Génesis 25:21 - Kashibo-Kakataibo Biblia

²¹ Usa ꞌain ka Rebeca tuakëma xanu ꞌiakëxa, usa ꞌain Isaac an ami bëchikaskin ꞌain xanu ꞌitsaira ñukáxuankëxa. Usakian ñukákëxun ka Nukën ꞌIbun an ñukákë a kuakin Rebeca tuuñu ꞌinun ꞌimiakëxa.

Nukën 'Ibu Diosan ain unikama 'inan ain bana

²¹ Usa 'ain ka Rebeca tuakëma xanu 'iakëxa, usa 'ain Isaac an ami bëchikaskin 'ain xanu 'itsaira ñukáxuankëxa. Usakian ñukákëxun ka Nukën 'Ibun an ñukákë a kuakin Rebeca tuuñu 'inun 'imiakëxa.

Génesis 25:21 ပူးပေါင်းရင်းမြစ်များ

Génesis 11:30

Usa ꞌain ka Sarai ax tuakëma xanu ꞌaish tuáñuma ꞌiakëxa.

Génesis 16:2

Usa ꞌain ka aín xanu Sarainën Abram kakëxa: —Ka kuat, Nukën ꞌIbun ka ꞌëx tuáñu ꞌiti kuëënima, usa ꞌain kamina an nu ñu ꞌaxunkë xanu Agar abë ꞌiti ꞌain, usa ꞌain sapi ka an tuakëx aín tuákama ax ꞌën tuása ꞌiti ꞌikën. Ësokian kakëxun ka Abramnën aín xanu Sarai asábi ka kixun kakëxa.

Génesis 30:22

Usa ꞌain ka Nukën ꞌIbu Dios an ñukákëx Raquelmi sinánkëxa; sinánkin ka an ñukákëxun kuakin tuáñu ꞌinun ꞌimiakëxa.

Salmos 127:3

Unin bakë bëchikë bakënkëkama ax ka upíokin sinánxunkian Diosanbi nu ꞌinánkë ꞌikën.

Salmos 145:19

An ka an rabikë unikaman kuëënkësokin ꞌaxuanan; uínsaran kara ꞌakinun ñukatia anun ka ñukákëxun kuankin, ꞌakianan ië́mia.

Salmos 65:2

min kamina mibë banakin nun ñukákëxun kuatin! Kamabi menu ꞌikë unin ka mibë banakin mi rabiti ꞌikën.

Salmos 91:15

Uínsaran kara ꞌakinun kixun ꞌë kaia anun kana ꞌakinti ꞌain; ¡ꞌëxbi kana abë ꞌiti ꞌain! Usakin ꞌai kana ꞌëx abëbi ꞌiti ꞌain, ꞌënbi kana ꞌupiokin kamina ñu ꞌa kixun mi kati ꞌain;

Isaías 45:11

Ësai ka aín Israel unikama ꞌIbu Dios upíira an unio ax kia: “¿Mitsun kaina uisai kara ꞌën bakë bëchikëkama ꞌinuxun ꞌaia ꞌë ñuixuanan, uisakin karana ꞌën ñu ꞌati ꞌai kixun ꞌë ꞌunánmiti ꞌain?

Isaías 58:9

Usa ꞌain kana ꞌëmi ñukákëxun, ꞌënribi ënu kana ꞌai kixun mitsu kati ꞌain; ꞌianan kana munuma banakinmi ꞌakinun kixun ñukákëxun ꞌënribi mitsu: Ënu kana mitsu ꞌakinux ꞌai kixun kati ꞌain. Mitsúnmi këmëxun bëtsi ñankabi ꞌatima okë a ëanan, bëtsi ꞌichakin ñuikë ꞌimainun bëtsimi këmëi manánkë akama ënia kana usakin ꞌati ꞌain,

Isaías 65:24

ꞌImainun kana atun ꞌë ñukákin sënë́onkë, ꞌaímabi ꞌakinti ꞌain; atúxa ꞌëbë banai sënë́nkë ꞌaímabi kana ꞌën ꞌunánkë ꞌiti ꞌain, ꞌën kana atun bana kuakë ꞌinuxun ꞌain.

Lucas 1:13

Usai ami racuëtiabi ca ángelnën cacëxa: —Racuë́axma ca ꞌit, Zacarías. Nucën Papa Diosan ca minmi a cacë banacama cuaxa. Usa ꞌain ca min xanu Elisabet an tuáñu ꞌiti ꞌicën. A tuá camina Juan caquin anëti ꞌain.

Lucas 1:7

Usa ꞌain ca Elisabet tuáñuma xanu ꞌianan a rabëtaxbi xëniira ꞌiacëxa.

1 Samuel 1:11

banakin ka ësokin kakëxa: Min asérabi ꞌëx tëmëraia ꞌunánkin kamina an mi ñu ꞌaxunkë xanu ꞌikë ꞌëmi sinanakin, achúshi tuá ꞌë ꞌinánti ꞌain, ꞌinánkëxun kana kanikia an mi ñu ꞌaxúnun ꞌunánmiti ꞌain, ꞌimainun kana ꞌunántiokin aín bu tëatima ꞌain.

1 Samuel 1:17

Kixun kakëxun ka —chuámarua kamina kuanti ꞌain —kixun Elínën kakëxa—, ꞌimainun ka Israelkaman Diosan ka min ñukákësabi okin mi ꞌinánti ꞌikë kixun kakëxa.

1 Samuel 1:2

Elcaná ax ka rabë́ xanuñu ꞌiakëxa. Bëtsíxa Ana kakin anëkë ꞌimainun ka bëtsiribi Peniná kakin anëkë ꞌiakëxa. Usa ꞌain ka Peniná kakë an tuamainun Ana kakë ax tuakëma xanu ꞌiakëxa.

1 Samuel 1:27

ꞌËn kana Nukën ꞌIbu ënë tuá ꞌë ꞌinánun ñukan, usa aín ka ꞌë ꞌinánxa.