Génesis 25:20 - Kashibo-Kakataibo Biblia

²⁰ Isaacnën ka cuarenta baritiañu ꞌixun Rebeca aín xanu ꞌiti biakëxa, ax ka Betuelnën bëchikë Labánën chirabakë ꞌiakëxa, akamax ka Arameos unibu Padán-aram kakë me anu tsókë ꞌiakëxa.

Nukën 'Ibu Diosan ain unikama 'inan ain bana

²⁰ Isaacnën ka cuarenta baritiañu 'ixun Rebeca aín xanu 'iti biakëxa, ax ka Betuelnën bëchikë Labánën chirabakë 'iakëxa, akamax ka Arameos unibu Padán-aram kakë me anu tsókë 'iakëxa.

Génesis 25:20 ပူးပေါင်းရင်းမြစ်များ

Génesis 22:23

Betuel ax ka Rebecanën papa ꞌiakëxa. Usa ꞌain ka, mapai achúshi ꞌimainun rabë́ ꞌimainun achúshi akamax ka Milcámia ꞌakë tuá Abrahamnën ꞌanáka Nahor ain bëchikëkama ꞌiakëxa.

Génesis 24:15

Usai abë banai sënë́nkëma ꞌixunbi ka xanu achúshi me ñutë ꞌakë tëxanu nanxun tuinbëtsinia isakëxa. Ax ka Rebeca Betuel kakë uni aín bëchikë xanu ꞌiakëxa. Betuel ax ka Milcámia Nahornën bëchia ꞌiakëxa, ax ka Abrahamnën xukënan bëchikë ꞌiakëxa.

Génesis 24:29

Usakian aín chirabakën bana ñuia kuabiani ka Labán kakë, ax a uni bari abákiani anua ꞌumpax biti kini anu abákiani kuankëxa,

Génesis 24:67

Usokin unikaman ñuia kuatankëxun ka Isaacnën Rebeca bibiankin aín xubusa okían chupa këxtú ꞌakë anua aín tita Sara ꞌikë anu buánkëxa, anu buánxun ka biakëxa, usakin bitankëxun ka Isaacnën Rebeca ꞌitsaira kuëëankëxa, usakin aín xanu Rebeca ꞌitsaira kuëëni ka aín tita ñukë sinania masá nuitukë a sinántëkënima manúakëxa.

Génesis 25:26

Usai ꞌikin aín apan Esaú aín taë tsiputu tuinbëtsini aín ꞌanáka chikíakëxa, usaía ꞌikë a ka Jacob kakin anëakëxa. Usaia aín xanu Rebeca a tuá rabë́ bakënkë ꞌain ka Isaac ax setenta baritiañu ꞌiakëxa.

Génesis 27:43

Kamina ꞌën kakëxun upíokin kuati ꞌain; usa ꞌain kamina bëríbi abati Harán, menu kuanti ꞌain kuanx kamina ꞌën rarëbakë apan Labán aín xubunu ꞌi kuanti ꞌain.

Génesis 28:2

Kamina Padán-aram, anua min xuta Betuel ꞌia me anu kuanti ꞌain, anu kuantankëxun kamina anua min kuku Labánnën bëchikë xanukama achúshi biti ꞌain.

Génesis 28:7

ꞌimainun ka Jacob Padán-aram anu aín papa ꞌimainun aín titan kakësabi oi kuankë aribi sinánkëxa.

Génesis 31:20

Usa ꞌain ka Jacobnën aín kuku Labán arameo uni a kana kuani kixun kaimashi kuankëxa.

Génesis 31:24

ꞌAínbi ka a imë́ Nukën ꞌIbu Diosan Labán arameo uni a namámikin kakëxa: ꞌËn kakëxun kamina kuati ꞌain, min piaka Jacob kamina ꞌatima banan katima ꞌain.

Génesis 33:18

Usa ꞌain ka Jacob Padán-aram anuax ai uisaibi ꞌikëma chuámashirua Canaán menu bëbatankëx Siquem kakë ëma a ꞌukëmanan anu ꞌiti ꞌatankëx anu ꞌiakëxa.

Génesis 35:26

ꞌImainun ka an aín xanu Lía ñu ꞌaxunkë Zilpá amiribi bëchikë ax ka Gad ꞌimainun Aser kakë ꞌiakëxa; ënë kamax ka Jacobnën Padán-aram anuxun bëchikëx anuax bakë́an kama ꞌiakëxa.

Génesis 35:9

Usai anuax Débora ñukë ꞌain ka Jacob amiribishi Padán-aram anuax utëkëankëxa, utëkënkëbë ka amiribishi ami mëratëkënkin Diosan upíokin sinánxuntëkëankëxa,

Génesis 46:15

Ënë kamax ka Lía bixúan Jacobnën ami bëchikëkama ꞌimainun aín bëchikë xanu achúshi Dina aribi ꞌiakëxa, ax ka Padán-aram, kakë me anu tsókëpan ꞌixuan bëchia ꞌiakëxa. Usa ꞌain ka kamabi aín rëbúnkinëx xanu ꞌimainun bëbu tupúnkëx ka treinta ꞌimainun tres uni ꞌiakëxa.

Lucas 4:27

ꞌImainun ca Eliseonëxribi an Nucën Papa Dios quicë bana unicama ñuixuncë ꞌiacëxa. Axa anu ꞌain ca an nami chëquímicë ꞌinsínñu uni ꞌitsa a nëtënu ꞌiacëxa. ꞌItsa ꞌaínbi ca Siria cacë menu ꞌicë uni achúshi, Naamán cacë, ashi Nucën Papa Diosan ꞌamicëxun Eliseonën aín nami upí ꞌitëcënun ꞌimiacëxa.

Deuteronomio 26:5

usakin nani ka Nukën ꞌIbu Diosan kuamainun ësai kiti ꞌikën: ꞌËn rarakamax ka ꞌitsamashi ꞌaíshbi arameo ꞌikësa achúshi menushi tsótima kuaínbëkini tsótankëx Egipto menu kuantankëx anu tsóti bërúakëxa, anuax ka ꞌitsa baritia ꞌikëbë achúshi ëma chaiira ꞌianan kushiirabu ꞌimainun ꞌaisamaira ꞌinun ꞌuakamë ꞌëokëxa.