jacobnën bëchicë mëcën rabë́ ꞌimainun rabë́ acamax ca nucën raracama ꞌiacëxa.

Josué 24:4

ꞌamikëxun ka aín bakë bëchikë Isaacnën Jacob ꞌimainun Esaú a rabë́ pain bakë bëchiakëxa. Usoxun kana Esaú Seír kakë me anu tsónun ꞌinánkën, ꞌinámainun ka Jacobnëx aín bakë bëchikëkamabë Egipto kakë menu tsóti kuankëxa.