Génesis 25:22 - Kashibo-Kakataibo Biblia

²² Usai tui ka aín pukunu rabë́ tuá ꞌirukë ꞌaish, anuaxbi ubiti titikanania tankin an sinánkëxa: “Ënëxa ësai ꞌikëbë karana ꞌëx, ¿uisa ꞌaish basi tsóti ꞌain?” Usakin sinánbiani ka Nukën ꞌIbu uisa kupín kara usai ꞌia kixun ñukati kuankëxa,

Nukën 'Ibu Diosan ain unikama 'inan ain bana

²² Usai tui ka aín pukunu rabë́ tuá 'irukë 'aish, anuaxbi ubiti titikanania tankin an sinánkëxa: “Ënëxa ësai 'ikëbë karana 'ëx, ¿uisa 'aish basi tsóti 'ain?” Usakin sinánbiani ka Nukën 'Ibu uisa kupín kara usai 'ia kixun ñukati kuankëxa,

Génesis 25:22 ပူးပေါင်းရင်းမြစ်များ

Ezequiel 36:37

ꞌËx Min ꞌIbu ꞌaish kana ësai kian: Usa ꞌixun kana ꞌëx kikësabiokin bëtsi ñukamaribi ꞌaxunti ꞌain. ꞌAxunkin kana Israel unikama añu ꞌaxúnun kara ꞌë ñukatia a ñukama ꞌaxunkin; aín unikamaxa ꞌaisamaira ꞌia ñuina ꞌarakakëx ꞌikësai, kaikamë ꞌëonun ꞌimiti ꞌain.

1 Samuel 10:22

mëraima ka atux amiribishi Nukën ꞌIbubë banatëkëánkëxa, anu kara Saúl ꞌikë ꞌunánkatsi kiax. Ñukákëxunbi ka Nukën ꞌIbun kakëxa Saúl ka ënu ꞌiaxa, ꞌaínbi ka anu chupa ꞌarukë ñu bukunkëmi unëaxa kixun ka kakëxa.

1 Samuel 28:6

Usai ꞌikin ka uisai kara Nukën ꞌIbubë banati ꞌikë kixun tankëxa, ꞌaínbi ka Nukën ꞌIbun an ñukákëxunbi kuatima ꞌianan namámikinbi ismiama ꞌikën, ꞌianan ka Urim kakë anbi kaima ꞌimainun an Dios kikë bana uni ñuixunkë akamanbi ñuixuama ꞌikën, usai kamina ꞌiti ꞌai kixun kanun ꞌamiama ꞌikën.

1 Samuel 9:9

(Bërámaira ka israel unikamax Diosbë banatisa tani kiakëxa.) “An Dios kikë bana uni ñuixunkë kananuna isi kuanti ꞌain.” “Usa ꞌaínbi ka bërí usa unikama an Dios kikë bana uni ñuixukë kakin anëia” (bërámaira ka an Dios kikë bana uni ñuixunkin kakin anëkë ꞌikankëxa).