Génesis 25:18 - Kashibo-Kakataibo Biblia

¹⁸ Usai ax ñua ain rëbúnki kamax anubi tsóti Havilá kakë me Egipto ꞌukëmanan anun, Asirianu kuani kuanti anubi tsóti buküakëxa. Usai ꞌi ka anuax aín xukë́n kamabëbi ꞌatimonani nishanani anubi buküakëxa.

Nukën 'Ibu Diosan ain unikama 'inan ain bana

¹⁸ Usai ax ñua ain rëbúnki kamax anubi tsóti Havilá kakë me Egipto 'ukëmanan anun, Asirianu kuani kuanti anubi tsóti buküakëxa. Usai 'i ka anuax aín xukë́n kamabëbi 'atimonani nishanani anubi buküakëxa.

Génesis 25:18 ပူးပေါင်းရင်းမြစ်များ

Génesis 10:29

Ofir Havilá ꞌimainun Jobab. Kamabi ënëkamax ka Joctánnën bëchikëkama ꞌiakëxa.

Génesis 10:7

Cusnën bëchikëkaman anë ka ꞌiakëxa Sebá, Havilá, Sabtá, Raamá ꞌimainun Sabtecá ꞌimainun ka Raamá aín bëchikënën anë Sebá ꞌimainun Dedán kakë ꞌiakëxa.

Génesis 13:10

Usakian Abramnën kakëxun ka Lotnën me upí anu ꞌiisa Jordán kakë baka ꞌurama anua ꞌumpax ꞌitsaira ꞌikë a isakëxa, iskin ka Sóar ꞌurama ꞌikë ëma chukúma aribi isakëxa, usa ꞌain ka a menu ꞌitsaira ꞌumpax ꞌimainun naësa me chaiira ꞌikë isakëxa. Ax ka Egipto me iskësa ꞌiakëxa. (Ënëx ka Nukën ꞌIbun Sodoma ꞌimainun Gomorra ëma këñutisama pain ꞌain ꞌiakëxa.)

Génesis 14:10

Kamabi Sidim kakë me sapan anu ka chua me pëan pëánkikë anubia unia ꞌiakëxa, usa ꞌain ka Sodoma ꞌimainun Gomorranu ꞌikë ꞌapu ꞌakanankënuax ꞌiakëti kuaníbi anu nanëakëxa. Usai ꞌimainun ka raíri ꞌapukamax ninu abákëxa.

Génesis 16:12

Min tuakëx ka bana kuakëma ꞌaish achúshi burro raëkëmasa ꞌinuxun ꞌaia; usa ꞌaish ka kamabi unimi nishti ꞌikën, ꞌimainun ka kamabi uníxribi ami nishti ꞌikën; usa ꞌaínbi ka aín aintsikaman ꞌura xuisa tankëxi atubëbi ꞌiti ꞌikën.

Génesis 16:7

Abákë ka Nukën ꞌIbun ángel achúshinën anu uni ꞌikëma menuxun mërakëxa, ax ka aín rëbumi kakin anëkë me anu kuanti bai rapasu ꞌumpax upíira ꞌikë anu ꞌiakëxa,

Génesis 2:11

A baka achúshinëx ka Pisón kakin anëkë ꞌiakëxa, an ka Havilá kakë mekama bëararakë ꞌiakëxa. A menu ka ꞌitsaira kuri ꞌiakëxa.

Génesis 20:1

Usa ꞌain ka anu pain ꞌikë me anuax Abraham Négueb kakë me, ami kikiani kuankëxa, kuantankëx ka Guerar kakë ëma ꞌimainua Cadés kakë ëman nëbëtsiokë me aín rëbumi ꞌikë me anu kuainbëkinishi bëtsi me kamanu tsókë uni ꞌaish usai ꞌiakëxa.

Génesis 21:14

Usokin konkë a pëkarakëma ꞌaínshi ka Abrahamnën an ñu ꞌaxunkë xanu Agar aín xubunuax kuantanun xukin pán ꞌimainun aín piti ꞌinánan achúshi ñu xaká burasa okin ꞌakë ami aín ꞌumpax ꞌinánkëxa; ꞌinánkin ka aín kaxunu kañumiakëxa, usakin ꞌinántankëxun ka aín bëchikë Ismael kuantanun kixun aín titakëñun xuakëxa. Xukëx ka uimi kara kuanti ꞌikë kixun ꞌunánimabi anu uni ꞌikëma me aukikiani kuantankëx Beerseba au kuankëxa.

2 Reyes 23:29

A baritiakaman Josías ꞌapu ꞌain ka, Egipto menu ꞌikë ꞌapu faraón Necao kakin anëkë ax, ain suntárukamabë Éufrates baka abu kikiani Asirianu ꞌikë ꞌapu ꞌakini kuankëxa. Kuankëbë ka ꞌapu Josías ain suntárukamabë atubë akananux chikiakëxa, ꞌaínbi ka Meguido kakë ëmanua mërakin Egiptonu ꞌikë ꞌapun ꞌakëxa.

Éxodo 15:22

Usakin Dios pain an ië́mikëxun rabitankëx sënë́nkë ka Moisésnën israel unikama xónsa kakë parúmpapa kuëbí anuxun kabiankin tsuákarubiankin buánkëxa. Buánkëx ka anu uni ꞌikë me aín rëbumi kikiani kuankëxa, usai kuanika rabë́ ꞌimainun achúshi nëtë ꞌikiani kuankinbi ka a xëati ꞌumpax mërama ꞌikën.

1 Samuel 15:7

Usa ꞌain ka Saúlnën aín suntárukamabëtan ꞌakin amalecitakama anua Havilá me ꞌikë anuxunbi pëuxun nuibiankin au bari kuabúkë Egipto me sënënakëkë anubi bëbarukin ꞌakëxa;