Génesis 25:23 - Kashibo-Kakataibo Biblia

²³ usakian ñukákëxun an kakëxa: “Min pukumëu ka tuá rabë́ ꞌikën, ax ka rabë́ ëma ꞌiti ꞌikën, usa ꞌaish bakënkëma ꞌaíshbi ubionania. Achúshinëx ka kushiira ꞌaish bëtsisama ꞌiti ꞌikën, aín apan ax ka aín ꞌanáka meu ꞌiti ꞌikën, usa ꞌain ka ꞌanáka ax kushiira ꞌinuxun ꞌaia.”

Nukën 'Ibu Diosan ain unikama 'inan ain bana

²³ usakian ñukákëxun an kakëxa: “Min pukumëu ka tuá rabë́ 'ikën, ax ka rabë́ ëma 'iti 'ikën, usa 'aish bakënkëma 'aíshbi ubionania. Achúshinëx ka kushiira 'aish bëtsisama 'iti 'ikën, aín apan ax ka aín 'anáka meu 'iti 'ikën, usa 'ain ka 'anáka ax kushiira 'inuxun 'aia.”

Génesis 25:23 ပူးပေါင်းရင်းမြစ်များ

Génesis 17:16

ꞌËn kana upíokin sinánxunin, usa ꞌain kana achúshi tuá mi ꞌaxúnun ꞌimiti ꞌain. ꞌËn upíokin sinánxunkëx ka kamabi menu ꞌikë unikama aín rëbúnki ꞌiti ꞌikën. ꞌImainun ka aín rëbúnkinëx kamabi menu ꞌikë unikaman ꞌapu ꞌinuxun ꞌaia, kixun ka Nukën ꞌIbu Diosan kakëxa.

Génesis 17:4

—Ënë ñu kana mibëtan ꞌain kamina kuati ꞌain: Mix kamina ꞌaisamaira bëtsi bëtsi ëmanu ꞌikë unikaman rara ꞌinuxun ꞌain,

Génesis 24:60

Usai kuania ka Rebeca upíokin sinánxunkin ësokin kakëxa: “Nukaman chirabakë, ¡min rëbúnkinëx ka ꞌaisamaira tupuntisama ꞌiti ꞌikën! ¡usa ꞌixun ka min rëbúnki kaman axa ami nishkë unikama abámikin ꞌatankëxun atun ëmakama biti ꞌikën!”

Génesis 25:24

Ësokian kakë basirama ꞌaínbi ka Rebeca aín nëtë sënë́nkëbë, rabë́ tuá bakë́ankëxa.

Génesis 25:27

Usa ꞌain ka a tuá rabë́ kaniakëxa. Usai kanitankëx ka aín rëkuë́n bëchikë Esaú ax ninua ñuira okë uni ꞌiakëxa; ꞌimainun ka aín ꞌanáka Jacob mënin sinaínshi uni ꞌiakëxa, usa ꞌain ka aín xubunuashi ñu mëi tsóti kuëëni ꞌiakëxa.

Génesis 27:29

Usa ꞌikë ka ꞌaisamaira unin mi ñu mëëxunti ꞌikën; bëtsi menu ꞌikë unikamaxribi ka mi bëtánain rantinpuruni ꞌiti ꞌikën. Mix kamina min xukë́nkaman ꞌapu ꞌiti ꞌain; ¡Usa ꞌain ka atux mi bëmánon rantipuruni ꞌiti ꞌikën! Uin kara mi ꞌaisama oia ax ka ꞌatima okëribi ꞌiti ꞌikën, ꞌimainun ka uin kara mi upíokin sinánxunkin ꞌakinia axribi upiti bukui upíokin sinánxunkë ꞌiti ꞌikën.”

Génesis 27:33

Ësokian aín bëchikënën kakëx ka Isaac ratuti sinánkasmai aín bana, bëtsi tërëkin aín bëchikë kakëxa: —Usa ꞌain kara, ¿ui kara an ꞌë ꞌabëtsinxun ñuina nëishokin ꞌaruxun bëxunkë ax ꞌiax? ꞌËn kana mix uisama pain ꞌain kamabi pian, pitankëxun kana ꞌën a upíokin sinánxuan usa ꞌaish ka bërí ax upíokin sinánxunkë bëruaxa.

Génesis 27:37

Ësai kia ka aín bëchikë apan Isaacnën kakëxa: —Ka kuat, ꞌën kana kamabi ñu ꞌanuan kushi ꞌinánun Nukën ꞌIbu Dios Jacob ñukáxuan; usa ꞌain ka kamabi aín aintsikamax a ñu mëëxunkë ꞌiti ꞌikën, ꞌimainun ka an trigo ꞌapákë ꞌaisamaira ꞌianan ñu bimiñu aín baka xëati ꞌaisamairañu ꞌiti ꞌikën. ¿Añu karana ꞌën bërí mi ꞌinánti ꞌain ꞌën bakën?

Génesis 27:40

Usai ꞌi kamina min manë xëtokë anun ꞌakanani mëanani tsóti kamina min xukë́n ꞌanáka an ñu mëëmikë ꞌinuxun ꞌain; usai ꞌi kamina min rëbúnkikama kushitëkënti aín, ënë menuax chikíax kamina mibi tsónuxun ꞌain.”

Génesis 32:6

Ësokian kakëx kuanx utëkënkin ka Jacob kakëxa: —Nukamax kananuna min xukë́n Esaúnu kuan, usa ꞌain ka axbi mi bitsi aia, ukin ka cuatrocientos aín unikama bëia.

Génesis 33:3

Usakin ꞌatankëx ka ax pain rëkuë́nkiani kuani atux pain rantinpuruni tsóbuti aín bëmánan memi tikai mapai achúshi ꞌimainun rabë́ oi ꞌikiani kuankëbë ka ꞌain xukë́n apan axribi a ꞌurama obëtsini ubakëxa.

Génesis 36:31

Ënë unikamax ka Edom kakë me anu ꞌapu ꞌiakëxa, israel unikamaxa atun ꞌapuñu ꞌisama pain ꞌain.

Génesis 48:19

ꞌAínbi ka usakin ꞌaisama tankin aín papan kakëxa: —¡Kana ꞌunanin ꞌën bakën, ꞌën ꞌunánxun kana ꞌain! Axribi ka achúshi ëma chaiira ꞌianan raírikama ꞌikësamaira ꞌinuxun ꞌaia. ꞌAínbi ka aín xukë́n ꞌanáka ënëxira ꞌitsaira ꞌitanun ꞌuakamë ꞌëoi ëma itsiribi ëma itsiribi ꞌitánun uínbi kanantisamaira kushiira ꞌinuxun ꞌaia.

Números 20:14

Usa ꞌain ka Moisésnën Cadés, kakë me anuxun Edom kakë menu ꞌikë ꞌapu ësokin katánun uni xuakëxa: “Min aintsi israel unikaman ka ësokin mi kanunkixun nu xuaxa: Minbi kamina upíokin ꞌunan nukamax kananuna ꞌaisamaira tëmërai kixun.