Génesis 24:60 - Kashibo-Kakataibo Biblia

⁶⁰ Usai kuania ka Rebeca upíokin sinánxunkin ësokin kakëxa: “Nukaman chirabakë, ¡min rëbúnkinëx ka ꞌaisamaira tupuntisama ꞌiti ꞌikën! ¡usa ꞌixun ka min rëbúnki kaman axa ami nishkë unikama abámikin ꞌatankëxun atun ëmakama biti ꞌikën!”

Nukën 'Ibu Diosan ain unikama 'inan ain bana

⁶⁰ Usai kuania ka Rebeca upíokin sinánxunkin ësokin kakëxa: “Nukaman chirabakë, ¡min rëbúnkinëx ka 'aisamaira tupuntisama 'iti 'ikën! ¡usa 'ixun ka min rëbúnki kaman axa ami nishkë unikama abámikin 'atankëxun atun ëmakama biti 'ikën!”

Génesis 24:60 ပူးပေါင်းရင်းမြစ်များ

Génesis 1:28

Uniotankëxun ka upíokin sinánxunkin kakëxa: Bakë bëchipati kamina mekama tsitsirui ꞌuákamë ꞌëoti ꞌain; baka mëu ꞌikë ñuinakama ꞌimainun manan nuánkë pëchiñu ñuinakama, ꞌimainun axa men niríkë ñuinakama aín ꞌibu kamina ꞌiti ꞌain.

Génesis 14:19

Upíokin sinánxunkin Abram ësokin kakëxa: Mi ka Nukën ꞌIbu Dios naí manámi ꞌikë an naí ꞌimainun mekama unio an ꞌupiokin sinánxunti ꞌikën;

Génesis 17:16

ꞌËn kana upíokin sinánxunin, usa ꞌain kana achúshi tuá mi ꞌaxúnun ꞌimiti ꞌain. ꞌËn upíokin sinánxunkëx ka kamabi menu ꞌikë unikama aín rëbúnki ꞌiti ꞌikën. ꞌImainun ka aín rëbúnkinëx kamabi menu ꞌikë unikaman ꞌapu ꞌinuxun ꞌaia, kixun ka Nukën ꞌIbu Diosan kakëxa.

Génesis 22:17

usa ꞌain kana ꞌën upíokin sinánxunkin min rëbúnkinëxa. ꞌAisamaira ꞌispa imë́ naínu iskësa usaribi ꞌianan masi bëru parúmpapa kuëbínua iskësaribi ꞌinun ꞌimiti ꞌain. Usa ꞌain ka bëtsi ëmanu ꞌikë unikama ax ami nishkë akama ꞌën ꞌamikëxun abë ꞌakanankin atun abámikin ꞌati ꞌikën,

Génesis 24:61

Ësokin kakin sënë́onkëx ka Rebeca ꞌimainun an nikinkë xanu akamabë kuani camellonu ꞌiruakëxa, usai ꞌirukiani ka Abrahamnën ñu mëëmikë uni akamabë kuani kuankëxa. Usai ka an Abraham ñu mëëxunkë uni Rebeca anua bibiankin buánkëbë ꞌiakëxa.

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Génesis 32:1

Usai anuax aín kuku ꞌimainun abëa ukë unikama kuankëbëbi ka Jacob anuax kuankëxa, kuankëbëbi Nukën ꞌIbu Diosan ángelkamax ami chikirakëti anúan kuankë bai anu mërakëxa.

Génesis 48:20

A nëtënbi ka Jacobnën ësokin kakin upíokin sinánxuankëxa: —Israelkaman ka mitsun anë upíokin sinánxunkin bëtsi kati ꞌikën, Nukën ꞌIbu Diosan ka Efraín ꞌimainun Manasés ꞌasaribiokin mi ꞌati ꞌikën, ësokin ꞌakin ka Jacobnën Efraín aín apansa ꞌimianan Manasés aín ꞌanákasa ꞌimiakëxa.

Génesis 9:1

Nukën ꞌIbu Diosan ka upíokin sinánxunkin Noé ꞌimainun ain bëchikëkama, ësokin kakëxa: Kamina bëchipati mebi tsitsirui ꞌuákamë ꞌëoti ꞌain.

Daniel 7:10

usa ꞌain ka tsi ërë́rukë ax ka achúshi baka iskësa ꞌaish a bëtánain chikíaxa. Usa ꞌain ka miles ꞌimainun miles unikaman ñu mëëxumainun, millones ꞌimainun millones unikama a bëtánain sëtë́kë ꞌiaxa, anuxun ka a bana usai anu sëtë́kankë ꞌain bana ñuikin pëukin kirika, anua usai uni ꞌikë kuënëokë akamaribi bakakë ꞌiaxa.