Génesis 25:2 - Kashibo-Kakataibo Biblia

² Bitankëxun ka amiribi bëchipakëxa aín anë ka ꞌiakëxa Zimrán, Jocsán, Medán, Madián, Isbac ꞌimainun Súa.

Nukën 'Ibu Diosan ain unikama 'inan ain bana

² Bitankëxun ka amiribi bëchipakëxa aín anë ka 'iakëxa Zimrán, Jocsán, Medán, Madián, Isbac 'imainun Súa.

Génesis 25:2 ပူးပေါင်းရင်းမြစ်များ

Génesis 25:1

Usa ꞌain ka Abrahamnën bëtsi xanu biti sinánkin, Queturá kakin anëkë a biakëxa.

Génesis 25:3

Jocsán ax ka Sebá ꞌimainun Dedán aín papa ꞌiakëxa. Ënë kamax ka Dedánën rëbúnkikama ꞌiakëxa, aín anëx ka ꞌikë asureo, letuseo ꞌimainun leumeo akama.

Génesis 36:35

Usa ꞌain ka Husam ax ꞌapu ꞌaíshbi ñukëbë Hadad ax ꞌapu Avit kakë ëma anu ꞌiakëxa, ax ka Bedad aín bëchikë ꞌiakëxa, usai ꞌapu ꞌixun ka Madián unikama abë ꞌakanankin Moab me anua ꞌakëxa.

Génesis 37:28

Usakin kininu nipakë basimashika an ñumarukë unikama uakëxa, ꞌaia iskin ka José kininua bitankëxun, aín xukë́nkaman an ñu marukë unikama veinte kuríki manë ꞌakë kupín maruakëxa. Usokin marukëxun ka José Egipto kakë menu buánkëxa.

Génesis 37:36

An ñu marukë madianita unikaman ka José marubiankin Egipto kakë menu buánkëxa, buánxun ka suntárunën kushi Potifar kakë a maruakëxa, ax ka Egiptonu ꞌikë ꞌapu aín suntárunën kushi Capitán ꞌiakëxa.

Job 2:11

Job ax ka rabë́ ꞌimainun achúshi uni an ꞌunánkëñu ꞌiakëxa: Ax ka Elifaz kakë, ꞌaish Temán, menu tsókë uni ꞌiakëxa ꞌimainun ka Bildad axribi Súah kakë menu tsókë ꞌiakëxa ꞌimainun ka Sofar axribi Naamat kakë menu tsókë uni ꞌiakëxa. A unikaman ka atun ꞌunánkë uni Job axa usai ñu ꞌatima inuti nuibakatia kuakëxa, kuabiani ka kanankiani nun ꞌunánkë uni Job ka ꞌaisamaira tëmëraia usa ꞌain kananuna aín masá nuitukë a sinanatánun kanan isi kuanti ꞌai kiax kanankëxa.

Números 22:4

Usa ꞌain ka Moabnu ꞌikë unikaman Madiánu ꞌikë aín kushibukama kakëxa: A unibunëx kaisa ꞌaisamaira ꞌikën. Usa ꞌixun ka vaca bënëan me tsitsibiankin ñu ꞌapákë pianan basi pikësa usokinshi nun me tsitsiruti ꞌikën. A nëtëkaman ka Balac ax Moab kakë me anu ꞌapu ꞌiakëxa.