Génesis 25:25 - Kashibo-Kakataibo Biblia

²⁵ A paian Rebeca bakënkë ax ka ranshin ꞌaish raninbaë ꞌiakëxa, usa ꞌikë ka a tuá Esaú kakin anëakëxa.

Nukën 'Ibu Diosan ain unikama 'inan ain bana

²⁵ A paian Rebeca bakënkë ax ka ranshin 'aish raninbaë 'iakëxa, usa 'ikë ka a tuá Esaú kakin anëakëxa.

Génesis 25:25 ပူးပေါင်းရင်းမြစ်များ

Génesis 25:24

Ësokian kakë basirama ꞌaínbi ka Rebeca aín nëtë sënë́nkëbë, rabë́ tuá bakë́ankëxa.

Génesis 27:1

Usa ꞌain ka Isaac ax kaniakëti ꞌupiokin ñu istisama ꞌain bëru ꞌiakëxa. Achúshi nëtën aín rëkuë́n bëchikë Esaú kuënxun kakëxa: —¡ꞌËn bakë bëchikë! —Kia ka kamina ꞌë kati ꞌain papan —kixun Esaúnën kakëxa.

Génesis 27:11

Kakëxunbi ka Jacobnën ain tita kakëxa: —Min kamina ꞌunan ꞌën xukë́nax ka aín naminu raninbaë ꞌikën, ꞌaínbi kana ꞌëx usama ꞌain.

Génesis 27:16

Usakin pañumikin ka axa raniñuma ꞌikë cabra bërí kanikë kama aín xaká, ë́skaxun nankë anúnribi upíokin ramápukin Jacob aín pëñanu ꞌanan aín tëxanuribi tërabuankëxa,

Génesis 27:23

Usai ꞌikë ka Isaacnën ꞌunánma ꞌikën, ꞌunánkima ka aín pëñanu aín rani ꞌitsa ꞌikë, aín xukë́n apan Esaúnën pëñansa ꞌikë tankëxa. ꞌAínbi ka upíokin sinánxunuxun pain,

Malaquías 1:2

Ësai ka Dios kia: ꞌËn kana mitsu nuibatin. ꞌAínbi kamina mitsun ësokin ꞌë kain: ¿Uisaxun karanuna min kamina nukama nuibati kixun ꞌunánti ꞌain? Kakëxun ka Diosan atu kaia: ꞌËn kana mitsu xukë́n rabë́ ꞌikëbi nuibakën, nuibakin kana Esaú ꞌimainun Jacob aira abëtan ñu ꞌati kuëënxun nuibakën,

Números 20:14

Usa ꞌain ka Moisésnën Cadés, kakë me anuxun Edom kakë menu ꞌikë ꞌapu ësokin katánun uni xuakëxa: “Min aintsi israel unikaman ka ësokin mi kanunkixun nu xuaxa: Minbi kamina upíokin ꞌunan nukamax kananuna ꞌaisamaira tëmërai kixun.

Josué 24:4

ꞌamikëxun ka aín bakë bëchikë Isaacnën Jacob ꞌimainun Esaú a rabë́ pain bakë bëchiakëxa. Usoxun kana Esaú Seír kakë me anu tsónun ꞌinánkën, ꞌinámainun ka Jacobnëx aín bakë bëchikëkamabë Egipto kakë menu tsóti kuankëxa.